معجزة شخصية حصلت معايا ( ديفيد ) بعنوان يد الله القوية انشرها لاول مرة في النت

معجزة شخصية حصلت معايا ( ديفيد ) بعنوان يد الله القوية انشرها لاول مرة في النت
احبائي سلام ربنا يسوع يكون معكم
هحكيلكم معجزة حصلت معايا لا انساها ابدا لانها اعظم معجزة حصلت من ربنا ليا
لانها عرفتني ان الهي قوي جدا وانه لا ينسي احد
ايام دراستي في اخر سنة كان عندي مادة صعبة
وهذه المادة مشكلتها انها عاوزة حفظ وتلقين شديد
المهم انا دائما شعاري اني اعمل ما في يدي واترك الباقي لله
زي ما ربنا بارك الخمس خبزات وسمكتين هيبارك تعبي المبذول ولو قليل
المهم
دخلت الامتحان وبدأت احل
فا في نص الوقت
لاقيت البنت جنبي بتكلمني فانا ببص ناحيتها
لاقيت المراقب سحب ورقتي انا وهي
ولما لاقاني مسيحي
خيرني قالي
ياما تسيب الورقة وتمشي بالذوق
والا هعمل محضر دلوقتي وامضيلك علي الورقة
وطبعا محضر يعني مجلس تأديب وممكن تدخل انهم يشيلوني مادتين
فا اخدت قرار وقلت قضاء اخف من قضاء
هترك الورقة وربنا موجود
والبنت علشان مسلمة سابها وقعدت بالورقة
وانا بصراحة حلي مكنش ينجحني اصلا لانه اجابات ناقصة
لاني ملحقتش احل الامتحان كله في نص الوقت

فا بالتالي حل استحالة كان هينجحني حتي ولو بدرجات الرأفة
فا خرجت من الامتحان
وانا في حالة غضضضضضب شديد عمري ما وصلت ليها
وكنت عصبي ومتضايق جدا فا ذهبت الي كنيسة مارجرجس منشية الصدر التي بجوار جامعتي ( جامعة عين شمس )
فا ذهبت امام صورة ربنا والقديسين
وبدات اكلمهم والدموع في عيني
يعني انا الهي ضعيف للدرجة دي والقديسين دول ضعاف
مش قادرين يقفوا ضد الظلم اللي انا اتعرضت ليه
فا قلت في الاخر يارب انت قلت لا يستعصي عليك شيئ
وانا واثق فيك
ورشمت الصليب
وخرجت
وانا متضايق ومخنوق
فا كان ميعاد المادة التانية وانا مكنش ليا نفس افتحها من كتر نفسيتي المكتئبة
لانها اخر سنة وانا مكنتش عاوز اشيل اي مواد وبسبب اللي حصل ده قفل تفكيري من كل شيئ
المهم
اخويا ربنا بعت الكلام علي لسانه
فا قعد يكلمني ويقولي
يا ابني انت متحكمش علي ربنا دلوقتي
احكم عليه في النهاية
لو النهاية جت ومش عجبتك ومشفتش ايد ربنا بتتدخل عشانك
وقتها اعمل كل اللي في نفسك
لكن دلوقتي اعمل اللي عليك ومش تستسلم وسيب الباقي علي ربنا
المهم حسيت براحة كبيرة في كلام اخويا
وهديت وبدأت امسك المواد اللي بعد كدة والحمد لله اجتازتها بنجاح
فا النتيجة ظهرت في شهر 5 قبل الامتحانات بشهر
وانا وقتها كنت مرعوب جدا ومكنتش عاوز اجيبها لاني مكنتش عاوز اي حاجة تأثر علي نفسيتي وخصوصا في مواد الترم التاني اللي هي اصعب من الترم الاول بمراحل
وظهرت النتيجة وفضلت يومين متردد ومش عاوز اقول لحد في البيت
في الاخر
قلت لاخويا يجيبها ليا
وبالفعل راح جابها
وكلمته وقلتله ها يا ابني شايل المادة ولا ايه
قالي مش هتتتتتتتتتتتصدق
قلتله في ايه يا بني ايه اللي حصل ؟
قالي اللي حصلك اعظم معجزة
قلتله ايه اللي حصل
قالي تتوقع تكون جبت في المادة كام
قلتله لو جبت ال 7 درجات يبقي اللي بيعلم كان عنده ذمة
فا قالي انت جبت 15 من 20
قلتله يا مش معقولة يا ابني شوف تاني يمكن جبت نتيجة واحد غيري
قالي شفتها كذا مرة والنتيجة مكتوبة كدة
قالي شفت مش قلتلك متظلمش ربنا ومتسبقش الاحداث
هو اله قوي ومش بيسيب اي ابن ليه
ولا بيسيب اي ظلم بيقع علي احد من ولاده
انا سجدت لله
وصدقوني بكيت وانا عيوني في الارض لله شاكرا لربي والهي ومخلصي يسوع المسيح
لانه اللي عمله معايا اعظم معجزة
ولما روحت شفت النتائج
صدقوني لاقيت ناس كتير شايلة المادة دي
فا عرفت ان ربنا بيقولي اني انا نجحتك انت بالخصوص
لاني قلت في بالي قبلها ان ممكن يكون الدكتور رفع الدفعة كلها في مادته
لكن بعد اللي شفته اتأكدت ان ربنا عمل معايا اعظم معجزة اللي استحالة انساها طوال عمرررري

