الللي حصلتله معجزة يدخل يسجلها هنا

تذكير بمساهمة فاتح الموضوع :

اي انسان حدثت معاه معجزة بشفاعة القديسين يدخل يكتبها هنا علشان كلنا نمجد ربنا يسوع المسيح وقديسيه

انا مش عارفة ابدا كلامى بس انا كنت تعبانة لمدة 3سنوات وكنت منتظمة على علاج وكانت فترة صعبة وكنت تعبانة ونفسيتى كانت تعبانة كمان لانى كنت بحس ان اللى حوليا بيخافوا بيزعلونى علشان انا تعبانة وكنت بضايق من الحكاية دى وقعدت مستمرة على العلاج وبعد 3سنوات رحت للدكتور وكنت دايما اتشفع بالبابا كيرلس لان هو شفيعى ووقف معايا فى حاجات كتير والدكتور قالى اوقف العلاج لانى خفيت وفرحت ساعتها ووالدتى كانت نادرة ندر ووفت بية وبعديها 3سنوات رجع لى التعب تانى وكنت ببكى كتير وفى يوم نمت وقلت يابابا كيرلس وفعلا جانى وحلمت بست كبيرة لابسة طاسونى واب كاهن وبتقولى تعالى شوفى البابا كيرلس وخدتنى ووقفتنى قدام جسدة وقلتلها مش هيشفينى راح هو بصلى وهزلى فى راسة ومكان عينية شفت صورة العدرا وبعد كدة الجسد اختفى ومن ساعتها محسيتش بتعب خاااالص ببركة حبيبى وشفيعى البابا كيرلس بركة صلواتة تكون معانا امين صليب j

عضوجديد البطاقة الشخصية لقبك:

معجزة الباب كيرلس معايا
للاسف انا ما اتعاملتش معاة الا بعد نياحتة
وكانت البداية صورة لة شفتها عند صديقة لي وكانت والدتها لسة جايباها من الدير
ولما شفتة حسيت اني اتعلقت بة وسالت صديقتي اني اخذ الصورة وفعلا اخذتها و علقتها في حجرة نومي بعد ان نزلت كل صور الممثلين اللي كانت مالية حجرتي
وبدات حياتي معاة وكنت دايما اتكلم مع الصورة والغريب اني كنت باحس انة سامعني ولما كنت بازعل ماما او باكون عاملة حاجة ممكن تزعل كنت الاقية مكشر وزعلان مني ولما اكون راجعة من الكنسة ولا عاملة اي حاجة كويسة الاقية مبتسم لي فافرح
وقرات كتب المعجزات اللي قربتني منة اكتر واكتر
والي الان وانا ام لبنت وولد دايما اكلمهم عنة ودايما شايليين صورتة وحتي تحت مخدتهم تلاقي كتاب معجزاتة
انا شخصيا كنت باسيب الاولاد معاة في البيت واروح اجيب الاكل مثلا وهم لسة صغيريين يعني اكلم الصورة واقولة خد بالك من الاولاد علي ما ارجع
وبكل ثقة وبكل ايمان كان بيخلي بالة عليهم
البابا كيرلس شفيع الاجيال حقيقي
شفاعتة دايما تكون مع الجميع
امين

