ارجوكم اقروا المعجزه دي عشان خاطري دي مسئولية

تذكير بمساهمة فاتح الموضوع :

منقول من عماد صاحب المعجزة

بأسم الآب والابن والروح القدس اله واحد امين
انا في البدايه احب اقول ان المعجزه دي حصلت معايا انا شخصيا
اسف لو هي طويله لكني عايز اوضح مده الصعوبه والالم اللي كنت فيه وازاي ربنا بيحمي ويساعد اولاده ويبعتلهم اقوي القديسين مارجرجس البطل
خلوني احكي ليكم عن اجمل معجزه في اجمل وقت
انا اسمي عماد غالي
انا بدرس في كليه التجاره الخارجيه بحلوان
الموضوع بدء يوم 2/6/2007 كان يوم الجمعه انا بعد ما اتعشيت وصليت بليل وانا كنت في فتره الامتحانات كنت امتحنت وكان فاضل 5 مواد المهم يوم الجمعه ده حوالي 2 الفجر صحيت بسبب الم شديد جدا في منطقه فوق المعده من شده الالم انا كنت مش قادر ابلع ريئي كان في نار في صدري فضلت اتالم لمده 3 ساعات يعني حتي 5 صباحا قمت نزلت لوحدي لمستشفي نصر الاسلام عند دكتور نبتشي وبدوره وصف الدكتور ان عندي التهاب شديد في جدار المعده واخذت مجموعه حقن وكمان برشام وبعد كده روحت البيت الحقن هديتني خلتني انام شويه لكن الصبح كان الم شديد المهم انا في فتره الامتحانات بيكون دايما اكلي خفيف جدا عشان اكو قادر علي المزاكره بكثره وتركيز المهم انا الصبح اهلي لما عرفوا طلبوا اني اكشف عند دكتور تاني كبير فعلا رحت لدكتور كبير باطني قال ان انا عندي التهاب في جدار المعده كمان قولون عصبي واخزت كورس علاج محترم جدا وهو كالتالي [ زولوباك - موتيليم - بلازيل - كلوكسيد ] وللمعلومه ان ادويه المعده من الادويه التي تسبب غثيان دوخه نووم شديد احباط كسل
وده كان في فتره امتحاناتي وامتحاناتي بجد صعبه قوي محتاجه تركيز وفهم وصعوبه في الحفظ وده كله مكنش عندي بسبب الادويه ده كمان بالاضافه الي نوع الاكل كله كان زبادي ورايب ولبن ساقع وبس
فضلت اتعالج من الم المعده والهبوط الحاد اللي انا فيه من 3/6/2007 حتي 9/6/2007 كان يوم الخميس كنت امتحنت ماده رياضيات الاستثمار ورجعت كأن مكنش عندي اي الم في جسمي نهائي ورحت للدكتور اللي اكد ان علاج الم المعده بيستمر لمده 3 شهور احيانا ازاي يخف في اسبوع نشكر ربنا رجعت البيت يوم الخميس بليل نزلت اراجع كورس انجليش حسيت ان جنابي بتنمل شويه رحت للدكتور قال ان ده قولون عصبي وأداني مسكن نمت يوم الخميس ويوم الجمعه الصبح رحت الكاتدرائيه اتنولت في الانبا رويس وهناك بعد التناول اغمي عليا الالم شد جامد علي جنابي وصدري
اخواتي جم اخدوني من الكاتدرائيه ورحت علي مستشفي الحياه عشان اكشف عند دكتور رشاد بشاره استاز اوعيه دمويه وجلطات اصلي انا كنت بعاني من جلطات في الرجل الشمال من زمان المهم اني لما رحت كان حظي السيء ان الدكتور رشاد كان بيعمل عمليه لمده اربع ساعات انا طبعا مقدرتش استحمل فلقيت في المستشفي دكتور استشاري باطني كشفت عند طلب مني اني اعمل تحليل بول طلع فيه صديد ودم فقال ان كده انا عندي املاح علي الكلي وطلب مني اعمل سونار علي الكلي والاشاعه وضحت اني عندي الكلي اليمين بها ترسبات املاح بسيطه يعني مش هي اللي ممكن تسبب الاغماء الشديد ده لكن ادينا اكتشفنا مرض نتعالج منه يعني لقه حجه للاغماء والالم الكلام ده مان من يوم الجمعه حتي يوم الاثنين كشفت عند دكتور امير سامي مسالك بوليه واداني كور علاج جديد [ حقن ليوميتاسين - بروكسيمول - فوار مدر للبول -,,,,,,]
وقالي ان علاج الفوارات ممكن يتعب المعده تاني ودي مشكله