وانا بنشر المعجزة لسبب
اولا علشان اقول لكل واحد داخل الامتحانات
اعمل اللي عليك وبس
حتي ولو هتتعب يوم
اليوم ده عند ربنا كبير ومش هينسي انك تعبت وبذلت فيه
بس انت متكسلش واعمل اللي عليه
ومتسمحش لشيطان الكسل يضحك عليك ويقولك المادة صعبة المادة رخمة المادة محدش بينجح فيها
كل اللي هقوله ليكم وعن امانة
ان ربنا شفت بعيني ان اللي بيتعب ولو يوم ربنا مش بينسي تعبه ابدااااااااااا
وبيجازيه عليه
وصدقوني
ممكن تبقي انت تعبت في مادة يوم ( بس تعبت بذمة )
يعني ذاكرتها بذمة وضمير يوم كامل
صدقوني وقتها ممكن تجيب درجة اكبر من شخص ذاكر المادة طوال السنة
فا زي ما بقولكم لاني شفت كل ده وحصل معايا
اتعب واعمل اللي عليك وربنا هيكمل
افتكر الاية قوتي في ضعفكم تكمل
انت بذلت علي اد استطاعتك وربنا مش هينسي تعبك وهيباركه وهيكثره زي ما بارك الخمس خبزات وسمكتين
هيبارك تعبك الضئيل ويعطيك بزيادة
بس انت اتعب بضمير وابذل فعلا كل استطاعتك
وربنا مش هينسي تعبك
ثق في كدة
ده ربنا اللي لا يغفل ولا ينام عن ولاده
شكرا لربي والهي ومخلصي يسوع المسيح
الذي كل ما اتحدث عنه دموعي كاملة لا توصف المحبة لتي صنعها معي طوال حياتي
اشكرك ياررررررب علي محبتك من اجلي انا الخاطئ
لالهنا المجد الدائم الي ابد الابدين امين
____________
ديفيد

رائعة جدا محبة الله ورائعة امانتك ورائعة ثقتك بالله ورائع بالأكثر إحساسك بالآخروبالوقت المناسب لهم والذى يحتاجونه وقت الامتحانات ، بس أنا عايزة كمان أقولك إن معجزتك تلك هى رسالة من ربنا لكثيرليستفادوا وقت مشاكلهم منها وأولهم أن
ربنا معاك
شكرا شكرا شكرا

عضوجديد

DEAR DAVID....

GOD WITH EVERY ONE WHO BELIVE IN HIM SAVE HIM PROTECT HIM AND BLESS HIM ...HE IS WITH WHOME LOVE HIM AND BELIVE IN HIS WORDS.....YOUR STORY IS MAKE ALWAYS WITH WHOM DEPEND ON HIM ,SPEACIAL IN HARD TIME....MERRY CHRISTIMAS AND HAPPY NEW YEAR TO YOU AND ALL WORK WITH YOU.

