مينفعش تعدى من غير مااشكرك

اسمحولى بكلمه شكر واجبه لكن الغريب انى مش هاشكر شخص معين
ولكنى عايزة اشكر سنه 2011 عارفه ان اغلب الناس هتسغرب انى بشكرك
لانك ف نظر معظم الناس اسوأ سنه عدت بينا وعندهم حق لانك بصراحه كنتى سنه ملعونه
بس اسمحيلى اشكرك شكر خاص كمان

بشكرك بالرغم ان شفنا فيكى ايام ملهاش حل واحداث بشعه من اول دقيقه هليتى فيها وانتى احزنتينا وبكتينا كتير اوى وتعبتينا ودوقتينا مراره مش شفناها قبل كده
اينعم عذبتينا لكن ليسووووووووووووع بجد قربتينا
وعشان كده بشكررررررك اصلك كنتى سنه عذاب سنه شهداء حاجه كده زى عصر دقلديانوس وهيرودس الملك سنه هتفضلى محفوره ف قلوبنا معلمه ف ذكرياتنا مش هننساكى
بشكرك لانك قربتينا ليسوع بجد اخدتى منه بركه عظيمه ودوقتينا بركات منه اعظم
كام واحد السنه دى كلم ربنا ع وجه الخصوص ورفع ايديه ليه وصلى من قلبه
كام واحد كان بعيد يسوع ولما شاف الاحداث المتتاليه اللى بتحصل فيكى جرى لربه وكلمه ولو حتى عن طريق المعاتبه
من اصغرنا لأكبرنا الكل اتكلم مع ربنا مين فينا مقالش يارب السنه دى لدرجه ان ف بعض الاوقات صلاتنا اتوحدت بالساع واليوم فيكى
وكل ده مش عايزانى اشكرك
ده انا بشكرك لانك صحيتى فينا ضمائر وقلوب كانت ع وشك الموت والانهيار من كتير البعاد والفتور
اصل الهنا قالها كلمه خرافى تسمع صوتى وتتبعنى وربنا شاف اننا بعدنا عنه شويه فحب يجمعنا من تانى ليه ده مش بس جمعنا ده قربنا ليه وغربلنا اللى سمع صوته مشى وياه واللى مش قبله اتعثر ف الطريق ووقع فعشان كده سمح بكل الاحداث دى تحصل فيكى

يااااااااااااااااا يافرحتك بولادك يارب السنه دى فرحتك بولادك اللى راحوا شهدا ليك وولادك اللى كانوا بعيد وقربولك تانى ووقفوا ورفعوا ايديعم ليك يطلبوك ولو حتى عاتبوك فهمها بيعاتبوا ابوهم الحنون
بجد انتى سنه رائعه بالرغم من الخساير اللى شفناها وحسينا بيها

يااااااااااااارب ارجوك تسمعنى وان كان صوتى مش واصلك هعلى صوتى اكتر كمان
لو كان القرب ليك ومنك بالمعارك والضيق والدم والشهاده فيامرحب بيهم وقربنى منك اكتر كمااااااااااااان
اصل انت الدواء والعزاء والبلسم المداوى لاارواحنا

ياترى مين هيشكر ومين هيلعن فيكى
انا بعتذر طولت عليكم بس دى كانت حاجه جوايا بجد وحسيتها

ايه الرسالة الجميلة دي يا كوكي
كتير بنحزن
لكن فرح ربنا قريب
اشكرك جزيلا علي الرسالة الرائعة دي
تم تثبيت الموضوع
كل سنة وانتي طيبة

انا حقيقى متشكره جدا بس ده كان احساااس جوايا كل مااشوف حد يقولى امتى يعدوا اليومين اللى فاضلين ف السنه المنكوبه دى وكلام كتير صعب اوى
بس صدقنى لما قعدت واتاملت ف الاحداث اينعم كانت صعبه وبشعه ع الكل وتعبنا فيها اوى
بس رفعنا فيها اسم يسوع اوى يكفى اننا سمعنا صوت الاقباط للعالم كله السنه دى وعرفوا ان الاقباط مش اقليه زى ماطول عمورنا بنسمع
عشان كده شكرتها
وبجد بشكرك لتثبيت الموضوع وكل سنه وانت طيب ويارب ايامك كلها تكون حلوة

koky كتب:: انا حقيقى متشكره جدا بس ده كان احساااس جوايا كل مااشوف حد يقولى امتى يعدوا اليومين اللى فاضلين ف السنه المنكوبه دى وكلام كتير صعب اوى
بس صدقنى لما قعدت واتاملت ف الاحداث اينعم كانت صعبه وبشعه ع الكل وتعبنا فيها اوى
بس رفعنا فيها اسم يسوع اوى يكفى اننا سمعنا صوت الاقباط للعالم كله السنه دى وعرفوا ان الاقباط مش اقليه زى ماطول عمورنا بنسمع
عشان كده شكرتها
وبجد بشكرك لتثبيت الموضوع وكل سنه وانت طيب ويارب ايامك كلها تكون حلوة

صدقيني وكلامك كله من القلب

وكان تأمل رائع

وكفاية

يوم الصلاة العالمي اللي الناس كلها بكت بدموع بربنا

حسيت بجد وقتها ان دموع الناس

هزت عرش الللله وزلزللته

من كتر الاحساس اللي من القلب والايمان الكبير

ربنا كبير

وشكرنا علي كل حال ومن اجل كل حال

صلاة الشكر

فلنشكر صانع الخيرات الرحوم الله, أبا ربنا و إلهنا و مخلصنا يسوع المسيح . لأنه سترنا و أعاننا, و حفظنا, و قبلنا اليه, و أشفق علينا, و عضدنا, وأتى بنا إلى هذه الساعة. هو أيضاً فلنسأله أن يحفظنا فى هذا اليوم المقدس و كل أيام حياتنا بكل سلام, الضابط الكل الرب إلهنا.

أيها السيد الرب الإله ضابط الكل أبو ربنا و إلهنا و مخلصنا يسوع المسيح، نشكرك على كل حال, و من أجل كل حال, و فى كل حال, لأنك سترتنا و أعنتنا و حفظتنا و قبلتنا اليك, و أشفقت علينا و عضدتنا و أتيت بنا إلى هذه الساعة. من أجل هذا نسأل و نطلب من صلاحك يا محب البشر, إمنحنا أن نكمل هذا اليوم المقدس و كل أيام حياتنا بكل سلام مع خوفك. كل حسد و كل تجربة و كل فعل الشيطان و مؤامرة الناس الأشرار, و قيام الأعداء الخفيين و الظاهرين, إنزعها عنا و عن سائر شعبك و عن موضعك المقدس هذا.

أما الصالحات و النافعات فارزقنا إياها, لأنك أنت الذى أعطيتنا السلطان أن ندوس الحيات و العقارب و كل قوة العدو و لا تدخلنا فى تجربة, لكن نجنا من الشرير. بالنعمة و الرأفات و محبة البشر، اللواتى لابنك الوحيد ربنا و إلهنا و مخلصنا يسوع المسيح. هذا الذى من قبله المجد و الإكرام و العزة و السجود تليق بك معه و مع الروح القدس المحيى المساوى لك الآن و كل أوان و إلى دهر الدهور.

آمين.

بكرر شكرى ليك مره تانى

للرب كل المجد والاكرام على عظيم صنيعه معنا وشكرا لعب محبتكم والتأملات الرائعه

نورتى وميرسى لردك