ورط أللى بعدك بسؤال

تذكير بمساهمة فاتح الموضوع :

الأخوة والاخوات
اقدم لكم لعبة جميلة أسمها ورط اللى بعدك بسؤال .
وللجميع حق الاجابة بطريقة جادة او بطريقة ظريفة .
وانا هبدأ اللعبة
واقول للي بعدي

ماذا تفعل اليوم؟؟

بحب اشوف كل حاجة فى المنتدى لانى بحبة اوووى ودا المنتدى الوحيد اللى بدخل وبشارك فية او كنت بشارك فية لان بقالى فترة مش بدخل

سؤال اللى بعدى قول نكتة هههههههه

شفيعى وحبيبى كتب:: بحب اشوف كل حاجة فى المنتدى لانى بحبة اوووى ودا المنتدى الوحيد اللى بدخل وبشارك فية او كنت بشارك فية لان بقالى فترة مش بدخل

سؤال اللى بعدى قول نكتة هههههههه

اتمني مش تغيبي عننا تاني يا بوسي
حمد لله علي سلامتك
وبجد مبسوط بوجودك الجميل

خدي النكت دي
هههههههههههههههه

•مدرس انجليزي بيقول لطالب لو عايز تقول لواحد تعالا هنا بالانجليزي حتقولو إيه ؟ قالو حقوله : كام هير ، قالو طب لو عايز تقولو يرجع تاني حتقولو إيه ؟؟ قالو : الف من الناحية التانية واقولو : كام هير .

•مره جماعه مساطيل قاعدين فى خيمه ليها بابين بيحششوا وكانوا عايزين كبريت راحوا بعتوا واحد ( مسطول طبعا ) يجبلهم كبريت راح خارج من الباب ودخلهم من الباب التانى وسالهم: الاقى معاكم كبريت . قالولوا تعال اقعد احنا لسه باعتين واحد يجيب لما يجى ابقى خد منه

سؤالي للي بعدي
هاتلي نكت من الثورة علي النظام السابق

هههههههههههههههههههههههههههههه حلوين اووووى

اثنين محششين واحد بيسأل الثاني
اذا انتصرنا عالحكومة وفزنا عليهم حيحصل إيه ؟؟؟؟
رد عليه الثاني : حنلعب مع تونس عالنهائي

اى خدمة

السؤال بقا /// اكتر يوم كنت مبسوط فية

اكتر يوم كنت مبسوط فيه لما خرجت مع اخويا
نفس السؤال للي بعدي
اكتر يوم كنت مبسوط فية امتي

لما سعت صوت ابني واطمنت عليه

السؤال للبعدي
اكتر شخص بترتاح له

ربنا ما يحرمكم من بعض يا سلوي

سؤالي للي بعدي بتحب الحيوانات وايه اكتر حيوان تحب تربيه عندك في البيت ؟

عضو ذهــــبي

أمتي أخر مره أعترفت
لعبه جميله شكرآ أدمين

ايه الحلم اللي نفسك تحققه

salwa georgy كتب:: ايه الحلم اللي نفسك تحققه

الحلم اللي نفسي احققه اني اوصل لهدفي اللي عايش علشانه

اللي بعدي
نفس السؤال ايه الحلم اللي نفسك تحققه ؟

ان ربنا يسمح ويجمعنا مع بعض تاني
كأسره
سؤالي للبعدي
مين الشخص اللي تسعدك رؤيته

ربنا قادر انه يجمع ولا يفرق

وبالنسبة للسؤال تسعدني رؤية كل انسان غالي عليا

سؤالي للي بعدي

ايه اكتر حاجة بتحسسك بمحبة اللي حواليك ليك

انهم بيحبوا دايما نكون مع بعض

نفس السؤال بسأله للبعدي
ايه اكتر حاجه بتحسسك بمحبه اللي حواليك

لما يخافوا علي زعلي ويحبوا يسئلوا عني دايما ويعرفوا احوالي

سؤالي للي بعدي
ايه هي الاكلات اللي بتحبها كلها ؟

انا بحب كل الاكلات
بس
افضل السمك بكل انواعه
اللي بعدي لك في المحشي

اكيد بحب المحشي (ملحوظة الممحشي كرومب بيقوي الجسم وبيعطيه مناعة من السرطان )
ايه اكتر اكلات بتحبه غير السمك ؟