اتعالجت من الكلي من يوم الجمعه حتي الاثنين ويوم الاثنين بليل نصفي التحت كله ورم واتنفخ وكأني اتشليت بالكامل طلبت دكتور امير سامي المتخصص مسالك بوليه قالي ان ده مش بسبب الكلي وطلب مني اروح لرشاد بشاره المتخصص في الجلطات لما كلمت الدكتور طلب مني اني لما امتحن بكره الثلاثاء ماده المحاسبه بعدها علي طول اروح لمستشفي السلام في المهندسين واعمل اشاعه دوبليكس علي الحوض والكلي والحالب والمعده وفعلا كان اخواتي يوم الثلاثاء بياخدوني علي كرسي بعجل للجامعه لمتحن وارجع اليوم ده رجعت المستشفي ولما عملت الاشاعات طلع عندي جلطه علي الحوض والحالب ورجل اليمين واليسار والرئه لدرجه انها اتلفت عمليه كنت عملتها عمليه فلتر للجلطات من شده وقوه الجلطه اتلفت الفلتر
اتحجزت في المستشفي لمده يومين في العنايه وطبعا محاليل وكلوجوز وتحاليل اتظبطت يعني ولما جه دكتور رشاد طلب عمل عمليه اسمها يوروكاينيز وكربتوكاينيز عباره عن انزيمات
سمحوني علي التأخير انا حالا هكمل باقي المعجزه
يوم ما اتحجزت في المستشفي ده كان يوم الثلاثاء 12/6/2007 وفعلا كشف عليا الدكتور رشاد بشاره وهو الطبيب المعالج ليا من 6 سنين قال انه لازم اعمل عمليه عباره عن قسطره بتتركب عند الحوض وبيوضع فيها انزيم اسمه الكريبتو كاينيز وهو انزيم مفتت للجلطات بكون في المستشفي لمده يومين وبعد كده بيبقي الموضوع سهل شويه بعد العمليه هو قال الكلام ده طبعا والكل عندي في المستشفي من اهلي اللي كان بيبكي واللي حس اني خلاص بقي في النهايات طبعا وانا شايف ده كله بيحصل حواليا صدقوني مكنتش خايف لكن بجد كنت في حاله زهول مش مصدق ايه اللي بيحصلي ده انا كنت من كام يوم بهزر وبمتحن ومستني اخلص عشان مرتب لنفسي برنامج في الصيف من خدمه ومهرجان للدير اللي بحب دايمان اكون فيه كل ده مره واحده اختفي غير ان الدكتور رشاد قال انه ممكن ميعملش العمليه لكن فتره العلاج هتكون طويله ممكن تبقي 6 شهور عشان يخف ويمشي سبني الكتور عشان يجي تاني يوم ويعمل العمليه بدون نقاش
في اليوم ده خالتي كانت جت للمستشفي وجبتلي معاها الكسوه الخاصه برفات جسد الشهيد العظيم مارجرجس وعلي فكره انا كنيستي مارجرجس بخمارويه المهم يوم الثلاثاء بليل الكل طبعا مشي ماعدا امي واخويا دكتور بردوا كان قاعد معايا .
الخوف كله اني احس باي الم في صدري ده معناه ان الجلطه شدت عليا صدري وده بيسبب بكل بساطه كرشه نفس واموت من غير اي مقدمات اللي حصل بالضبط اني حوالي الساعه واحده بعد نصف الليل شعرت اني صدري ورئتي شبه اتسدت مش قادر اسحب نفسي بعد كده اخويا هو اللي بيشرح بيقول ان عيني ابتدت تختفي يعني اقصد تترفع لفوق واني كنت بخرج نفسي بالعافيه انا نديته وعرفته ان نفسي بيروح مني امي كانت من شده التعب كانت نايمه راح اخويا قومها وقالها يا ماما انا حاسس ان عماد بيروح منا وهي بتقولوا طيب نعمل ايه انده دكتور نبطشي يجي يشوف انا كنت سامع كل ده علي فكره بعد كده تعرفوا لما تيجوا تنامو تحس انك بتتخطف مره واحده تلاقي نفسك نمت ده حصل معايا انا حاسس اني اتخطفت لكن منمتش وقفت في النصف بعد كده لقيت صوت بيكلمني بيقولي
..... يا عماد انا مارجرجس انا جاي اعملك عمليه كبيره دلوقتي
.....انا كنت لرد بمنتهي الغباء واقوله لا انت مش مارجرجس انا بتخيل ان في
صوت بيكلمني عشات اوهم نفسي اني مش هموت
..... يرد الصوت عليا ويقولي لا يا عماد ده انا مارجرجس جاي اعملك عمليه
كبيره
مره واحده لقيت اني فقت من النوم او الغيبوبه لقيت امي كانت تخرج تنادي للدكاتره اللي بره خلاص عماد بيموت بقي فأنا نديت عليها وقلتلها هي واخويا اني سمعت صوت واحد غريب بيقول انه مارجرجس وهيعملي عمليا كبيره بمجرد اني قلت الكلام ده لقيت نفسي في دنيا تانيا خالص غيبوبه نوم مش قادر احدد لكن مل اللي فاكره انه قام حوار كامل بيني وبين قديس عظيم
