الصلاه

موضوع: الصلاه الإثنين 21 نوفمبر 2011, 11:36 pm

الصلاه
كتير مننا مش بيعرف يصلى ولما يصلى هيقول ايه......؟؟ وازاى هيدرب على انك تنادى اسم يسوع.........؟؟ طب وازاى هيسمعنا طب ممكن يرد علينا.......؟؟ كلنا بنسأل نفسنا الاسئله دى وبرضه مش بنوصل لنتيجه........طب ليه احنا مش بنطلب ربنا الا فى الوقت اللى احنا محتاجينه فيه وقت الضيقه .......؟ ليه مش بنطلبه فى كل الاوقات عشان ميوقعناش فى الضيقه دى
تيجى نبدأها واحده واحده انا عارفه انك ممكن تقرر انك تبدأ تصلى ودى تجربه فى حياتى بس فى الحقيقه انك مش بتكمل هتقول اه بجد هبدأ اصلى وتاخدها اسبوع .....اتنين.....وبعد كدا stop مش قادر اكمل وكل ماتروح تعترف ابسط حاجه ابونا يقولهالك صلى انا ربنا يديك روح القوه انك تكمل
طب ماتيجى نعرف حاجه بحاجه مع بعض بس ياريت متملش ولا تزهق احنا بنكلم مع بعض ودى حاجه ليك وكمان مش ممكن تكون دى رساله من ربنا علشانك ..ايوه علشانك عشان يعرفك اد ايه هو بيحبك اد ايه هو مش ناسيك وعشان يعرفك ازاى تندهله وتصليله بواسطتى انا الضعيفه
يلا بينا ناخدها واحده واحده ومتخافوش مش هطول عليكو

1)مش بعرف اصلى ولما اصلى هقول ايه
ليه متوقفش قدام صوره ربنا وتحكى معاه اكنك بتكلم مع صحبك ....مش شاطر اوى اول مابتكون مضايق بتجرى على صاحبك وتحكيله عشان يشيل عنك
طب ماتعتبر يسوع دا صاحبك
اتكلم معاه ..احكيله...اشكيله بس من قلبك قوله ادينى القوه استحمل مشاكل الدنيا وقودها
قوله نجينى ..بصله وقوله انا ضعيف خبينى فى حضنك ..قوله مش لاقى حد اتكلم معاه غيرك ..بس صلى من قلبك وسيب نفسك وادى قلبك وفكرك وحياتك وعقلك وكل حاجه ليه
وانت بتصل اركع قدام صورته واقولك حاجه كمان لو وصلت بيك الدرجه انك تبكى ابكى ربنا حنين اوى ومتفكرش ان دمعتك سهله عليه بس زى ما قولت بقلبك واحساسك

2)ازاى ادرب على انى انادى اسم يسوع
ممكن تنادى اسم يسوع منفرد ولوحده(يسوع) او تدخل اسمه فى جمله طويله او قصيره(يارب يسوع المسيح ارحمنى انا الخاطى) او قصيره(ياربى يسوع) ومش لازم تقولها وانت بتحرك شفايفك ممكن تقولها بفكرك او بقلبك او باحساسك او وانت باصص لصورته وبتحرك عينك وعلى فكره من هنا جت فكره التأمل
ولما تيجى تنادى اسم يسوع مش لازم وقت الصلاه بس لأ دى فى مكان وفى اى وقت ...فى الشارع..فى العمل..فى البيت..فى الكنيسه طبعا...وانت بتمارس اى حاجه بتعملها حتى لو فى عملك عشان تحس با يد ربنا بيعينك وبيبارك فى وقتك ...هتسألنى تقولى لازم اكون واقف قدام صورته وانده...؟؟ لأ ممكن تكون وانت ماشى وانت قاعد وانت نايم وانت راكع ودا افضل وضع بيعبر عن الاتضاع والتعبد وبيساعدك فى الصلاه
وقبل ماتنده اسم يسوع جمع افكارك ودخل السلام جوه قلبك واسأل بعد كدا عن توجيه الروح القدس وارشاده (وليس احد يقدر ان يقول يسوع رب الا بالروح القدس (1كو 3:12)
لان اسم يسوع مش هيدخل قلبك الا بعد مايكون امتلا من التنهدات الروحيه النقيه واشتعل بلهيب الروح القدس واستمر فى انك تنادى اسم يسوع طالما انت عندك الرغبه
ولو انشغلت بترديد اسم يسوع هتحس بنتائج ايجابيه ملموسه وهى انك تحس بتلامس حقيقى مع ربنا يسوع (ان مسست ثوبه فقط شفيت (متى 21:9)
وبعدها هتحس بفرح داخلى وحراره روحيه وهتحس انك بتمشى وبتتحرك فى النور

3)ازاى بيسمعنا ؟؟ وممكن يرد علينا؟؟
يسوع بيسمع لكل انسان وكل ضعيف شكلك محتاجه ازاى مايسمعكش دا انت ابنه وهو ابوك لو مش هيسمعك يبقى ليه جابك
ومش المفروض انك تعاتبه على الضيقات اللى بيوقعك فيها بالعكس دا انت تشكره ودايما قوله اشكرك انك وقعتنى فى الضيقه دي اكيد انت مختارلى حاجه حلوه اه ممكن احس انها اذى ليا دلوقت بس بعد كدا هتبقى حلوه ومنفعه ليا وصليله قوله قوينى اطلع منها لان كل مااديتنى التجربه دى او الضيقه دى اكيد انت اللى هتخلصنى وتنيجينى منها
ولو عايز تعرف ازاى هيرد عليك .....؟؟ اسمع هو مش لازم يرد عليك رد بصوته ولسانه لأ شوف رده هيبقى هيبقى ازاى ممكن يبقا فى رساله منى دلوقت وانت بتقرا هاتبقى دى من ربنا ليك...ممكن تسمع وعظه وتحس ان الواعظ بيتكلم عليك مش بيتكلم عليك بمعنى الكلمه اقصد ان الكلام بيتوجهلك وانت كنت محتاجه ..ممكن بيقى فى انجيل تسمعه وتلاقى كلمه تشدك اوى وتحس انك سمعتها كويس اوى ودخلت قلبك
كل دى ردود من ربنا ليك اوعى تانى مره تتذمر او تعاتبه

موضوع: رد: الصلاه الإثنين 21 نوفمبر 2011, 11:55 pm

موضوع راااااااااااااااااائع جدااااااااااااااا جدااااااااااااا يا كوكي
شكرا ليكي

الصلاه Img_1308777693_127

موضوع: رد: الصلاه الثلاثاء 22 نوفمبر 2011, 12:34 am

ثانكس جدااااااااااااا

موضوع: رد: الصلاه الثلاثاء 22 نوفمبر 2011, 11:42 pm

[center]

موضوع: رد: الصلاه الأربعاء 23 نوفمبر 2011, 2:52 pm

ميرسى جدا يمرورك الرائع