اكلات صيامي كثيررررة تحفففففففففة

كفتة البطاطس

المكونات:

بطاطس مسلوقة ومقشرة
بقسماط
دقيق
ملح

مكونات الحشو:

صنوبر ( يمكن الاستغناء عنة بأي نوع مكسرات او سوداني )
زيت زيتون
بصل
زبيب
بقدونس مفروم
شبت مفروم

الطريقة:

يهرس البطاطس جيداً، ثم يضاف إليه القليل من الملح والدقيق، ويخلط.
يحمص الصنوبر او المكسرات بقليل من زيت الزيتون، ويضاف البصل ويقلب.
يضاف الزبيب والقليل من البقدونس والشبت، ويقلب.
يحشى البطاطس بحشو الصنوبر او المكسرات والزبيب، ثم يشكل على شكل أقراص دائرية مفلطحة، وتقلى بالزيت.
يمكن ان تقدم مع خضار سوتيه او مكرونة او ارز .

================================================== =====

شوربة الأرز والفطر

المقادير:

1 كوب أرز.

٢ ملعقة كبيرة زيت أو زبدة

٢ فص كبير ثوم، مهروس

٢ عود بصل أخضر، شرائح

12 قطعة عيش الغراب ( ماشروم )

4 كوب مرق خضروات

¼ ملعقة صغيرة فلفل أسود

١ ملعقة صغيرة ملح

٢ ملعقة كبيرة بقدونس ، مفروم

الطريقة:

يتم غسل الأرز جيدا، ثم ينقع في ماء مملح من ٢۰-٢٥ دقيقة

2- يسخن الزيت في وعاء متوسط، ثم يضاف الثوم والبصل، يوضع على نار متوسطة الى ان يصبح ذهبي اللون.

3- يضاف عيش الغراب ، ثم يقلب لمدة دقيقة.

4- يضاف الأرز، المرق، الفلفل، الملح، و يترك الخليط يغلي.

5- خففي النار، اتركي القدر على النار بدون تغطية ١۰-١٥ دقيقة الى أن ينضج الأرز.

6- يوزع البقدونس على الشوربة وتقدم ساخنة

===========================

البصـــــــــــــــــــــــارة

المقادير

2 كوب فول مدشوش (جاف بدون قشر)
6 كوب ماء
1 بصل متوسط مقطع
½ كوب كرفس مقطع
2 فص ثوم
1 ملعقة كبيرة كزبرة خضراء مفرومة
1 ملعقة كبيرة بقدونس مفروم
1 ملعقة صغيرة نعناع جاف أو ¼ كوب نعناع طازج
ملح وفلفل
1 ملعقة كبيرة زيت نباتي
½ كوب بصل مقطع كعيدان الكبريت (جوانح)

الطريقة

- يُغسل الفول (يمكن نقعه لمدة 8 ساعات أو يمكن غليه في ماء لمدة 7 دقائق ثم يشطف بماء بارد).
- يُضاف الماء إلى الفول وباقي المحتويات ما عدا ملعقة كبيرة من الزيت والبصل.
- يُترك الخليط على نار هادئة لمدة ساعتين تقريباً بدون تقليب، ويُمكن إضافة مزيد من السائل إذا احتاج الأمر.
- يُرفع الزَّبد (الريم) الظاهر على السطح كلما تطلب ذلك.
- عندما تنضج جميع المحتويات تصفى (تهرس) بمصفاة يدوية أو عن طريق خلاط كهربائي. ثم تعاد إلى نار متوسطة مرة أخرى مع التقليب هذه المرة حتى يغلظ قوام الخليط.
- تُقدم البصارة دافئة أو باردة بعد صبها في أطباق.
- للتزين يسخن الزيت ويحمر البصل حتى يصبح لونه بنياً ويوضع على ورقة أو قطعة قماش للتخلص من الزيت الزائد. ويمكن أن تزيين بقطع من قشر الليمون

- يشتهر هذا الطبق في شمال إفريقيا ويصنع من الفول الجاف بدون قشر أو من البسلة الجافة، ويقدم بارداً أو دافئاً مع زيت زيتون والليمون.

=======================================

كبــــاب حلة صيامى

المقادير

1 - نص كيلو ماشروم مقطع قطع صغيره
2 ربع كيلوفلفل( اخضر واصفر واحمر كل الالوان اللي تلاقوها الفلفل بيدي طعم حلو وشكل كويس)
3- شوية ملح
4- فلفل اسود
5- بهارات ( بتخليها طعمها يهوس )
6- بصله متوسطه الحجم وتكون متقطعه كويس
7- زيت
8- ميه حسب الحاجه يفضل كوب ونصف

طريقة العمل
طبعا نغلي الزيت ونشوح فيه البصله لغاية لما لونها يبقى دهبي نحط الماشروم المقطع ونقلبه شويتين ونحط ملح
وبعدين نحط الفلفل المتقطع حلقات ونحط شوية ملح مع الفلفل الاسود والبهارات

وبعدين نقلبهم شويه لغاية لما الفلفل يدبل وبعدين نزود الميه ونسيبه شويه لغاية لما يستوي

=========================================
مكرونة بالخضار

المقادير:
- مكرونة اى نوع
- 2 بصلة كبيرة
- 2 ثمرة فلفل رومى
- نصف كيلو طماطم
- ربع كيلو زيتون اسود
- ملح وفلفل
- 4 فصوص ثوم مفرى
- زيت

الطريقه :

- يقطع الزيتون حلقات والفلفل الرومة شرائح رفيعة
- تسلق المكرونة ثم تصفى وتشطف بالماء البارد
- يحمر الثوم فى الزيت حتى يصفر لونه ثم نضع الزيتون المقطع والفلفل الرومى ويشوح قليلا
ثم يضاف عصير الطماطم ويضاف اليها الملح والفلفل وتترك حتى تتسبك
- تضاف المكرونة وتقلب جيدا وتقدم ساخنة

المقلوبة

المقادير:

- كيلو باذنجان رومى
- 4 خرشوفات كبيرة
- 2 كوب ارز
- ملح وفلفل
- زيت

الطريقة :

- يجهز الخرشوف وينظف وتقطع الثمرة 4 قطع وتسلق فى ماء به ملح وفلفل ويحتفظ بماء السلق.
- يقشر الباذنجان ويقطع ترنشات سميكة ويحمر فى الزيت نصف نحمير
- نحضر اناء تيفال ويرص الباذنجان كله ثم يرص الخرشوف ثم الارز المغسول
- يضاف ماء سلق الخرشوف ويكون الماء اعلى الارز بواحد سم تقريبا
- يرفع على النار حتى الغليان ثم تهدأ الحرارة مثل عمل الارز تماما حتى يتم النضج
- يوضع سرفيس كبير وتقلب فوقه الحلة وتقدم ساخنة .

=================================
مسقعـــــه

المقاديــــر

1- باذنجان وفلفل وبطاطس مقليين..

2- صلصه طماطم..

3- ثوم مدقوق...

4- بصله مبشوره..

5- كوب ماء بعصير طماطم..

6- التوابل( ملح فلفل كمون كزبره قرفه فلفل احمر حلو بهارات)

7- زيت .

الطريقــــه

حمرى البصل فى الزيت اللى ان يصفر لونه ضعى الثوم المدقوق

قلبى جيدا ضيفى الفلفل الاحمر الحلو والفل الاسود والكزبره

وقليل من القرفه

ثم ضيفى عصير الطماطم غطى القدر وهدئى النار واتركيها

لتتسبك جيدا الى ان يظهر الزيت على وش الصلصه ثم ضيفى

الباذنجان والفلفل والبطاطس وباقى التوابل البهارات والكمون

وزودى الماء بعصير الطماطم حسب الحاجه...