لقيت صوته بيقولي ياعماد انا مارجرجس الهي بعتني اعملك عمليه كبيره وعلي فكره حتي الدكاتره الكبار دول وكمان الاشاعات مش عارفين حقيقه مرضك مستعد يا عماد عشان اعمل العمليه
انا مش برد عليه
يقولي هو يا عماد انت مش مصدق اني مارجرجس
فكنت بقله اني اعرف ان مارجرجس لما بيعمل معجزه كان بيظهر ويسيب دم علي الهدوم زي ما بنسمع انما انت صوت بس طيب انا ليه مأشوفكش
فكا يرد عليا ويقولي لا يا عماد انت مش لازم تشوفني انا انما هأكدلك اني مارجرجس ركز يا عماد لان ام النور هتظهرلك حالا وكنت اشوف ايقونه العزراء تظهر في عيني فكنت اضحك بصوت عال وبقي فرحان اوي بعد كده يقولي انت بقي يا عماد هتحكي المعجزه دي فكنت بقوله طبعا ده انا لازم اروح الكنيسه بنفسي واحكي المعجزه دي فلقيته بيقولي لا يا عماد لازم تعترف بمجرد ما قال كده لقيت شريط فيديو فكرني بحجات كتير هي مش خطيره لكني كنت بهملها دايما في اعترافاتي المهم كنت احس ان في كأن قلم خشب بيتغرس في اماكن الالم وبتتلف وتتحب مني في الكانولا المتركبه في يدي اليمني وكمان احس ان في حد بيديني حقن في الوريد وكمان كان يقولي دلوقتي رجليك كويسه تعالي بقي علي الحوض وامي واخويا بيصفوا اني كنت بتكلم واقول اني تعبان كفايا كده الجزء ده خلاص مش المني انا جنبي لسه في الم وكنت اضحك اوقات واحزن اوقات طبعا مكنوش عارفين اني كنت بضحك لما كنت بشوف وجه امي العدرا واحزن لما كان بيسبني مارجرجس وثلاث مرات كان بيسألني مارجرجس ان كنت بصدق اللي بيحصلي وانا بغباوه مكنتش برد وفي كل مره كان بتظهرلي امي العدرا لغايه لما قلتله خلاص يا مارجرجس انا مصدق كل اللي بيحصل ساعتها قالي انه خلاص مش هيبقي في عمليه وانه هيخلي الدكتور بتاعي يكتبلي علي خروج اول مايجي ومفيش عمليه
وبعد كده قالي تحب اسيبلك علامه يا عماد فأنا مش فاهم يقصد ايه بس قلتله لو عايز تسيبني خالص انا موافق طالما طلع معايا الهي وقديس عظيم زيك يا مارجرجس فلقيته بيقولي دلوقتي بتقول الكلام ده ده انت شكاك لا خلاص انا هسيبلك علامه وسابني خلاص
انا فقت من النوم ده لقيت اخويا وامي بيبكوا طبعا عرفتهم انهم ميقولوش لحد غير لما اعترف الاول الكلام ده كا يوم الاربع الساعه 8 صباحا كان باقي العائله جم ليا وخالتي وهي خارجه من غرفتي لقت 2 رهبان شكلهم غريب فقلتلهم ان ابن اختي تعبان لو تقدروا تصلولوا فلقيتهم بيقوللها احنا جايين نناوله
انا شماس بقالي فتره لاول مره اشوف مناوله الجسد في الزخيره وحده والدم ايضا في زجاجه واحده وغالبا هم صلولي قداس سريع وناولوني مناولخ جميله جدا جدا جدا وبعد كده صلو اوشيه المرضي ودهنوني بالزيت وواحد منهم كان ضخم نوعا ما قالهم في الغرفه لا خلاص متخفوش ده بقي كويس خالص وبعد ما مشيو بحواالي نصف ساعه كانت الساعه 10 صباحا وانا كنت في الدور التاسع وكنت فاتح الستاره في الغرفه وكانت الشمس قويه وكان خالي قاعد معايا وكمان زميلتي وخالتي لقينا نور فظيع قوي جدا جدا جدا جدا لدرجه انه غطي علي نور الشمس بكتير جدا عمل علامه صليب في السقف خالي خاف جدا وخالتي بكت وكلهم قالو ان ده ملاك الزبيحه بينصرف لكن دي كانت العلامه اللي مارجرجس قالي عليها وانا حاليا دلوقتي في منتهي الصحه واشكر ربنا انه اداني قوه اني اكمل باقي المعجزه دي عشان اوفي ندري لشفيعي وشفيع كنيستي مارجرجس البطل وكمان انا نتيجتي ظهرت وتقديري جيد جدا
انا عارف اني طولت عليكم لكن اشكركم لانكم قيتو المعجزه دي وانا للتأكيد هرفع الاشعه والتحاليل اللي بتثبت الكلام ده بالتواريخ