عضوجديد

بسم الله القوى

انا عشقى الوحيد للبابا كيرلس بجد هو ابويا وحبيبى وغالى عليا لدرجة كبيرة جدا جدا جدتا
ام عن معجزاته معايا كتير منها :
لما كنت طالبة فى الثالث دبلوم تجارة بطبيعتى مش اقدر اذاكر غير الاسبوع الاخير قبل الامتحان وكان نفسى انجح وادكمل دراسة بعد الدبلوم بس خفت جدا من قلت المذاكرة وحتى من كتر خوفى ماكنتش بعرف اذاكر او اركز وكل اللى حواليا كانوا يقولوا لى لو نجحتى بس نبقى ما بنعرفش حاجة والصراحة كنت متكلة على ربنا وبحاول اذاكر لغاية فى يوم كانت مادة صعبة جدا عليا ومش عارفة افهما ولااركز فيها فكلمت البابا كيرلس فى صوته وهو على كرسى مارمرقص متنيح وبكيت بخوف وقلته انا محتاجة ايدك حتى نجحنى بس عشان خاطر مكونش سبب حزن بابا وماما ومن كتر البكى رحت فى النوم وحلمت انى انا واصحابى اللى معايا بنظور الطاحونة وجواها زى معرض كبير للناس لابسة اقنعة قديسين وانا رحت عرفت النتيجة وقلت لاصحابى احنا نجحنا ومن كتر فرحتنا قلنا ترنيمة لمارمينا جميلة جدا بعدها صحيت ولقيت باقى على الامتحان نصف ساعة فكنت فرحانة اوى اوى اوى ولما وصلت المدرسة قابلت اصحابى وقلت لهم احنا هاننجح كلنا وصدقونى وفعلا نجحنا وكلهم فى كليات ومنهم اللى اتخرج وانا بقدم التنسيق طلبت منه انى ادخل معاهد بنات بس وكان كل اللى يسمعنى يضحك عليا جدا وييقولوا لو دخلتى معهد سنتين يبقى ربنا كرمك والفاجأة لما جانى جواب الترشيح دخلت كليت رمسيس للبنات والسنة اللى دخلتها نزل قرار ان اللى تحصل على تقدير جيد تكمل لسنة رابعة وفعلا انا اتخرجت من معهد مصر القديمة ببكالوريوس ادارة اعمال وده لكه بشفاعته هو لانى طلبت منه

عضوجديد

ابسم الله القوى
امنا سارة راهبة دير الانبا بضابا اللى تنيحة فى شهر 9\2009
دى ام بركة جدا وانا قابلتها مرة واحدة لما كنت فى الصف الثالث الثانوى التجارى
كانت لينا صديقة اختها تعمل فى العمارة اللى بتنزل فيها امنا فى الزيتون وقالت لينا عليها وبعد المدرسة رحنا كلنا ليها وقعدنا نسمع منها عن الانبا بضابا واعماله واعطت كل واحدة فينا بونبوناية وقالت لينا كلنا ها تنجحوا كلكم وتدخلو جامعات وفعلا كل المجموعة بعد معهد سنتين دخلوا كلية تجارة جامعة عين شمس وانا معهد اربع سنوات
بركة صلواتها معاكم ومعايا

عضوجديد

انا مش عارفة ابدا كلامى بس كل الى انا عايزة اقولة ان البا با كيرلس لية دين كبير اوى عليا وانا قصرت فية
وبطلب منة انة يسامحنى على تقصيرى
انا كنت طالبة فى الثانوية العامة وكان مستوايا كويس مش ممتازة بس كويسة وعند قرب الشهر الاخير وانا حصلتلى حاجة غريبة جدا هى انا كل ما افكر فى الامتحان وشكل لجنة الامتحان اترعب تعبت جدا ونفسيتى تعبت جدا وانا براجع المواد وشىء طبيعى من الخوف مش فاكرة اى حاجة حتى مش فاكرة ومش عارفة الحاجات البسيطة زى 1+1=كام انهارت حالتى جدا المهم سقط بسببب خوفى وعدت السنة وانا بتشفع بحبيب البابا كيرلس
كانت اصعب سنة فى حياتى وقرب الامتحانات حصلى الى حصل السنة الماضية وعند اخر امتحان وكانت مادة التاريخ وقبل الامتحان بيومين انى لا ادخل الامتحان وانتوا عارفين مادة التاريخ هى ثقيلة جدا ومحتاجة اعصاب هادئة عشان تفتكرى الى حفظتية كويسة جدا المهم وليلة الامتحان انا مقررة انى مش هدخل لجنة التاريخ وانا نائمة اتى الى حبيبى البا با كيرلس واللة اعلم ا\ا كان دة حلم ولا حقيقة وصحانى من النوم وروحت الامتحان وانا بداخلى انة مش هيسبنى ابدا وفعلا ظهرت النتيجة ونجحت والحمد للة ودخلت كلية كويسة بفضل حبيبى البا كيرلس ومش دى المعجزة الوحيدة فى حياتى لا هو دايما بجانبى فى اى وقت انا بطلبة فية اشكرك ياحبيبى البابا كيرلس وانا اسفة كتيير لتاخيرى على رد الجميل
[i]

اقتباس :

اقتباس :

[img][/img]

بجد معجزات عظيييييييييييييييييييييييييييييمة جدااااااااااااااااااا

وبشكر محبة كل انسان كتب عمل الله وقديسيه في حياته
لتكون بركة عظيمة وجميلة لكل شخص يأس