قدميها مع الارز او مع الخبز

===================================

شاورمة المشروم

فلفل رومى الوان شرايح – بصل – كرفس – مشروم طازج شرايح – 1 طماطم – 1 م خل – 1 م بهارات – زيت زيتون – خبز شامى

الطريقة:

نقشر الطماطم
نشوح فى الزيت البصل والفلفل رومى والمشروم وشوية زعتر وملح وفلفل
ونتركهم يتشوحوا دقيقتين تلاتة
نفتح الخبز الشامى نصفين ونضع في الشاورما ونلفه كويس
نضع شوية زيت صغيرين قوى فى مقلاية ونحمر الساندوتشات خفيف
وممكن ندخلها الفرن لو انتى عايزاه يتحمص من بره

=====================================

سلطة الخس والجزر والزيتون

المقادير:

2 ك خس مقطع شرايح
ك جزر مبروش خشن
ك خيار مبروش خشن
1\4 ك نعناع مفروم ناعم
1\2 ك زيتون أسباني أسود شرائح

التتبيلة:

3 م ك زيت زيتون ، 4 م ك عصير ليمون ، م ك سماق ، ملح ، م م نعناع ناشف

الطريقة:

اخلطي المقادير ثم اخلطي مقادير التتبيلة ثم صبيها عليها

===================================

الفول بالزيت و الكمون

يضاف للفول عصير ليمون و ملح و كمون و زيت(ذرة او زيتون زي ماتحبوا)

==================================

الفول بالدقة:

تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.

================================

الفول بالسلطة:

تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.

============================

الفول بالطماطم:

تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.
=========================

الفول بالثوم و الطماطم:

نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.
================================

الفول بالباذنجان:

لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.

====================================

فول بالطحينة
فول مدمس
طماطماية
معلقة كبيرة بقدونس مغسول ومفروم
نص معلقة صغيرة ثوم مهروس
معلقة كبيرة طحينة
معلقة خل
معلقة عصير ليمون
معلقتين كبار زيت
ملح و كمون

الطريقة

سخنى الفول واهرسية بالشوكة وقطعى علية الطماطماية قطع صغيرة
ضعى فى طبق الطحينة والخل والزيت والثوم و البقدونس واخلطيهم كلهم مع بعض
وبعدين ضعيهم على الفول وتبلى بالملح والكمون
=========================================

فول بالفلفل الاخضر

فول مدمس
نص معلقة صغيرة ثوم مهروس
واحدة فلفل رومى
كوب عصير طماطم
ملح وفلفل وكمون
2 معلقة زيت

الطريقة

ضعى الزيت او الزبدة على النار وحمرى فيه الثوم لحد ما يصفر
ضعى علية عصير الطماطم وخليها على النار لحد ما تتسبك
ثم ضعى الفول وشوية مياة صغيرين
قطعى الفلفل مكعبات صغيرة وضعية على الفول و تبلى بالملح والكمون
يغلو غلوة مع بعض واغرفية

الطعمية المحشية

بصله مقطعه صغير -ملح - فلفل اسود – كزبره ناشفة - كمون - قرفه ناعمه - فلفلة خضراء حامية

الطريقة
شوحى البصله فى شوية زيت صغيرين وضعى عليها كل التوابل واحشى بيها اقراص عجينه الطعمية وتقلى

========================

ده بقى العدس بطرق كتير ومختلفه

=================================

الكشري بالعدس الأصفر

المقادير :

فنجان أرز
2 فنجان عدس أصفر- 3 معالق كبيرة زيت
4 و نص فنجان ماء _ ملح _بصلة كبيرة

الطريقة :

يغسل الارز جيدا ويحمر الأرز في الزيت قليلا و بعدين تشيلية من الزيت في الزيت المتخلف من تحمير الأرز يحمر العدس قليلا بنفس الطريقة و بعدين تشيلية برضة من الزيت حطى الماء على الزيت اللى حمرنا فية و الملح ويترك حتى يغلي لمدة خمس دقائق اخلطى الأرز مع العدس ثم يضاف على الماء المغلي ويطهى على نار هادئة بنفس طريقة الارز العادية في معلقة ز يت كبيرةحمر ى البصلة لحد ما تحمر و بعد ما يكون العدس بالارز استوى حطى الزيت اللى حمرنا فية البصلة عليهم يغرف في طبق و يجمل الوجه بالبصل المحمر .

====================================

شوربة العدس
ربع كيلو عدس اصفر
ملح – فلفل – كمون – بصلة متوسطة مخرطة رفيع – طماطماية – بطاطساية صغيرة – جزرة صغيرة
شطة حسب الرغبة

الطريقة

نضع العدس فى حلة على النار و علية الطماطماية مقطعة اربع و الجزرة مقشرة و مقطعة قطع صغيرة و البطاسطاية مقشرة و مقطعة نصين
ونضع الماء يغطى العدس بكوب ماء و نتركة لحد ما يستوى مع التقليب و نشيل الريم و نراقب الماء كل ما ينقص نزود شوية بشوية
بعد ما يستوى اما نضعة فى الخلاط فى دورق العصير و نضربة ( او ) نصفية بمصفة الطماطم ام ايد )
وانا بفضل المصفاة
ثم نضع شوربة العدس فى الحلة و نبدأ فى وضع الملح و الفلفل و الكمون بس زودى الكمون شوية بيديها طعم جميل وقلبى و ظبطى تخانة العدس زى ما انتى شايفة امامك يعنى لو تخينة زودى ماء و قلبى
هاتى معلقتين زيت و عليهم البصلة المبشورة لحد ما تصفر وحطيها على العدس تقليبة و اطفى النار

===============================

العدس الاصفر المغروف

بعد ما عملنا شوربة العدس عادى خالص وبنوصل للمرحلة اللى بنحط تقلية البصل فى العدس بنخفف الشوربة شوية وبنغسل حوالى نص كوباية ارز وبنضعها على العدس واهم حاجة تفضلى تقلبى علشان الارز مايلزقش لحد الارز مايستوى وتغرفية فى الاطباق زى الارز باللبن بالضبط وتضعى نص البصلة التانية على الوش
كشرى العدس الاصفر
كوب عدس اصفر
كوب ارز
زيت
ملح - كمون

الطريقة

اغسلى الرز لوحدة واغسلى العدس الاصفر لوحدة
ضعى فى حلة على النار حوالى 3 معالق زيت وحطى الارز فى الزيت
وقلبى قلبى لحد ما تحسى ان الارز اتبل كلة بالزيت وفرفر
ضعى العدس على الارز والملح والكمون واخلطيهم ببعض
وبعدين حطى عليهم ماء كأنك بتسوى الارز عادى خالص ولما يشرب الماء تروحى موطية النار
تسبية لحد لما يستوى وتغرفية وبيكون الكشرى مفرفر وبالهنا والشفا
بيتاكل معاة طرشى زى الليمون بيبقى جميل
ملحوظة بالنسبة للعدس الكشرى ممكن يتعمل مش مفرفر بيكون طرى (سوفت )فية ناس كتير بتحبة كدة
بعد ما يشرب الماء ونوطى النار اثناء ما هو بيستوى ترشرشى كل شوية بشوية ماءحتلاقية بيطرى ولما يستوى قبل ما تطفى النار على طول تروحى حطة علية معلقة زيت و تقلبيها وتطفى النار وتغرفية

