سلام المسيح معاكم
فيه موضوع خطيرررررر
بيشغل بالي بقالي فترة
وكنت عاوز اعرف ايه الصح
هل ربنا لو انسان لديه مشروع يريد ان ينشاه
او لديه رغبة في ان يرتبط بانسانة
او بيحلم بشيئ معين يريد تحققيه
وربنا جعل مشاكل في الموضوع يبقي مش راضي عنه ؟؟؟؟؟؟؟؟
او بمعني تاني هل ممكن ربنا يتدخل لمنع الشخص من تحقيق هدف
طيب بمعني تاني للسؤال
لو دلوقتي الانسان راح الكنيسة علشان ياخد بركة ربنا من اجل ( موضوع ما ) وبعد كدة عمل الموضوع بالفعل
وصادف وجود مشاكل وعقبات في طريقه
هل هنا ربناااااااااااا هو اللي موقفله المراكب السايرة والمشاكل هنا تبقي بسماح من ربنا
انا هجاوب من وجهة نظري ومن خلال الانجيل وكلام الللللله
اولا ربنا بيحب الخير للناس كلها للاشرار قبل الابرار
يعني ربنا عمره ما بيدخل خطية الانسان وافعاله الوحشة في حياته العملية
لان ربنا رحيم جداااااااا مش اله منتقم
عنده طول اناة ورحمة وقلبه كبير جدا جدا
قلبه كبير لدرجة نحن البشر لا نستوعبها ولا نستطيع ان تحصي مراحمه
ودي حقيقة وكل واحد لو قعد يحسب اعماله الوحشة وفي نفس الوقت حسب اعمال ربنا الحلوة ليه
هيلاقي ربنا بيحب الخطاه قبل الابرار ومعندوش خيار وفاقوس زي ما بيقول المثل
كلنا ولاده
ندخل في المهم
تعالوا نشوف كلام ربنا عن التجارب
لا يقل احد اذا جرب اني اجرب من قبل الله لان الله غير مجرب بالشرور و هو لا يجرب احدا (يع 1 : 13)
14- و لكن كل واحد يجرب اذا انجذب و انخدع من شهوته.
15- ثم الشهوة اذا حبلت تلد خطية و الخطية اذا كملت تنتج موتا.
بصوا موضوع التجارب ببساطة شديدة بتكون بسماحة من الله
لان الشيطان هو اللي بيحسد الانسان وبيجربه بالخطية او بي حرب اخري
لكن ربنا بيكون بجانب الانسان ضد الشيطان
يعظم انتصارنا بالذي احبنا (رو 8 : 37)
ربنا بيعظم انتصارنا يقف بجانبنا ويسندنا في ضعفنا ضد الشيطان
لان حرب الشيطان لينا غير متكافئة
لكن قوة الله في ضعفنا بتكمل
بتجعل الشيطان يهرب من اي حرب
نيجي في النقطة الاهم
موضوع ان كل انسان بيكون ليه حلم او مشروع او شيئ نفسه يحققه
فهل لو صادف مشاكل في هذا الموضوع يبقي هنا ربنا مش موافق
او بمعني تاني
يجري في مفهوم البشر ان لو الطريق سالك وسهل يبقي ربنا سامح بالموضوع
ولو الطريق مش سالك يبقي ربنا معترض عليه
مع ان ربنا نفسه حذرنا من الباب الواسع
يعني الباب السهل
موضوع الحروب اللي ممكن تواجه الانسان لو هو في طريقه لعمل مشروع او اي فعل اخر
بتكون هذه الحروب لا يد لله فيها ولا للانسان
ببساطة البني ادمين والشياطين
هم من لهم اليد في هذا الشر
واقولكم فرضا عملت مشروع ونجحت فيه هتلاقي الناس بتحقد علي نجاحك وتحاربك فيه
بهدف ازاحتك من الطريق لاخلائه ليهم
فهل هنا ربناااااا هو ليه يد
او معني تاني
واحد اتقدم لانسانة اهلها رفضوه او طلبوا طلبات كتير
والارتباط فك
فهل هنا ربنا كتب ان الارتباط مش يتم
ربنا جعل الانسان مخير لا مسير
يعني بالبلدي ربنا كونه اله بيعرف الغيب يعني بيعرف المستقبل
لكن لا يتدخل فيه الا لو الانسان طلب منه كدةةةة
طلب تدخل الله
وقتها ربنا بيتدخل
وموضوع الارتباط لما مش بيتم
بيكون للو الانسان طلب من ربنا انه يختارله بنت الحلال
فا ربنا يضع للانسان عدة اختيارات امامه لكي يري الانسان كيف هيختار وهيختار علي انهو اساس
بيجعله يشوف علشان يجرب ولما الموضوع مش يتم
بيعرف الانسان انه نصيبه مش جه
وانه نصيبه متشاااال في اللحظة المناسبة هيظهر
خلاصة الكلام
بالنسبة للمشاريع واي شيئ اخر خاص بالفلوس
ربنا طالما الانسان هيعمل خير وراح يطلب بركة ربنا
فا ربنا بيباركه ويقف جنبه ويساعده حتي ولو واجهة الانسان مشاكل وعقبات كلها بتتحل بيد الله
وبالنسبة للارتباط
بيكون لو الانسان اتسرع للاختيار بمنطلق عقله البسيط ونظره
فا بيتصدم سواء ان الارتباط يفك ومش يتم
او
لو تم الارتباط يبقي فيه مشاكل كتيررررر
فا العبرة ان الانسان يطلب يد الله في كل شيئ خاص بيه
واخر كلام هختم بيه
افتكروا لما صموئيل النبي ذهب لاختيار ملك بعد شاول
وراح البلد اللي فيها داوود
ولما كلم يسي والد داوود واحضر ابنائه
وشافهم ولد ولد وربنا قاله ولا واحد من دول
فسئل يسي عندك ولاد اخرين
قاله عندي الابن الصغير بيرعي الغنم ولما استدعاءه
وشافه
كلم صموئيل النبي ربنا قاله هو ده - ده اشقر وعينيه عسليتين
ده مينفعش
قاله ربنا انت بتبص للشخص بشكله الخارجي
لكن انا اختارته بحسب القلب
انا اختارت شاول لقوته الجسمانية وكان اقوي واطول واحد في الشعب
ورفض يسمع كلامي
لكن انا بختار قلب داوود
لاني لم اجد قلب مثل قلب داوود
واللي هيقرا سفر صموئيل النبي 1
هيلاقي رسالة ربنا واضحةةةة ومكتوبة بشكل مفهوم زي مانا فسرتها
وياريت كل انسان ميسمعش لحد يكسر مجاديفه
اتكل علي الله وحده هو المعين
فمن يتكل عليه فلا يخزززززي ابدااااااااااا
ياريت تشاركوا بارائكم في الموضوع
____________
ديفيد