وان شاء الله هيتم ارسال الموضوع لجميع الاعضاء

بركة وشفاعة القديسين تكون معنا جميعا
امين

عضوجديد البطاقة الشخصية لقبك:

الاستاذ ديفيد / البابا كيرلس حبيبي وشفيعي وحصلت معايا اكتر من معجزة بتظهر مساندته ليه اولا وصلت لمرحلة فتور روحي جامدة وعلى الرغم من ذهابي للكنيسة اكتر من مرة وتمسكي بالصوم لكن مفيش صلاة بالمرة ويوم عيد نياحة البابا كيرلس ذهبت الي الكنيسة واعترفت واتناولت وبعد نهاية الصلاة فؤجت بالشماس يوزع صور للبابا كيرلس وطبعا زحمة شديده وانا سيده لم استطيع ان ادخل وسط الرجالة ولكن كنت نصرة على اخد صورة للبابا وانا منتظرة واذا بزوجي يعيطيني صورة للبابا ولكن انا عايزة صورة لي واذا بانسان لم اعرف من اين ظهر قالي خدي يا مدام خدي صورة البابا فطبعا فرحت جدا وشكرت البابا كيرلس وعلقت الصورة في غرفة اولادي وكل يوم الصبح لازم اصبح علية واطلب منه ان يصلي من اجلنا امام عرش النعمة ودي واحدة من معجزات البابا معايا

شفاعتهم تكون معانا جميعا

عضوجديد البطاقة الشخصية لقبك:

بعد وفاة امي كانت اختي الكبيرة مخطوبة وحصلت مشاكل اظهر فيها اهل الخطيب عدم رغبتهم في اتمام الزواج فزعلنا جدا وطلبت من البابا كيرلس يدخل ويرسل لي مارميا علشان ااعرف انه سمع صلاتي وتاني يوم الصبح انا نازلة على السلم واذا اجد صورة مقلوبة مسكتها وتخيلوا صورة مين طبعا مارمينا ففرحت جدا جدا وعرفت ان حبيبي البابا كيرلس سمع لصلاتي والحمد لله تزوجت اختي بفضل عناية حبيبي البابا كيرلس

شفاعتهم تكون معانا جميعا ولربنا كل مجد وكرامه

بجد معجزات جميلة جداااااااااااااااا يا جاكلين
شفاعة البابا كيرلس ومارمينا العجايبي
تكون معنا جميعا
امين

عضوجديد

انا حصل معايا حاجة غريبة جدا مع البابا كيرلس ..انا في الحقيقة من سوريا و طائفتي روم اورثوزكس و لكن لفتني جدا ايمان الكنيسة القبطية و عندها بدأت ابحث فيها و أول ما فعتلته هو الدخول الى المواقع القبطية و منتدياتها و عندها لفتني وجود هذا القديس العظيم و قرأت عدد لا يحصى عن معجزاته و شعرت بشيء غريب في شخصيته شعرت بحنان لا يوصف محبة قدسية تواضع اشياء لم اراها ابدا في اي رجل دين و لا اي شخص عادي و تعرفت على احد الاشخاص الذي لم اكن اعرف اسمه و لكن كان يراسلني رسائل كثيرة كانت تلمس قلبي بطريقة غريبة و كلها عن يسوع المسيح الرب و لكني كنت اشعر انه يخاطبني فيها حسب احتياجاتي و لا انكر اني كنت اعيش حالة سيئة جدا في ذلك الوقت و كانت رسائله تعزيني لدرجة كبيرة لم اشعر بها من قبل و عندها سألته عن اسمه و من هو و هكذا لم يجبني و انقطع عني فجأة و بالصدفة قرأت قصة حياة القديس كيرلس و من شدة اعجابي بدات اكلمه كل يوم لأوقات طويلة و لكن اشعر انه لا يجيبني و عندها قلت له ارجوك يا بابا ان كنت تسمعني فأجبني بأي طريقة من انت ؟فانا لا اعرفك من قبل و عندها تفاجات بأن الشخص الذي كان يكلمني بالايميلات يرسل لي ايميل يقول فيه هكذا :
انا اسمي الحقيقي مينا و انا من مصر و انا و يسوع نحبك
عندها صدمت جدا جدا بهذه الاجابة و لقد كنت عرفت ان اسم الباب كيرلس بالفعل هو مينا نسبة الى الشهيد مينا و عندها ثار فضولي اكثر و اكثر فقرات عن القديس مينا و هنا كانت المفاجاة الاكبر لأني من خلال قرائتي لسيرة حياته عرفت ان امه تدعى اوفيميه و هذا اسمي في المعمودية و منذ صغري و انا اسال عن هذه القديسة و لم يكن احد يجيبني حتى والدتي تقول انها لا تعرف من هي و لا تذكر من سماني هكذا
و شعرت بانه يقول انني عزيزة عليه لأني على اسم والدته ايضا و ذلك لأني لمته في وقت سابق لأنه لم يكن يتجاوب معي و قلت له انت تحب ابناء كنيستك فقط
اسفة على اطالة الموضوع و هذا السبب الرئيسي الذي يجعلني عضوه معكم في هذا المنتدى