==================================

طاجن عدس اسود (بجبة )نص كيلو عدس اسود
كوب بصل
راس ثوم مهروس
كيلو طماطم
كوب فلفل اخضر مقطع صغير
ربع كوب خل
ملح – فلفل – شطة
زيت

الطريقة

انقعى العدس حوالى3 ساعات
اسلقى العدس فى ماء مغلى لحد ما يستوى نص سوا ثم صفية من الماء
نحمر البصل والثوم لحد ما يصفروا ثم نضع الخل
ثم الفلفل الاخضر وقلبيه 5 دقائق ثم نضيف الطماطم المقطعة قطع صغيرة
ونترك الخليط على النار لحد ما يتسبك نضع كوب ماء و الملح والفلفل والشطة
ونخليهم لحد مايغلوا ثم نضيف لهم العدس تقليبتين لحد ما يغلى
نضع المقدار كله فى طاجن وندخله الفرن حوالى ربع ساعة

============================================

سلطة عدس بجبة

2 كوب عدس اسود مسلوق
- 4 فصوص ثوم مهروسين
- 2 عصير ليمونة كبار
ملح - زيت زيتون

الطريقه

اسلقى العدس عادى وصفية من الماء بتاعه وبعدين قشرى الثوم واهرسيه مع الملح ثم ضعى عليه عصير الليمون وبعدين ضعى الثوم بالملح بعصير الليمون بعد ما تخلطيهم على العدس وتروحى خلطاهم كويس بالمعلقة مع معلقة زيت زيتون وتضعيهم فى الطبق و ترشى على الوش كمان معلقة زيت

على فكرة جربى حطى معاهم بصلة خضراء مفرومة بتدى طعم جميل وممكن رشة شطة صغيرة للى بيحب الشطة

=================================

صينية العدس بالصلصة

كوب عدس اسود
كوب عصير طماطم
كوب بصل
نص راس ثوم
زيت
ملح وفلفل وكمون
ربع كوب خل
نص حزمة بقدونس مخرط

الطريقة

اغسلى العدس من الصبح وانقعية لحد ميعاد الغداء .اسلقى العدس فى ماء مغلى نص سوى بس .نقدح الزيت فى مقلاية ونحمر فيه البصل لحد مايصفر ثم نضع الثوم المهروس ونحمرهم سوا وبعدين نضع الخل وعصير الطماطم ونتركهم يتسبكوا )زى صلصة الكشرى ( نضع العدس والبقدونس على الصلصة ونخلطهم وبعدين نضعهم. فى طبق فرن ونتبلهم وشوية ماء وندخلهم الفرن لحد ما الصينية تستوى ويتاكل على طول وهو سخن

===================================

صينية العدس فى الفرن

كوب عدس اصفر
نص كوب بصل
5 فصوص ثوم مهروسين
نص كوب بقدونس
نص كيلو طماطم
فلفلة رومى كبيرة مقطعة مكعبات صغيرة
زيت
ملح وفلفل وكمون
كزبرة ناشفة

الطريقة

نعمل العدس شوربة عادية زى اللى كتبناها قبل كدة بس بعد ماتصفية متزوديش علية ماء سيبية تخين زى ماهو نقدح الزيت فى مقلاية ونحمر فيه البصل لحد مايصفر ثم نضع الثوم المهروس ونحمرهم سوا وبعدين نضع عصير الطماطم ونتركهم يتسبكوا .نتبلها بالملح والفلفل والكمون والكزبرة وبعدين نضع الفلفل الاخضر والبقدونس ونقلب كله مع بعض ثم نضع العدس ونقلب كله مع بعض ونظبط الحدق. نصب الخليط فى طبق فرن وندخله فرن متوسط الحرارة

============================

محشى الكرنب 3بصلات كبار
حزمة شبت، و 2حزمة بقدونس
3معالق كبار و مليانين صلصة طماطم
كيلو رز
كرنبة متوسطة
ملح _ فلفل _ كمون - 3معالق زيت
الطريقة:
تغلي ماء على النار و تحطى فية شوية كمون وتطلعى ورق الكرنب من الكرنبة بانك تقطعية من عند الراس بالسكينة وتحطية فى الماء المغلى يا دوب ثوانى و تطلعية فى المصفاة. بعد كدة تقطعية حسب المقاس اللى انتى عايزاة

طريقة عمل الخلطة:

تفرمى البصلة بالسكبنة وتحطى عليها شوية ملح و تفضلى بايدك تدعكيها كويس كانك بتعصريها بين كف ايدك حتلاحظى انها طريت و نزلت شويه سائل وهو المطلوب .بعد تنقية الخضرة طبعا و غسلها كويس تخرطيها بالسكبنة على البصل و تحطى كل التوابل والزيت والطماطم و اخيرا تجيبى الرز وتغسلية وتصفية كويس وتحطية على الخلطة و تخلطى كله كله كويس وتحشى ورق الكرنب ورقة ورقة ومش كتير علشان ما ينفش. ضعى فى قعر الحلة قبل وضع المحشى شرائح طماطم تخينة تغطى بيها القعر كلة علشان المحشى اللى تحت ما يتحرقش. اغلى ماء فى حلة (ممكن مكعب خضروات) و فيها معلقة زيت علشان المعلقة دى هى اللى بتدى صابع الكرنب لمعة من برة .ضعى شوربة المكعب على الكرنب بحيث يا دوب تكون عند الصف الاول وتحطية على النار و تهزى الحلة و تسبية يادوب يغلى ويشرب الشوربة تروحى موطية النار خالص زى الشمعة لحد ما يستوى بانك تطلعى صباع و تدوقية و ممكن عند التقديم تقلبى الحلة زى ما هيا فى سرفيس فحتلاقى شكل الطبق من فوق مرصص بحلقات الطماطم شكله حلو
ملحوظة اذا كانت الكرنبة صغيرة ممكن تفككيها بالسكينه كويس من فوق و تحطيها زى ما هيا فى الحلة حتلاحظى ان الورقة اللى حتكون جاهزة سابت الكرنبة لوحدها و بعدت عنها دة معناه انها خلصت و هكذا
====================================

طريقة المحشى المتنوع(خفيف وينفع دايت)

كيلو بزنجان وفلفل رومى وكوسة

او كرنب او ورق عنب
2 كوب ارز
حزمة شبت
حزمة بقدونس
نص حزمة كسبرة خضراء
طماطم معصورة طازجة
طمطماية مخرطة صغير
ملح وفلفل
كمون فى محشى الكرنب
معلقة زيت زرة وممكن الاستغناء عنها

الطريقه

تقورى البزنجان والكوسة بالطريقة المعروفة .تشيلى الكاس الاخضر والبزور من الفلفل او تسلقى الكرنب وتقطعى الورق او تسلقى الورق العنب .تجهزى الحشو الارز على الشبت والبقدونس والكسبرة المغسولة والمخرطة على متوسط والملح والفلفل والطماطماية المخرطة وعصير الطماطم ومعلقة الزيت تخلطى كله وتحشى بية المحشى وترصصية فى الحلة وتسقية بالشوربة (طبعا ماء مغلى مضاف ليه مكعب خضروات) ويمكن الاستغناء عنه ونعمل بماء فقط

سلطه بابا غنوج

المقادير:
=======
ربع كيلو باذنجان أسود كبير
نصف كوب طحينه و بقدونس مفرى
ثلاثه ملاعق زيت
أربعه ملاعق كبيره من الخل
ثلاثه فصوص ثوم و ملح وكمون و شطه حسب الرغبه

