ليه ياربى عملت كده. عتاب المحب !!!!!!!!!!!!

ليه ياربى عملت كده. عتاب المحب !!!!!!!!!!!! Eb332279hv

وللوقت ألزم يسوع تلاميذه ان يدخلوا السفينة ويسبقوه الى العبر حتى يصرف الجموع. وبعدما صرف الجموع صعد الى الجبل منفردا ليصلّي.ولما صار المساء كان هناك وحده. واما السفينة فكانت قد صارت في وسط البحر معذبة من الامواج.لان الريح كانت مضادة. وفي الهزيع الرابع من الليل مضى اليهم يسوع ماشيا على البحر. فلما ابصره التلاميذ ماشيا على البحر اضطربوا قائلين انه
خيال.ومن الخوف صرخوا. فللوقت كلمهم يسوع قائلا تشجعوا.انا هو.لا تخافوا. متى22:14-27.

ليه يارب عملت كده؟ الاول الزمت التلاميذ انهم يدخلوا السفينه وحدهم وانت عارف ان البحر هيهيج عليهم وان الامواج هتعذبهم!

وبعد كده كمان تركتهم من المساء معذبين فى وسط البحر يصارعون الامواج ولم تذهب اليهم الا فى الهزيع الرابع!!!لماذا يارب تركتهم كل هذا الوقت الطويل ولماذا لم تذهب اليهم من الاول وهما أكيد كانوا بيصرخوا ليك ومحتاجينك قوى!!!

ليه يارب ؟انا عايز اعرف عشان انا كمان زيهم سفينه حياتى فى وسط البحر معذبه من امواج الضيقات و التجارب وانت يارب شايفنى من المساء و انا بناديللك وانت برضوا سايبنى وبتتأخر عليا!! وانت كنت عارف كمان يارب من البدايه انى هتعب ومع ذلك الزمتنى انى ادخل بالسفينه فى وسط البحر وانا ضعيف قوى يارب وسفينتى مش هتقدر على الامواج و الرياح ......بتتأخر ليه يارب؟؟؟

حبيبى ...

أنا لم اتركك ابداً انا سبتك تدخل فى وسط البحر و انا عارف انك هتتعب علشان اعلمك حاجات مهمه قوى.

اول حاجه انك تتعلم الصلاه تتعلم تندهلى وتكلمنى بعد ما تتعب من كتر مانديت الناس و محدش سمعك فتعرف انك لازم تتكلم معايا انا ومش بس كده لا انا كمان عايزك تتعلم اللجاجه فى الصلاه تتعلم انك تفضل تصلى و تطلب بلجاجه حتى لو اتأخرت عليك وتكون واثق انى سامعك ولا تنسى "صلوا كل حين ولا تملوا"

تانى حاجه عايز اعلمهالك هى الجهاد لازم ياحبيبى تتعلم انك تجاهد وتصارع كل الضيقات وتتعلم انك لازم تعمل كل اللى عليك ولا تستسلم لازم تبقى قوى وتصبر وتطلبنى وانت واثق انى هقويك انك تجاهد وتنتصر كمان

وتالت حاجه ياحبيبى عايزك تتعلم انك تحس بالاخرين وانت مش هتحس بيهم الا اذا انت كمان مرت بك ضيقات و الام زيهم وقتها بس هتعرف هما تعبانين قد ايه و تعرف تساعدهم و تقويهم عشان انت كنت زيهم

وأخر حاجه ياحبيبى عايز اخليك تشوفنى وانا جايلك ماشى على المياه فوق كل الامواج اللى تعباك عايزك تشوف يدى القويه و عجائبى اللى مكنش ممكن تشوفها غير لو عديت فى البحر الهايج فتعلم وتثق انى انا الوحيد القادر على انقاذك مهما اللى انت فيه وان كل قوى العالم لن تقوى عليك وانت معايا.