عضوجديد البطاقة الشخصية لقبك:

معجزة شخصية حصلت معايا ( ديفيد ) بعنوان يد الله القوية انشرها لاول مرة في النت 414950

عزيزي و اخى الحبيب ديفيد... لا يسعنى الا ان اقول كما قال ايوب : قد علمت انك تستطيع كل شىء و لا يعسر عليك امر . و ايضا فى رسالة بطرس : ملقين كل همكم علية لانة هو يعتنى بكم ... و الق على الرب همك فهو يعولك ...و ان كان اللة معنا فمن علينا ... ماذا يصنع بى انسان ؟ و انا اقول لك و للجميع كما قلتها لنفسي من قبل : ماذا يصنع بى امتحان وضعة انسان؟ شكرا من اجل امانتك و شهادتك و الرب يسوع يتمجد اكثر معك و مع الجميع و شكرا من اجل اشباع احتياجاتنا ايضا فالمسيح يعلم كل الاحتياجات معجزة شخصية حصلت معايا ( ديفيد ) بعنوان يد الله القوية انشرها لاول مرة في النت 166562

معجزة شخصية حصلت معايا ( ديفيد ) بعنوان يد الله القوية انشرها لاول مرة في النت 166562

بوليكاربوس كتب:: رائعة جدا محبة الله ورائعة امانتك ورائعة ثقتك بالله ورائع بالأكثر إحساسك بالآخروبالوقت المناسب لهم والذى يحتاجونه وقت الامتحانات ، بس أنا عايزة كمان أقولك إن معجزتك تلك هى رسالة من ربنا لكثيرليستفادوا وقت مشاكلهم منها وأولهم أن
ربنا معاك
شكرا شكرا شكرا

شكرا ليكي جداااااا يا بوليكاريوس علي مرورك الجميل اللي سعدت بيه
فعلا كلامك كله صحيح
احنا كلنا في يد الله وهو الذي بيستخدمنا لمجد اسمه لنتعلم من بعضا البعض في اعمال الله معنا التي نمجد اسمه فيها
شكرا كثيرا ليكي لكلامك الجميل
كل سنة وانتي طيبة

anis gergies botros كتب:: DEAR DAVID....

GOD WITH EVERY ONE WHO BELIVE IN HIM SAVE HIM PROTECT HIM AND BLESS HIM ...HE IS WITH WHOME LOVE HIM AND BELIVE IN HIS WORDS.....YOUR STORY IS MAKE ALWAYS WITH WHOM DEPEND ON HIM ,SPEACIAL IN HARD TIME....MERRY CHRISTIMAS AND HAPPY NEW YEAR TO YOU AND ALL WORK WITH YOU.

اخي الحبيب انيس
شكرا ليك حبيب قلبي علي كلامك الاكثر من رائع وعلي مرورك الجميل اللي سعدت بيه
فعلا ربنا اللي يمسك فيه مش يسيبه ابدااااااااا
واحنا كلنا خطاه لكن عندنا رجاء في المسيح يسوع الرب البار الذي يجذبنا نحوه مثل بطرس
عندما نقول له يارب نجنا فيمد يده فيعطينا الخلاص والحماية من كل شر ومن كل مؤامرة تحاك ضدنا
شكرا لمحبتك حبيبي
كل سنة وانت طيب وسنة سعيدة علينا كلنا باذن المسيح

jesusstudent كتب:: عزيزي و اخى الحبيب ديفيد... لا يسعنى الا ان اقول كما قال ايوب : قد علمت انك تستطيع كل شىء و لا يعسر عليك امر . و ايضا فى رسالة بطرس : ملقين كل همكم علية لانة هو يعتنى بكم ... و الق على الرب همك فهو يعولك ...و ان كان اللة معنا فمن علينا ... ماذا يصنع بى انسان ؟ و انا اقول لك و للجميع كما قلتها لنفسي من قبل : ماذا يصنع بى امتحان وضعة انسان؟ شكرا من اجل امانتك و شهادتك و الرب يسوع يتمجد اكثر معك و مع الجميع و شكرا من اجل اشباع احتياجاتنا ايضا فالمسيح يعلم كل الاحتياجات

شكرا ليك يا jesusstudent علي كلامك الجميل
انا مؤمن دائما بقول داوود النبي له المجد عندما قال
عيناي دائما الي الرب لانه يخرج رجلي من الشبكة
الله يكون مع جميع المتكليين عليه ولا يدعهم يخززون بقوة الهنا يسوع المسيح
شكرا ليك جدااااااا
وربنا يجعلها سنة سعيدة علينا كلنا باذن المسيح
كل سنة وانت طيب

عضو ذهــــبي

المجد لأسمك يارب
ربنا ينجحك في حياتك ديفيد معجزة شخصية حصلت معايا ( ديفيد ) بعنوان يد الله القوية انشرها لاول مرة في النت 355935

عضوجديد

معجزة جميلة ................شكرا ليك .....ألله لايترك أولاده .