الطريقة:

=======
يشوى البذنجان و يدق ناعما
يدق الثوم مع الملح و الكمون و يضاف إلى الطحينه و يقلب
يضاف الباذنجان و قليل من الشطه و يقلب جيدا و يزين بالبقدونس

للى بيحب سلطة بابا غنوج ممكن تشوى الباذنجان كمية يعنى كيلو او اكتر بدل ما تشوى واحدة او اتنين كل مرة

وبعدين تقشرى كل الباذنجان بعد ما يطلع من الفرن ويبرد طبعا
وتقسميه وجبات يعنى مثلا لو كان حجمه كبير يبقى كل واحدة لوحدها فى كيس بعد ما تتقشر وتتحط فى الفريزر
وبعد كده لو عاوزة تعملى بابا غنوج والباذنجان مش متوفر فى السوق ممكن تطلعى من الفريزر
وتعملى عليها باقى مكونات سلطة البابا غنوج الطحينة والليمون وكل الباقى وكانك لسه عاملاه طازة
وعلى فكرة لما بيتحفظ فى الفريزر الباذنجان فقط بدون اى حاجة عليه بتكون نتيجته احسن كتيييييييييييير من انه يتحفظ بابا غنوج جاهز

====================================

بطاطس محشية
خرشوف محشى

1 بزنجان رومى – فلفل الوان – كوسة – طماطم – جزر – بطاطس متوسطة الحجم – كيس خرشوف او خرشوف فريش مسلوق

الطريقة

نقشر البطاطس ونقورها ونقطع حتة صغيرة من اسفلها علشان تقعد فى الصينية
ونضعها فى ماء وملح على مانخلص الحشو علشان متسودش
نضع الزيت على النار ونشوح فيه م ك بصل وم ص ثوم مفروم وفلفل ملون مكعبات صغيرة وبزنجان مكعبات صغيرة والكوسة مكعبات صغيرة وعود روزمارى وعود كرفس مقطعين ونشوح كله لمدة 5 دقائق ادهن صينية بالزيت ونحشى البطاطس ونرصصه فى الصينية ونضع على وش كل بطاطسايه طماطماية صغيرة قوى او مكعبه طماطم ونحشى الخرشوف ونضعه فى الصينية وندخلهم الفرن

===================================

شوربة الفول النابت

4 كوب فول نابت
2 معلقة زيت
ملح – فلفل
حبهان – مستكة
بصلة متوسطة
ليمون

الطريقة

انقعى الفول النابت كزا يوم لحد ما تلاقية نبت وبعدين قشرية
اسلقى الفول النابت وضعى البصلة لحد ما يقرب من السوى
اقدحى الزيت وضعى المستكة والحبهان لحد ما ريحتهم تطلع
روحى حطة عليهم الشوربة على طول غلوة مع الملح والفلفل
عند الغرف اعصرى عليها ليمون
الفول النابت بالطحينة

1/2 كيلو فول نابت - بصلة كبيرة
2 معلقة خل -ربع راس ثوم
ملح وكمون - بقدونس
ماء - طحينه

الطريقة

قشرى الفول النابت واغسلية
ضعي فى حلة الفول النابت فى ماء يكفى لتغطيته مع البصلة
المقطعة والثوم على النار لحد ما يستوى
صفية من ماء السلق واهرسية
نخفف الطحينة بالماء والخل والملح والثوم ونضعها
على الفول النابت المهروس
وندمجهم كويس ونزينهم بالبقدونس

==============================
صينية جلاش بالمشروم او بالخضار

باكو جلاش
مشروم
خضار مشكل مسلوق
كوب ماء مذاب فية ( 2 معلقة كافى ميت)
زيت للوجة

الطريقة

ادهنى صينية بالزيت واضع ورقتين من الجلاش ثم ادهنهم بالفرشاة بسمن نباتى وهكذا لحد ما نخلص نص كمية الجلاش ثم نضع المشروم او الخضار او الخضار والمشروم .اكمل باقيه الصينية بنفس الطريقة اضع ورقتين
جلاش ثم ادهن بزيت وهكذا .لما نخلص الكمية اللى عندنا نقطع الصينية اما مثلثات او حسب الرغبه .نذوب الكافى ميت ( البودرة )فى كوب الماء ثم اصبه على الصينية كلها واترك الصينية ولا ادخلها الفرن الا
بعد 3 او 4 ساعات ثم اضع معلقة زيت على وش الصينية وادخلها الفرن متوسط الحرارة لحد ماتستوى وتحمر
ملحوظة : اعمليها من بدرى وماتسويهاش الا قبل الاكل حتكون طررررررررية وجميله .الكافى ميت بديل الحليب

================================

صينية مكرونة فرن بالخضار او بالمشروم

كيس مكرونة ريشة
خضار مسلوق
مشروم
بشاميل
ملح وفلفل
زيت
بصلة

الطريقة

نسلق المكرونة عادى ونشطفها ونصفيها من الماء .نبشر البصلة ونشوحها فى الزيت لحد ماتصفر. نضع عليها المشروم والخضار والملح والفلفل .نخلط جزء من الشاميل بالمكرونة وندهن الصينية بمعلقتين بشاميل ثم نضع نص المكرونة ثم نضع الخضروات ثم نضع نص كمية المكرونة التانية ونضع على الوش باقى البشاميل وعلى الوش نضع معلقة زيت .ندخلها الفرن لحد ماتستوى وتحمر

أكلات صيامى

طريقة عمل الملوخية الصيامي
المقادير :-
1-واحد كيلو ملوخية
2- واحد بصلة متوسطة
3- رأس ثوم صغير مهروسة
4- ملح + فلفل حسب الطلب + زيت
5- معلقة كسبرة صغيرة
الطريقة :-
1- تفرى البصلة ثم تقلب في قليل من الزيت على النار لمدة خمس دقائق ويضاف إليبها أربع كوب ماء وتترك لتغلي .
2- اخرطي الملوخية ثم تضاف إلى المخلوط السابق .
3- ضعي أربعة ملاعق زيت ثم تضيفي إليها الثوم المهروس مع الملح والفلفل والكسبرة وتقلب على النار إلى أن يصفر الثوم صفاراً خفيفاً جداً ثم تقلب على الملوخية .
4- توضع الملوخية بعد وضع الثوم على النار وتغلى قليلاً بعد ذلك تقدم

- اكلات صيامي كثيررررة تحفففففففففة Admin1247562292

طريقة عمل تورلي البسلة
المقادير :-
1- واحد كيلو بسلة .
2- اثنين بصلة كبيرة .
3- اثنين ثمرة جزر . 4- اثنين ثمرة طماطم كبيرة .
1- ملح وفلفل حسب الطلب .
2- زيت حسب الطلب
الطريقة
1- تقشر البسلة وتغسل .
2- تقشر البصلة وتقطع صغيراً وتقشر البطاطس وتقطع صغيراً ثم يقطع الجزر صغيراً .
3- تعصر الطماطم وتخلط بجميع المقادير السابقة .
4- توضع جميع هذه المقادير في صينية وتوضع في الفرن مع إضافة كوب ماء للخليط السابق وتترك حتى يتم النضج ، وبالهناء والشفاء

- اكلات صيامي كثيررررة تحفففففففففة Admin1168372409

طريقة عمل المسقعة
المقادير :-
1- 532 واحد كيلو باذنجان 2- بصلتين تقطع حلقات صغيرة
3- ثمرتين من الفلفل 4- ثمرة طماطم معصورة
5- ملح حسب الطلب
الطريقة :-
1- يغسل الباذنجان ويقطع مكعبات ويضاف له الملح .
2- يقطع الفلفل والبصلة وعصير الطماطم مع كوب ماء وترفع على النار إلى أن يتم النضج وتقدم بالهناء والشفاء .