بحب المحشي بكل انواعه
الكرنب-ورق العنب- الفلفل
الحمام المحشي
الملوخيه

طيب ايه اكتر حاجة لما بتحس انك مخنوق بتعملها ؟

أقرا في الانجيل
مين الشخص اللي ممكن يسبب لك الخنقه

الاشخاص اللي دمهم تقيل اللي بيهزروا بطريقة زايدة عن اللزوم
وياخدو كلامي باسلوب تهريج يعني تبقي بتتكلمي معاهم في موضوع جد يقلبوه هزار
فا ده ممكن يخنقك في لحظة
لكن بشكل عام
انا عمري ما بزعل من اي انسان
الخنقة سببها الدنيا الاحوال الظروف المحيطة بيكي او خاصة بيكي
هي اللي بتسببلك الخنقة
لكن لا اعتقد ان ممكن الخنقة يكون سببها شخص
لان الانسان بطبيعته مخه كبير وبيعدي الامور علشان الدنيا تمشي
لكن فيه امور لا يمكن الانسان يستحملها منها الظروف او الاحوال المحيطة بيكي

سؤالي للي بعدي
لو طلبت حاجة من ربنا وحسيت ان ربنا مش استجاب بتعمل ايه ؟

اعرف ان طلبي هذا لايتفق مع اراده ربنا
وبالتالي لم يستجيب ولكن سوف يستجيب في الوقت المناسب
ماهو الشيءالذي تصلي من اجله بالجاجه

اولا يا سلوي عايز اعلق علي كلامك
موضوع ان الطلب لا يتوافق
ربنا عرفوه بالعقل يا سلوي
الله بيستجيب لطلبك عندما لا يكون فيه ضرر عليكي او لي اي حد
ويمكن المشكلة انه ربنا عامل لكل حاجة وقت
والانسان بيخاف يموت قبل ما يشوف حلم عمره او علي الاقل يتمتع بيه في شبابه

صدقيني لو ان ربناااااا يحقق لكل انسان حلمه مكنتيش تلاقي شخص واحد بعيد عن ربنا
لو بتندهي علي ربنا وببيستجيب في نفس اللحظة كان الانسان يحافظ علي علاقته مع ربنا ومكنش صدقيني لو الشيطان عمل ايه مكنش هيعرف يوقع بني ادام
تخيلي انك لما تكلمي ربنا يسمعك ويرد عليكي في نفس اللحظة وقتها كنتي هتحافظي علي العلاقة معاه ومش هتزعليه ابدا وفكر ي في كلامي كويس
علي العموم ربنا موجود

وبالنسبة لاجابة سؤالك

الحاجة اللي اصلي فيها بلجاجة لربنا

كل مشكلة او كل شيئ بحتاجه من ربنا

لان ربنا ابويا والابن لم بيحتاج حاجة من ابوه بيطلبها من ابوه

اسالوا تعطوا اطلبوا تجدوا اقرعوا يفتح لكم (لو 11 : 9)

سؤالي للي بعدي
نفس السؤال ؟

لو ان ربناااااا يحقق لكل انسان حلمه مكنتيش تلاقي شخص واحد بعيد عن ربنا .انا هختلف معك في المقوله دي يعني احنا نقرب من ربنا بس عشان بيحقق لنا احلامنا وبس. بالعكس اوقات الشده بتقربنا من ربنا اكتر

اجابه السؤال : اني بصلي وبطلب بلجاجه ان ابني يعرف يدخل امريكا ونعيش مع بعض تاني اسره مترابطه بدل القلق اللي انا عايشه فيه.

سؤال للبعدي لو حد عنده مشكله وطلب منك الصلاه من أجله فعلا بتصلي وتذكره في صلاتك؟

بصي يا سلوي
انا بتعامل مع ربنا مش كاأله فقط
كأأأأأأأأب وخصوصا اني انحرمت من حنان الاب
من صغري لما كنت بطلب من ربنا اي شيئ كان ربنا يحققها ليا
عارفة ليه
لاني طلبتها بنقاوة قلب وايمان بسيط
اني كلمته زي مانا بكلمك وفتحتله قلبي وحكيت معاه وقلتله اللي بتمناه
فاربنا علشان اب
بيعطف علي كل انسان
وعايز اقولك بخصوص كلامك نقطة هامة وواثق انك مش هتعرفي تعلقي علي كلامي بعديها
انا مرة كنت حاضر قداس ومستحيل انساه ابونا قال وعظة فاكرها لحد دلوقتي حرف حرف
قالك رربنا اب لينا كلنا مش بس اب لمن ليس له اب علي الارض
بل اب لينا جميعا
فسئلنا ابونا في القداس وقال هل لما ابنك بيتولد احساسك بيكون ايه
بتبقي ماسكه في ايدك ومش بتسيبه ابدا لما بيتعلم المشي لاول مرة لما بيقع علي الارض بتحس بسكينة ضربت قلبك وبتجري عليه جري
وكل شوية تجيبله كل اللي نفسه فيه شكولاتة بسكويت كل حاجة بيحبها
ففقالنا حاجة بجد خلت دموع الناس نزلت وخصوصا انا
هل الاب لما بيقدم كل حاجة لابنه هل مستني حاجة منه
هل مستني مقابل
هل مستني لما يكبريقول لابنه انا جبتلك كذا وكذا وكذا وجه الوقت انك ترد ليا كل اللي دفعته وعملته ليك
طبعا الاجابة لا
الاب بيعمل كل ده علشان محبته الكبيرة لابنه
فرحة قلبه وحياته وصورته الممثلة في ابنه اللي بتخليه فرحان بيه وعايز ييشوفه احسن الناس
قالنا ده الاب اللي علي الارض
تخيلوا بقي ابونا السماوي له كل مجد محبته شكلها ازاي بالنسبة لمحبة ابوك اللي من صلبك ودمك
اكيد محبة مش تتوصف
محبة غير عادية محبة ملهاش نهاية
زي ما ابوك في الارض كانت الدنيا مش سيعاه ساعة ما انت اتولدت
ربنا كمان فرحان بيك وبيحبك وبيكون عايز يسعدك ويجيبلك كل ما تتمناه
بدون مقابل
لانه بيحبك
اتمني الرسالة تكون وصلت دلوقتي ليكي