عضوجديد

بجد معجزت جميله جدا انا طلبت من البابا كيرلس ولد وبجد ربنا ادنى ولد بشفاعة البابا كيرلس
باركت هذا القديس تكون معنا جميعنا

عضوجديد

بركه البابا كيرلس معانا دايما
انا حصل معايا معجزات كتير من البابا كيرلس حبيبى
وقف معايا كتير فى الكليه والامتحانات والحمدلله خلصت
وكمان شوفته فى حلم يوم 10 شهر 3 فى نياحته ويوم 12 اتقدملى انسان طيب جدا انا كنت عيزاه وبطلب من ربنا كتير انه يحققلى اللى بتمناه
واتخطبت وانشالله يتحقق كل اللى بتمناه ببركه وشفاعه البابا كيرلس

عضوجديد البطاقة الشخصية لقبك:

شفاعة القدسين لعمل المعجزات كثيرة جدا وقد حدث مع معجزات كثيرة سوف احكى عنها فى وقت لاحق بركة جميع القدسين تكون مع الجميع الللي حصلتله معجزة يدخل يسجلها هنا - صفحة 2 355935

الللي حصلتله معجزة يدخل يسجلها هنا - صفحة 2 355935

الللي حصلتله معجزة يدخل يسجلها هنا - صفحة 2 288273

الللي حصلتله معجزة يدخل يسجلها هنا - صفحة 2 323131

بجد معجزات عظييييييييييمة جداااااااااااااااااااا جدااااااااااااااا
لك المجد دائما ً يارب وجميع مصافي القديسين
امين

سلام ونعمة من الرب يسوع
يمكن اكون اتأخرت بكتابة المعجزة مع شفيعي وحبيبي البابا كيرلس لكن لكل شيء تحت السماء وقت
انا ام وابني غلط في حياته وكانت اول مرة يتسجن بيها لغاية ما يحكموا عليه وكان حوالي 10 شهور في ولسه ما فيش حكم وبكيت كتير للبابا كيرلس اني اقدر اشوفه ولو مرة أطمأن عليه لاءن ممنوع الزيارة قبل الحكم وهو كان بيكلمني بأستمرار بالتلفون وقاللي انه عمل المستحيل علشان يدوله اجازة ولو يومين لعيد ميلاد رب المجد يسوع والاءمل اتقطع وكانت الحكاية في تاريخ 04-01-2000 وكان القرار نهاءي وبكيت كتير واتشفعت بحبيبي بدموع وحرقة وصوم وصلاة وليلتها نمت الساعة 6 صباحا يوم 05-01-200 بيتصل ابني وبيقوللي انا مش مصدق بين يوم وليلة الغوا القرار النهاءي بعدم الخروج ووافقوا اخرج اجازة لمدة 24 ساعة اعيد معاك يا امي
وبكده الفرحة ما وسعتنيش بالبابا كيرلس وموقفه معايا ومحبته ودايما بحسه ساندني رغم كل الصعوبات بينشلني بس عوزة منك يا ديفيد من قلبك تصلي من اجل ابني ده لاءنه مستمر بطريقه ومش عاوز يشيل الغشاوة عن عينيه ويعرف طريق ربنا نفسي اغمد عيني وأرسيه على بر الاءمان طريق الملكوت