- اكلات صيامي كثيررررة تحفففففففففة Admin1556609115

عمل الفول المدمس بالطماطم
المقادير :-
1- واحد طبق فول مدمس 2
- حبيتين طماطم متوسطة معصورة
1- ( ملح + فلفل ) حسب الطلب
2- زيت ( ثلاثة ملاعق ) .
الطريقة :-
1- يوضع الزيت ( ثلاثة ملاعق ) على النار إلي أن يسخن ويضاف إلية عصير الطماطم ويترك على النار إلى أن يسبك جيداً .
2- يضرب الفول في الخلاط حتى يهرس جيداً .
3- يضاف الفول المهروس إلى الصلصة وهي تغلي ويترك لمدة سبعة دقائق على النار مع إضافة الملح والفلفل ثم يقدم بالهناء والشفاء .

طريقة عمل شوربة خضار
المقادير :-
1- نصف كيلو بطاطس 2- نصف كيلو كوسة
3- ثلاثة كوب ماء 4- نصف كيلو بسلة إذا وجد
5- بصلة مفرية
6- ملح + فلفل + كمون
7- أربعة ملاعق زيت
الطريقة :-
1- تقشر البطاطس وتقطع مكعبات وتغسل .
2- تقشر الكوسة وتقطع مكعبات وتغسل .
3- إذا وجدت بسلة تقشر وتغسل أيضاً .
4- توضع البصلة في الزيت على النار وتقلب مع إضافة قليل من الملح إلى أن يصبح لونه شفافاً .
5- يضاف إليها عدد ثلاثة أكواب ماء وتترك إلى أن تغلي .
6- توضع البطاطس والكوسة والبسلة إذا وجدت إلي الخليط السابق وتترك على النار إلى أن تنضج وتقدم ساخنة وبالهناء والشفاء .

طريقة عمل البطاطس الصيامي
المقادير :-
1- واحد كيلو بطاطس 2- عدد ثلاثة ثمرة طماطم متوسطة
3- رأس ثوم صغيرة 4- أربعة ملاعق زيت
5- ( ملح + فلفل ) حسب الطلب
الطريقة :-
1- تقشر البطاطس وتقطع مكعبات صغيرة وتغسل .
2- يهرس الثوم ويوضع في الزيت ويقلب على النار إلي أن يصفر الثوم قليلاً ثم يضاف إليها عصير الطماطم وتترك حتى تسبك .
3- يضاف إليها البطاطس المكعبات ويضاف الملح والفلفل و 2 كوب ماء وتترك إلى أن تنضج .

طريقة عمل البامية الصيامي
المقادير:-
1- واحد كيلو بامية 2- رأس ثوم صغيرة
3- ثمرة طماطم متوسطة معصورة
4- أربعة ملاعق زيت + ملح + فلفل
الطريقة :-
1- تقطع البامية وتغسل ثم يهرس الثوم .
2- يقلب الثوم المهروس في الزيت إلى أن تصفر الثومة قليلاً ثم يضاف إليها عصير الطماطم وتترك إلى أن تسبك ثم يضاف إليها أربع كوب ماء ثم يضاف الملح .
3- ثم تضاف البامية وتترك إلى أن تنضج وتقدم ساخنة وبالهناء والشفاء .

طريقة عمل كيك صيامي
المقادير :-
1- واحد كوب عصير برتقال 2- اثنين كوب ماء
3- اثنين كوب سكر 4- باكو بيكنج بودر
5- ذرة فانيليا 6- دقيق حسب 532 الطلب ( 2 كوب تقريباً )
7- نصف كوب زيت
الطريقة :-
1- يذاب السكر في عصير البرتقال + الماء ثم تضاف الفانيليا .
2- يضاف البيكنج بودر إلى الدقيق ثم يضاف إلى الخليط السابق ويقلب جيداً .
3- يضاف الزيت ويعاد التقليب .
4- تدهن صينية بالزيت ثم توضع في فرن متوسط الحرارة وتترك إلى أن يتم النضج ، تختبر بغرس سكين في وسط الكيك إذا خرجت نظيفة دلت على تمام النضج ثم تخرج من الفرن ثم تقلب وتترك إلى أن تبرد وتقدم بالهناء والشفاء .

طريقة عمل قلقاس بالخضرة
المقادير :-
1- واحد كيلو قلقاس 2- واحد بصلة متوسطة مفرية
3- رأس ثوم صغيرة مهروسة 4- حزمة كسبرة خضراء
5- ملح + فلفل 6- زيت ( 7 ملاعق )
الطريقة :-
1- قشري القلقاس وقطعيه مكعبات صغيرة .
2- انقعي القلقاس فى ماء وملح مركز لمدة ساعة .
3- ضعي ملعقتين زيت على النار ثم أضيفي إليهم البصلة المفرية وقلبي على النار إلى أن يشف لونها ثم أضيفي إليها عدد ( 3 كوب ماء ) واتركيها لتغلي ( تصبح شوربة ) .
4- اغسلي القلقاس جيداً بالماء البارد ثم بالماء الساخن إلى أن يصبح ملمسه خشناً .
5- أضيفي القلقاس إلى الشوربة التي عملتيها واتركيه لينضج على النار .
6- ضعي ثلاثة ملاعق زيت واقدحي الثوم إلى أن يصفر ثم أضيفيه إلى القلقاس .
7- ضعي ملعقتين زيت على النار وأضيفي إليها الكسبرة بعد ضربها في الخلاط مع قليل من الماء ثم قلبي إلى أن يصبح لونها بن 532 ياً أضيفيها للقلقاس .

طريقة عمل قراقيش صيامي
المقادير :-
1- واحد كوب زيت 2- واحد كوب ماء
3- ربع كوب سكر 4- نصف باكو بيكنج بودر
5- قليل منالفانيليا 6- ذرة ملح
7- جوز هند 8- دقيق حسب الطلب ( فينو )
الطريقة :-
1- يضاف الزيت إلى الماء إلى السكر إلى الفانيليا ويقلب جيداً ويذوب السكر والفانيليا والملح .
2- يضاف الدقيق إلى الخليط السابق ويعجن حتى تصبح العجينة ناعمة ولينة الملمس.
3- تفرد العجينة وتقطع وتوضع على وجهها في جوز الهند ثم ترص في صينية مدهونة بالزيت .
4- إذا وجد ملبن أو عجوة ممكن أن تحشى العجينة أولاً ثم تقطع وترص في صينية مدهونة .
5- تخبز في فرن متوسط الحرارة إلى أن يتم النضج ثم يقدم بارداً .

طريقة عمل فطير بالشربات
المقادير :-
1- واحد كوب ماء 2- دقيق حسب الطلب + ذرة ملح
3- ( 2 كوب سكر وعصير ليمون ) لعمل الشربات
الطريقة :-
1- أذيبي الملح في الماء ثم أضيفي له الدقيق حسب الطلب إلى أن تصير العجينة لينة وسهلة الفرد .
2- قطعي العجينة بالنشابة قطعاً في حجم عين الجمل ثم افردي كل قطعة بالنشابة .
3- اثني الفطيرة أكثر من مرة ثم قطعيها قطعاً مربعة .
4- اغلي الزيت على النار ثم اقلي فيه قطع الفطير المثنية إلى أن تحمر من الجانبين .
5- أخرجيها من التحمير فوراً وضعيها في الشربات لمدة دقيقتين ثم أخرجيها من الشربات وضعيها في الطبق وتقدم 532 ساخنة أو باردة حسب الطلب .