اجابة سؤالك يا سلوي

انا قلبي محب للكل
وعايز احكي قصة وهي دي اجابة سؤالك
انا كنت بخدم في اجتماع جامعيين في كنيسة
فا في يوم كنت راكب المترو ورايح علي ا لطاحونة اصلي
فا قابلت شاب من الاجتماع لاقيت وشه مهموم اوي
روحت كلمته وقلتلته مالك يا بني عندك ايه
قالي انا النهاردة كنت بمتحن مادة في كلية تجارة عين شمس
والمادة جت صعبة اوي وحاسس اني هسقط فيها
قلتلته حبيبي ايه رايك انت هتجيب اعلي درجة في المادة ددي اعلي من المواد اللي انت قفلتها وحليت فيها
قالي انا مش عايزك تديني امل كاذب
قلتلته صدقني بامانة ربنا كل كلمة قلتها ليك هتتحقق بقوة اللله الحي اله المستحيل لانك تعبت فا ربنا مش هيتخلي عنك

وهتقووووووول ديفيد قال وصدق كلامك
وبيني وبينك انا معرفش ازاي قلتله كدة
بس معرفش حسيت لحظتها بي ايمان قوي وصوت بيكلمني ويقولي قول كدة
المهم طلبت منه يديني ورقة الامتحان
فا قالي ليه
قلتتله علشان ربنا هو اللي هيصححلك الورقة
قالي هيصححها بعد مانا حليت وحش
قلتلته حبيبي ان كان المصححين عندك في الجامعة درجة الرأفة عندهم 6 درجات
فاربنا ابووووووو الرأفة (رأفته ملهاش نهاية )
فطلبت منه يكتبلي اسمه ورقم جلوسه علي الورقة
وبالفعل خدت الورقة منه وروحت علي الطاحونة وصليت بدموع وبي ايمان قوي
المهم وضعت الورقة علي مذبح البابا كيرلس في الطاحونة
وبعدها مش قابلت الشاب الا في شهر 12 من نفس السنة
كنت خارج من مكتب اب اعترافي يوم جمعة
لاقيته جي عليا جري ويقولي انت قديس وانا مديون ليك لان كل حرف قلته اتحقق وجبت في المادة دي اعلي درجة من المواد كلها
قلتله يا بني انا خاطئ الخطاه
انت مديون لرب المجد والقديس العظيم البابا كيرلس والعدراء مريم
لانك انت غالي عندهم ودمعتك غالية فا مدوا ايديهم علشان يفرحوا قلبك
وانت مديون ليهم مش ليا
قالي مش عارف اشكرك ازاي
قلتتله مش تشكرني لان الاخ مش بيشكر اخوه علي وقفته معاه في الضيقة
لانها شيئ طبيعي لان الدم عمره ما يكون مية
دم المسيح اللي بيجري فينا

ده ردي علي سؤالكك يا سلوي
انا بصلي بقلب لكل الناس

وعايزك تقري الموضوع ده
تقري المعجزة اللي تمت بقوة العدراء مريم ست الكل
ياريت تقري الكلام كله بعناية
https://pop-kyrillos.yoo7.com/t8570-topic#93713

سؤالي للي بعدي نفس السؤال

سؤال لو حد عنده مشكله وطلب منك الصلاه من أجله فعلا بتصلي وتذكره في صلاتك؟

شكرا يا ديفيد علي المعجزه الجميله وبركه ام النور تكون معنا

صدقني يا ديفيد عندما أصلي اذكر كل الناس اللي طلب مني واللي لم يطلب

وربنا موجود واذكرني في صلواتك لاني محتاجه صلوات كتيره

لما يحصل ان اي انسان يضيقك اويجرحك بتتصرف ازاى

» تتوقع اللى بعدك بنت ولا ولد
» اختار اكله للى بعدك
» مسابقة توقع الي بعدك ولد ولا بنت
» !! ادخل واكتب مسج للي بعدك !! !!
» رشح العضو اللي بعدك لوظيفة