nour6 كتب:: سلام ونعمة من الرب يسوع
يمكن اكون اتأخرت بكتابة المعجزة مع شفيعي وحبيبي البابا كيرلس لكن لكل شيء تحت السماء وقت
انا ام وابني غلط في حياته وكانت اول مرة يتسجن بيها لغاية ما يحكموا عليه وكان حوالي 10 شهور في ولسه ما فيش حكم وبكيت كتير للبابا كيرلس اني اقدر اشوفه ولو مرة أطمأن عليه لاءن ممنوع الزيارة قبل الحكم وهو كان بيكلمني بأستمرار بالتلفون وقاللي انه عمل المستحيل علشان يدوله اجازة ولو يومين لعيد ميلاد رب المجد يسوع والاءمل اتقطع وكانت الحكاية في تاريخ 04-01-2000 وكان القرار نهاءي وبكيت كتير واتشفعت بحبيبي بدموع وحرقة وصوم وصلاة وليلتها نمت الساعة 6 صباحا يوم 05-01-200 بيتصل ابني وبيقوللي انا مش مصدق بين يوم وليلة الغوا القرار النهاءي بعدم الخروج ووافقوا اخرج اجازة لمدة 24 ساعة اعيد معاك يا امي
وبكده الفرحة ما وسعتنيش بالبابا كيرلس وموقفه معايا ومحبته ودايما بحسه ساندني رغم كل الصعوبات بينشلني بس عوزة منك يا ديفيد من قلبك تصلي من اجل ابني ده لاءنه مستمر بطريقه ومش عاوز يشيل الغشاوة عن عينيه ويعرف طريق ربنا نفسي اغمد عيني وأرسيه على بر الاءمان طريق الملكوت

حقيقي معجزة عظيمة
واريد ان اقول ليكي شيئ
دايما ربنا ارادته بتكون مجهولة لينا
بمعني لو قريتي سفر الخروج
وقريتي ما فعله الله مع شعب اسرائيل ومع موسي النبي
كنتي هتعرفي ان ربنا دايما بيكون ليه ارادة بالخير للانسان ولكن في الوقت المناسب بتنكشف وبتظهر كنور
عايز اقولك ابنك عمره ما فكر ان الله حاسس بيه وانه يقدر يساعده
لكن قوليله
مهما فعلت اليوم وغدأ ولم تكن تحتاج الله
صدقني لازم الدنياااااااااااااااااااااااااااااااا
هتقذفك الي حضن الله
مثل الامواج فاذا نزلتي البحر فتلاحظي ان الموج بيقذفك الي البر واحيانا الي داخل المياه
فا الله لديه حكمة دائما في كل شيئ
اذا قرأتي سفر الخروج هتجدي ان الله كان يمكنه ان يجعل فرعون يؤمن بالله
ولكن تجدي مكتوب في الانجيل كلمة الله
ان الله جعل قلب فرعون يغلظ
افتحي الانجيل سفر الخروج اصحاح 10 العدد الاول
1- ثم قال الرب لموسى ادخل الى فرعون فاني اغلظت قلبه و قلوب عبيده لكي اصنع اياتي هذه بينهم.
فا انظري العبررررة من ارادة الله
ليصنع الله اياته بهم ليروا مجده العظيم
فا عايز اقولك عمر ما انسان بعيد عن الله بيعيش طول عمره كدة
الله دايما عينه علي ولاده
وفي الوقت المناسب صدقيني وبكرة تقولي صدق كلامك ان ربنا هيمد ايده وهيغير ابنك
وكل اللي هقوله
ربنا يفتح الظل الملقي علي قلبه
ليري نور المسيح
ربنا معاكم ويحفظكم وعناية العدراء ام النور والبابا كيرلس ومارمينا ومارجرجس تكون معكم

» معجزة بجد اللي قلبه جامد يدخل معجزة عظييييييييييييييييييييمة ( معجزة سفك دم المسيح من الصليب فيديو ) المعجزة حديثة في الخارج
» انا مش عارف انت لسه عايش ازاي ؟؟؟؟؟ معجزة ررررررررررهيبة كله يدخل بسسسرعة
» معجزة عظيمة جداااااااااا صورة تماف ايريني تذرف زيت الكل يدخل
» فيديو معجزة ررررررهيب ظهور طفل في المزود الذي ولد فيه المسيح في بيت لحم كله يدخل بسرعة
» معجزة عظيييييييييييمة جدااااااااااااا بالصورة القديس العظيم الانبا موسي الأسود يظهر في دير البراموس الكل يدخل بسرعة