طريقة عمل القرنبيط المقلي
المقادير :-
1- قرنبيطة متوسطة 2- عصير حبة طماطم كبيرة
3- نصف كوب دقيق 4- واحد كوب ماء
5- رأس ثوم صغيرة مهروسة 6- ملح + فلفل + كمون حب
الطريقة :-
1- تسلق البراعم الزهرية للقرنبيط في ماء وملح مع كمون حب إلى أن تنضج .
2- يُشرح القرنبيط شرائح ليسهل عملية تحميره .
3- يخلط الدقيق مع الماء وعصير الطماطم والثوم المهروس والملح والفلفل ويرب جيداً
4- توضع شرائح القرنبيط فى الخليط السابق ثم تحمر جيداً فى الزيت ثم توضع على ورق زبده بعد تمام التحمير إلى أن تقدم .

كــل سنــه وأنتــم طيبيــــن

مكرونة بشاميل صيامى
- اكلات صيامي كثيررررة تحفففففففففة Admin1017507285

المقادير
كيس مكرونة قلم يسلق فى ماء وملح ثم يصفى من دون شطفة

الحشو *****
زيتون اسود قليل جدا
ثلاث حبات فلفل اخضر
نصف كيلو ماشروم
بصلة
بهارات
- ملح و فلفل
- نصف كيلو طماطم مقطعة قطع صغيرة

مقادير البشاميل
خمس معالق كبيرة سمنة ,أو زيت حسب الرغبة
سبع ملاعق كبار دقيق- مكعبين مرقة خضار
كوبين ماء او اكثر على حسب ما تحتاج البشاميل,- نصف كوب او اكثر من الكريمر -,ملح وفلفل

طريقة البشاميل
يحمر الدقيق بالسمنة ثم يضاف لة الماء المدوب فية الكريمر والملح والفلفل بالتدريج مع التقليب المستمر ثم يضاف مكعبين المرقه(يذوب مكعبين المرقة فى شوية ماء ساخن حتى يدوبوا بسرعة) ونستمر فى تقليب البشاميل لمدة خمس دقايق و يترك حتى يبرد

ملحوظة: اذا استعصى عليك تسوية البشاميل بهذة الطريقة و خاصة للمبتدئات لتسوية البشاميل يمكنك بعد تحمير الدقيق وضع المرقه والماء علية و يخلطوا بالخلاط وهو بارد و من ثم تضعينهم على النار لكن مع التقليب المستمر

وللتسهيل يوجد فى الاسواق حاليا" خلطة الباشاميل جاهزة وصيامى

طريقة تحضير المكرونة
يشوح البصل بالزيت ثم نشوح الفلفل المقطع صغير جدا ثم نضع الماشروم بعد تقطيعة قطع صغيرة ونقلبة ونضع علية الملح والفلفل والبهارات ونشوحة شوية
ثم نضع الزيتون الاسود المقطع صغير جدا والطماطم ونقلب المقادير كلها مع بعض ونتركها حتى يتبخر الماء وتتسبك شوية
نضع شوية(ربع الكمية ) من البشاميل على المكرونة وقليل من الفلفل الاسود ونقبلهم , ثم نحضر صينية متوسطة وندهنا بقليل من الزيت ونضع بها نصف مقدار المكرونة, ثم نضع الحشو ثم نضع باقى المكرونة , واخيرا نضع باقى البشاميل على وجة الصينية, ونرش فوق البشاميل ملعقة بقسماط ناعم جدا
( بأيدينا)
وندخلها الفرن حتى يحمر وجهها
- اكلات صيامي كثيررررة تحفففففففففة Admin902605299

- اكلات صيامي كثيررررة تحفففففففففة Admin902605299

المقلوبة (اكلة سورية)
- اكلات صيامي كثيررررة تحفففففففففة Admin885412326

المقادير
كيلو باذنجان رومى مقطع شرائح بالطول ومقلى -3 كوب أرز ينقى ويغسل - 4 كوب ماء - 3ملعقة زيت لدهن قاع الاناء - 2 بصلة كبيرة مقطعة شرائح - 2 طماطم جامدة مقطعة حلقات رفيعة - ملح - فلفل

الطريقة :
1- تجهز صينية صغيرة تيفال او بايركس او طاجن فرن وتدهن بالزيت .
2- يوضع حلقات البصل فى القاع ثم نضع جزء من الارز ثم طبقة من الباذنجان ثم باقى الارز ثم باذنجان وطماطم وعندما ينتهى المقدار توضع حلقات الطماطم على السطح .
3- يضاف الماء المغلى المضاف لة الملح والفلفل ومكعب خضروات ثم توضع على نار هادئة أو تزج فى فرن حتى تنضج ويحمر الوجة .
4- عندما تهدأ تقلب على طبق التقديم وتجمل بورق المقدونس .

وممكن نزينها بالماشروم المشوح مع بصلة فى قليل من الزيت , وايضا الصنوبر المحمص

كيك البرتقال صيامى
- اكلات صيامي كثيررررة تحفففففففففة Admin1509125546

- اكلات صيامي كثيررررة تحفففففففففة Admin1509125546

المقادير
كوب عصير برتقال + 2 ألا ربع كوب سكر بودرة + فانيليا+ 1ونصف باكو بيكنج بودر+3 كوب دقيق + كوب سمن نباتى+ ربع كوب
جوز هند+- بشر برتقالة + فانيليا

الطريقة

نخلط السمن مع السكر بالمضرب الكهربائي حتى يتكون لنا خليط كريمي ثم نضيف له الطحين والبكنج باودر وعصير البرتقال والفانيليا ونخلط جيدا ثم نضيف له بشر البرتقال

نحضر صينية وندهنها بالسمنة ثم نرشها بالدقيق
ثم نضع الخليط كلة فى الصينية
وتدخل الصينية الفرن
وتوضع فى فرن ساخن ثم نعملة على درجة حرارة متوسطة

ملحوظة : لايفتح الفرن قبل تلت ساعة من دخولها الفرن , حتى لا تهبط الكيكة
ومدة الطهى بتكون من نصف ساعة الى ساعة الا تلت لازم نختبرها بالسكينة
( لو لم تلزق بالسكينة ) تبقى استوت

- اكلات صيامي كثيررررة تحفففففففففة Admin902605299

كيكة البرتقال الصيامى ( بصوص البرتقال)

- اكلات صيامي كثيررررة تحفففففففففة Admin1179829557

المقادير
كوب عصير برتقال + 2 ألا ربع كوب سكر بودرة + فانيليا+ 1ونصف باكو بيكنج بودر+3 كوب دقيق + كوب سمن نباتى+ ربع كوب
جوز هند+- بشر برتقالة + فانيليا

الطريقة

نخلط السمن مع السكر بالمضرب الكهربائي حتى يتكون لنا خليط كريمي ثم نضيف له الطحين والبكنج باودر وعصير البرتقال والفانيليا ونخلط جيدا ثم نضيف له بشر البرتقال

نحضر صينية وندهنها بالسمنة ثم نرشها بالدقيق
ثم نضع الخليط كلة فى الصينية
وتدخل الصينية الفرن
وتوضع فى فرن ساخن ثم نعملة على درجة حرارة متوسطة
نخرج الكعكه من الفرن ونضع عليها صوص البرتقال