ارجوكم اقروا المعجزه دي عشان خاطري دي مسئولية - صفحة 2 Image404fu9jt2ik5

ارجوكم اقروا المعجزه دي عشان خاطري دي مسئولية - صفحة 2 Image404fu9jt2ik5

ارجوكم اقروا المعجزه دي عشان خاطري دي مسئولية - صفحة 2 Image382tj1av0

ارجوكم اقروا المعجزه دي عشان خاطري دي مسئولية - صفحة 2 Image383wn2db2

ارجوكم اقروا المعجزه دي عشان خاطري دي مسئولية - صفحة 2 Image387wa3st7

ارجوكم اقروا المعجزه دي عشان خاطري دي مسئولية - صفحة 2 Image388fx1ot1

ارجوكم اقروا المعجزه دي عشان خاطري دي مسئولية - صفحة 2 Image391ut8io1

ارجوكم اقروا المعجزه دي عشان خاطري دي مسئولية - صفحة 2 Image400ho0ad5

ارجوكم اقروا المعجزه دي عشان خاطري دي مسئولية - صفحة 2 Image399nt4ir3

ارجوكم اقروا المعجزه دي عشان خاطري دي مسئولية - صفحة 2 Image401ms6ax3

ارجوكم اقروا المعجزه دي عشان خاطري دي مسئولية - صفحة 2 Image402xk3mj4

__________________

المجد ليك يارب ليتمجد الله فى قديسيه
معجزه جميله جدا ربنا معاك يا عماد وبركه ام النور والشهيد والعظيم مارجرجس تكون مع جميعنا
امين
اذكرني في صلواتك

عضوجديد البطاقة الشخصية لقبك:

معجزة جميلة جدا فاليتمجد اسم يسوع المسيح

عضوجديد

معجزة جميلة وقوية وربنا يسوع المسيح يتمجد فى كل افعال القديسين

عضوجديد

المسيح معانا دايماً مش مهم أن يرسل لنا قديسين أو ملائكة لأن المسيح أب حنون حضنه دافي كل يوم هو معانا كل يوم وفي كل لحظة بيقف معانا رغم أن أحنا كل ثانية بنطعن المسيح بالحربة في جنبه بندق المسامير في أيديه ورجلية بسبب خطايانا المسيح أبونا الحنين اللي دايماً فاتح لنا احضانه وقلبه وبيقلنا "تعالوا إلي يا جميع المتعبين وثقيلي الأحمال" بجد هذا هو الأب العظيم الذي فدانا علي عود الصليب. يارب أنا بنتك اللي متستحقش أنك تعمل كل ده عشانها

المعجزة جميله جدااااااا
انا كنت بقراها فى ذهول
ولكن ليتمجد الرب فى قديسيه

عضوجديد

[size=24]بركه العدرا ام النور والبطل مارجرجس تكون معانا امين [/size]

عضوجديد

معجزة جميلة جدااااا جداااااااااااااااا ربنا معاك صلى من اجلنا

عضوجديد البطاقة الشخصية لقبك:

الف مبروك يا عماد واذكرنى فى صلاتك

ليتمجد اسم الله فى قديسيه بشفاعة ام النور والشهيد العظيم مارى جرجس

عضو متقدم

بركة جميع مصاف القديسين تكون معانا ومعاك امين

عضوجديد

مبارك اسم الله وليتمجد الله في قديسيه ، فالله الذي ظهر في الجسد قادر أيضا على خلاص نفوسنا وغفران خطايانا وشفاء أمراضنا وتدبير حياتنا وكل احتياجاتنا
عظيمة هي شفاعتك يأم النور يالوالدة الاله وعظيمة هي شفاعتك يأمير الشهداء ياقديس مارجرجس العظيم وعظيمة هي شفاعات القديسين ليظهروا مجد الله بأعمالهم ومعجزاتهم
السلام لك يأم النور
السلام لك ياسريع الندهة الأمير القديس مارجرجس
السلام لكل القديسين والشهداء والأبرار

عضوجديد

دى معجزة جميلة قوى
ربنا يعوضك تعب محبتك

عضوجديد

شفعتهم تكون معنا

ليتمجد اسم الرب

معجزة جميلة جدا حمد اللة علي سلامتك فعلا ربنا دايما معانا في كل وقت عمرة ماتخلة عن اولادة ببركة وشفاعة مارجرجس تكون معانا جميعا

عضوجديد البطاقة الشخصية لقبك:

بصراحة اننى جسمى كلة اشعر من المعجزة الف سللامة ياعماد بركة شفاعة القديس العظيم مارجرجس وام النور لتكون معنا جميعا والمسحين كلهم ومع العاملين فى هزا المنتدى

عضوجديد البطاقة الشخصية لقبك:

معجزة جميله جدا وسلام الرب على ستى العذراء مريم وسلام الرب على امير الشهداء مار جرجس

شفاعتهم وصلواتهم كون معنا

عضوجديد

معجزة جميلة جدا
وانا بجد بتمنى ان مارجرجس يظهرلى

عضوجديد

ارجوكم اقروا المعجزه دي عشان خاطري دي مسئولية - صفحة 2 753940

الف حمد اللة على سلامتك يا عماد يابختك كان معاك الملكة والامير شفاعتهم معاك ومعانا مع اولاد المعمودية كلها

عضوجديد

What a blessing. Please whoever reads this message pray for me that St Mary and George intercede for me that the Lord fixes the major problem I have. It needs a speedy solution. I promise that I will write the miracle when it happens.

» الدستور ترصد خامس محاولة انتحار حرقاً خلال يوم واحد .. مصدر أمني: الناس بتولع في نفسها عشان تطلع في التليفزيون عشان كده منعنا التصوير!
» مبارك والعادلي في السجن عشان مسئولين عن قتل الثوار .. ومرسي وجماعته لازم يتسجنوا عشان مسئولين عن قتل الاطفال ..
» ***كله للخير **** ادخلوا اقروا الموضوع
» ارجوكم صلو من اجل
» صلوا من أجلي ارجوكم