صوص البرتقال
مقادير الصوص:
عصير برتقال يحلى بالسكر حسب الرغبه
قليل من النشا

نضع عصير البرتقال على النار ونضيف له النشا ونخلطه على نار هادئه جدا حتى يثقل الخليط ويتماسك( مع مراعاه سرعه الخلط حتى لا يتكتل الخليط) ونضعه على الكعكه وننتظر لحين تبرد الكعكه ونقطعها ونقدمها..وممكن يرش عليها سكر بودرة بدل الصوص
وتقدم

- اكلات صيامي كثيررررة تحفففففففففة Admin902605299

سلطة القرنبيط
- اكلات صيامي كثيررررة تحفففففففففة Admin1389368587

المقادير :

نصف كيلو قرنبيط مقطع
زيتون اخضر محشى بالجزر ومقطع شرائح رقيقة -نصف بصلة صغيرة ومقطعة قطع صغيرة - ملعقتين طعام من البقدونس المفروم -فلفل رومى احمر( أو , اخضر ) مقطع ومشوح فى الزيت - ملح - فلفل- ملعقة صغيرة كمون -فص ثوم مهروس ناعم جدا ( يمكن الاستغناء عنة على حسب الرغبة )-ملعقتين طعام من عصير
الليمون - ثلث كوب زيت زيتون

الطريقة :

يسلق القرنبيط فى ماء مغلى بة ملح و كمون , لمدة 5 دقايق
.ثم نصفية من الماء جيدا ونضع علية الفلفل الاحمر والزيتون
ضعى فى طبق عميق زيت الزيتون والفلفل والبصل والبقدونس وعصير الليمون وفص الثوم
واخلطيهم جيدا ثم ضعى عليهم القرنبيط بالفلفل والزيتون وقلبيهم جيدا
. وبعد شوية يبقى قلبيهم تانى علشان المقادير تتشرب كويس من بعضها

- اكلات صيامي كثيررررة تحفففففففففة Admin902605299

بيتزا صيامى بالخضروات
- اكلات صيامي كثيررررة تحفففففففففة Admin2000425127

المقادير.........)
ثلاث اكواب دقيق - ربع كوب زيت - كيس خميرة جافة - ذرة ملح - ملعقة صغيرة سكر - كوب ماء دافىء للعجن (مع اضافة المزيد
من الماء اذا احتاجت العجينة)

للتغطية........)
- طماطم مقطعة شرائح صغيرة - فلفل رومى مقطع شرائح صغيرة - ماشروم مقطع شرائح - بصل اخضر مقطع
شرائح - زيتون اسود

لتتبيل الخضروات.......)
زعتر - ملح - فلفل - ملعقة زيت

.توضع الخضروات كلها على بعض وتتبل بالتتبيلة

الصلصة......)
ملعقتين زيت- نصف كوب عصير طماطم - فص ثوم -ملح - فلفل
توضع مقادير الصلصة كلها على بعض , وترفع على النار حتى يجف الماء من الطماطم وتصبح صلصة سميكة

-طريقة عمل العجينة::
نضع الدقيق فى طبق غويط ونضع علية الزيت ونقلبة بأيدينا
ثم نضع الخميرة والسكر وذرة الملح, والماء الدافىء حسب احتياجها من الماء , الى ان تصبح متماسكة.
ونغطى العجينة بقطعة قماش خفيفة ونتركها فى مكان دافىء لمدة ساعتين , حتى تختمر .
ثم نضع العجينة فى صينية مدهونة زيت ونفرشها بحيث لا يعلو ارتفاعها عن واحد سم
ثم نخرمها بالشوكة او سكينة حتى لا ترتفع منا فى الفرن
ثم نضع الصلصة ونفرشها على وجة البيتزا
ثم نضع الخضروات المتبلة فوق الصلصة بعد تصفية الخضروات من السوائل التى نزلت منها
ثم نتركها تستريح شوية لمدة ساعة مثلا حتى تختمر مرة اخرى
ثم ندخلها فى فرن ساخن جدا ثم نخفض الحرارة وتكون درجة متوسطة ونتركها حتى يحمر الوجة شوية او لمدة ثلث ساعة تقريبا حتى لا تنشف العجينة من تحت

/admin902605299.gif[/img][/url] - اكلات صيامي كثيررررة تحفففففففففة Admin902605299

جلاش بالمشروم والبطاطس

- اكلات صيامي كثيررررة تحفففففففففة Admin1210515708

المقادير:
• لفة جلاش.
• نصف كيلو بطاطس.
• ربع كيلو مشروم.
• بصلة.
• ملح و فلفل.
• زيت.

الطريقة:
1- هنقطع المشروم والبصل إلى قطع صغيرة ونحمرهم في الزيت.
2- هنسلق البطاطس وبعد كده نهرسها ونضيف إليها البصل والمشروم الملح والفلفل ونقلبهم كلهم مع بعض.
3- هنقطع لفة الجلاش إلى ثلاث شرائح طولية ونحشي شرائح الجلاش( بعد دهن كل ورقة جلاش بالسمنة السايحة) بالخليط السابق ونلفها على شكل مثلث ونرصها في صينية فرن مدهونة بالزيت وندهن وجه الجلاش بالزيت وندخلها الفرن لغاية ما وشها يحمر نطلعها ونرصها في طبق
التقديم.
وتجمل بالبقدونس

- اكلات صيامي كثيررررة تحفففففففففة Admin902605299

بسبوسه صيامى

- اكلات صيامي كثيررررة تحفففففففففة Admin812488829

المقادير :

3 كوب دقيق سميد
1 ونص كوب سكر
2 معلقه صغيره بيكنج بورد
4معلقه كبيره زيت
1 ونص كوب عصير برتقال

الطريقه
نضع دقيق السميد على السكر على البيكنج بودر ونضيف الزيت ثم عصير برتقال ونضربهم جيدا
وندهن الصينه زيت وتكون الصينيه متوسطه ونضع الخليط ونحطها فى الفرن درجه حرارته متوسطه

الشراب:

2 كوب سكر
1كوب ماء
1 معلقه كبيره عصير ليمون
-تُسقى البسبوسة بالشراب وهي ساخنة، وتعاد إلى الفرن لمدة 5 دقائق.
- تترك لتبرد وبالهناء والشفاء

كفتة البطاطس

المكونات:

بطاطس مسلوقة ومقشرة
بقسماط
دقيق
ملح

مكونات الحشو:

صنوبر ( يمكن الاستغناء عنة بأي نوع مكسرات او سوداني )
زيت زيتون
بصل
زبيب
بقدونس مفروم
شبت مفروم

الطريقة:

يهرس البطاطس جيداً، ثم يضاف إليه القليل من الملح والدقيق، ويخلط.
يحمص الصنوبر او المكسرات بقليل من زيت الزيتون، ويضاف البصل ويقلب.
يضاف الزبيب والقليل من البقدونس والشبت، ويقلب.
يحشى البطاطس بحشو الصنوبر او المكسرات والزبيب، ثم يشكل على شكل أقراص دائرية مفلطحة، وتقلى بالزيت.
يمكن ان تقدم مع خضار سوتيه او مكرونة او ارز .

شوربة الأرز وعيش الغراب

المقادير::

1 كوب أرز.
٢ ملعقة كبيرة زيت أو زبدة
٢ فص كبير ثوم، مهروس
٢ عود بصل أخضر، شرائح
12 قطعة عيش الغراب ( ماشروم )
4 كوب مرق خضروات
¼ ملعقة صغيرة فلفل أسود
١ ملعقة صغيرة ملح
٢ ملعقة كبيرة بقدونس ، مفروم

الطريقة:
يتم غسل الأرز جيدا، ثم ينقع في ماء مملح من ٢۰-٢٥ دقيقة
2- يسخن الزيت في وعاء متوسط، ثم يضاف الثوم والبصل، يوضع على نار متوسطة الى ان يصبح ذهبي اللون.
3- يضاف عيش الغراب ، ثم يقلب لمدة دقيقة.
4- يضاف الأرز، المرق، الفلفل، الملح، و يترك الخليط يغلي.
5- خففي النار، اتركي القدر على النار بدون تغطية ١۰-١٥ دقيقة الى أن ينضج الأرز.
6- يوزع البقدونس على الشوربة وتقدم ساخنة

كيك شيكولاته صيامى

المقادير1- الكيك

½ 1 كوب دقيق
3 ملعقة كبيرة كاكاو (أختياري)
1 ملعقة صغيرة بيكربونات الصودا
ملح
1 كوب سكر
½ كوب زيت خضار
1 كوب ماء بارد
2 ملعقة صغيرة ڨانيليا
2 ملعقة صغيرة حبهان مطحون

2- للتزيين

مربى (أي نوع)
فراولة أو كريز طازج
سكر بودرة
شربات (قطر) أو ماء أو حليب فول الصويا أو عسل نحل

الطريقة

- تٌخلط كل المكونات في وعاء عميق و يتم خفقها بالمضرب السلك الكهربائي حتى تتجانس كل المكونات و تتداخل.
- يُصب من خليط الكيك في قوالب صغيرة مدهونة بقليل من الدهن و مرشوشة بالدقيق لمنع التصاق الكيك .
- تُخبز في فرن حرارته 180 درجة مئوية لمدة 15-20 دقيقة .
- تُخلط المربى بالفاكهة الطازجة و تُحشى بها الكيك بعد تقطيعها نصفين.
- يُخفق سكر البودرة مع القطر حتى نحصل على سائل غليظ و يُصب على سطح الكيك و يُزين بالفاكهة الطازجة .

شاورمه السمك
كيلو سمك قشر بياض جزل خالى من الشوك
نصف كيلو طماطم تقطع مكعبات صغيرة
نصف كيلو فيلفل رومى يقطع طرنشات
بصلتين تقطع طرنشات
كرفس + بقدونس +

التوابل: - فلفل ابيض+فلفل اسود+بلح جوز الطيب+ كمون+بهرات....
مع ملاحظة ان مقادير التوابل كلا منها ربع معلقة.
الطريقة:-

يقطع السمك الى اجزاء ثم يتبل ثم نقوم خلط الخضار ويضاف على السمك
وقبل ذلك نقوم بتسخين الجرل بدرجة متوسطة عشان لحم السمك مايتهريش مننا ونكون
ادينا سريعة فى التقليب ويستحسن لو استعملنا سكينة الكف فى التقليب
وجنبيها طبعا طبق السلاط الى بنحبة والمخللات

القرنبيط على الطريقه اليونانيه
المقادير:

حبة قرنبيط او الزهره متوسطة الحجم-
ثلاثة ارباع كوب زيت الزيتون -
ربع كوب من الخل الابيض -
ملعقة عصير ليمون -
ملعقتان من الشبت الطازج المفروم -
ملعقة من أوراق البقدونس المفرومة -
فلفل اسود مطحون .

الطريقة:

تفصل زهرات القرنبيط عن بعضها ثم تسلق حتى توشك على النضوج التام فتصفى وتشطف تحت ماء بارد وتصفى مرة ثانية.
يخلط الخل والزيت والليمون والفلفل المطحون في وعاء خلطا جيدا بالخفاقة اليدوية ثم تسكب الخلطة فوق زهرات القرنبيط الموضوعة في صحن تقديم عميق قليلا. وبالهنا والعافية

كيكه صيامى بدون بيض 400ج سكر
225ج زيت
250ج ماء دافىء
75ج كاكاو
25ج بيكنج بودر
262ج دقيق
نص معلقة ملح
4ج فانيليا
كريمة نباتى
عين جمل
فروت دراى
الطريقة :
مقاس الصينية 28
نولع الفرن على درجة متوسطة قبل الشغل
نضع الزيت والماء الدافىء والسكر وندوبهم مع بعض
بالمضرب السلك لحد مايدوبواونضع الفانيليا
اضع الملح والبيكنج بودر على الدقيق واخلطهم
ثم اضعهم على الخليط اللى دوبناه فوق واخلطهم ثم اضع
الكاكاو ونخلطهم بالمعلقة الخشب او البلاستيك
اضع العجينة فى الصينية فى فرن من 45 دقيقة لساعة
اضع على الكريمة شوية شيكولاتة سايحة واقلبهم
بعد ماتستوى وتبرد ادهنها من بره ومن فوق والاجناب
كلها بالكريمه وندخلها الفريزر لمدة نص ساعه وبعد ماتطلع
اصب عليها الشيكولاتة المرواة وهو ساخن جدا
ارش رشة سكر بودرة على العين جمل وارصصه
على وش التورتة

عضوجديد

عظيييييييييييييييم جدااااااااااا

الواحد جاع بجد وهو بيقرا حاجات جميلة جدا

دانا هصوم طوال السنة على كدة ههههههههههههه

شكرا لحضرتك ربنا يباركك كل سنة وحضرتك طيب

gago كتب:: عظيييييييييييييييم جدااااااااااا

الواحد جاع بجد وهو بيقرا حاجات جميلة جدا

دانا هصوم طوال السنة على كدة ههههههههههههه

شكرا لحضرتك ربنا يباركك كل سنة وحضرتك طيب

ههههههههههههههههههه
تعيشي وتصومي
وربنا يخليكي علي ذوقك وكلامك الجميل
كل سنة وانتي طيبة

عضو ذهــــبي

- اكلات صيامي كثيررررة تحفففففففففة 355935

كل سنه وأنتم طيبين وبالهنا والشفاء بس ياريت نحاسب على نفسنا شويه من السمنه

adel kedis كتب:: كل سنه وأنتم طيبين وبالهنا والشفاء بس ياريت نحاسب على نفسنا شويه من السمنه

وانت طيب يا قمر
الاكل الصيامي بيكون بركة ومش فيه اي سمنة

ايه الجمال والحلاوه دي
انت مخلتش حاجه اكلات وحلويات
وكيكات وبسيمه ومحشي ومسقعه
ده ينفع كتاب بجد ربنا يعوضك اكتر من رائع
ريحتنا من السؤال اليومي
هنأكل ايه النهارده ؟

salwa georgy كتب:: ايه الجمال والحلاوه دي
انت مخلتش حاجه اكلات وحلويات
وكيكات وبسيمه ومحشي ومسقعه
ده ينفع كتاب بجد ربنا يعوضك اكتر من رائع
ريحتنا من السؤال اليومي
هنأكل ايه النهارده ؟

مرسي يا سلوي يا جميلة علي كلماتك الجميلة
وسعيد ان الموضوع عجبك
كل سنة وانتي واسرتك بخير وسعادة

شكرا كثير على المونديال والكرنفال لاصيامة ، انت ممكن تدخل مسابقة وتكسب فيها المركز الأول ربنا يفرحك ما يجوعك ابداً

» اكلات صيامي كتيررررر
» شوية اكلات صيامي لكن ايه هتاكل صوابعك
» اكلات لذيذة وسريعة
» ملف كامل اكلات صيامى
» اكلات صيامى بسيطه!