عشان كده ياحبيبى انا اتأخرت بس عايز اطمنك ان عينى دايما عليك وايدى بتحافظ عليك حتى وانت الان فى وسط الضيقات

لا تخف تشدد وتشج انا معك فقط اطلبنى و انتظرنى لانى سأتى اليك قريبا ماشيا على الماء

احنا فعلا دايما بنعاتب ربنا من غير مانعرف ايه حكمته فى التجربه
دايما واقفين فى موقف هجوم وطالبين منه انه يدافع
لكن بجد ربنا احن مننا علينا
ميرسى جدا للعتاب الحلو

عضوفضي

تانى
حاجه عايز اعلمهالك هى الجهاد لازم ياحبيبى تتعلم انك تجاهد وتصارع كل
الضيقات وتتعلم انك لازم تعمل كل اللى عليك ولا تستسلم لازم تبقى قوى
وتصبر وتطلبنى وانت واثق انى هقويك انك تجاهد وتنتصر كمان
اللة
على كلماتك المعزية للكل يارب للصغير والكبير انت لاتترك اولادك ابدا ولا
تنساهم شكرااااااااااا ديفيد لرسائلك الجميلة والمعزية للنفوس المتألمة
والحزينة الرب يديم حياتك وخدمتك ويعطيك الرب البركة والمحبة

انا مش عارفة ارد اقول اية بجد كلمات مئثرة جداااااااااااااااااا وبتلمس القلب وفعلا كل الكلام دة الي جواى الي بحس بية فعلا بحس انى ربنا مش بيسمع لي مش بيستجيب لصلاتى انا تعبانة جدا ومحتاجة انى ربى يسمعنى ويستجيب لي انا عارفة انى انسانة خاطية نفسى ربنا يسامحنى ويستجيب لي من فضلك يا استاذ ديفيد صلي من اجلي لانى فعلا محتاجة الصلاة

dody كتب:: انا مش عارفة ارد اقول اية بجد كلمات مئثرة جداااااااااااااااااا وبتلمس القلب وفعلا كل الكلام دة الي جواى الي بحس بية فعلا بحس انى ربنا مش بيسمع لي مش بيستجيب لصلاتى انا تعبانة جدا ومحتاجة انى ربى يسمعنى ويستجيب لي انا عارفة انى انسانة خاطية نفسى ربنا يسامحنى ويستجيب لي من فضلك يا استاذ ديفيد صلي من اجلي لانى فعلا محتاجة الصلاة

طيب تعرفي يا dody

ان اي كلمة بتقوليها لربنا
بيسمعها

هتقوليلي
طيب هو ازاي هيقدر يسمع البشر دي
كلللللللللللها
فا هقولك
الله له كل مجد
عند ميلاد شخص
وعماده
بيخصص ملاك لحراسته
وتسجيل كل افعاله واعماله ونيته وافكاره
وايضا ً
من اهم مهام الملاك
(توصيل صلاتك لله )

فا الله بيسمعك
ولا تقولي ابداااااااااا
بان الله لا يسمعك
وبكرة تفتكري كلامي
اللي بقوله ده
ربنا معاكي
_______________
ديفيد

الرب قريب لمن يدعوه
ميرسي ياديفيد ربنا يباركك

عضوجديد

الرب يبارك خدمتك استاذ ديفيد مش قادره ارد بكلام تانى لانك اجبت على كل الاسئلة اللى جوانا
وكما فال الرب :
لانه تعلق بى فانجيه ارفعه لانه عرف اسمى يدعونى فأستجيب له معه انا فى الشده انقذه وامجده ومن طول الايام اشبعه واريه خلاصى .هللوييييييييييييييييييييييييييييييييييييييييييييييا

صلوا كل حين ولا تملوا

» لى يارب عملت كدا؟؟؟؟؟؟؟؟؟؟؟؟؟؟؟؟
» تامل فى جروح المحب
» عتاب من يسوع لكل نفس قلقانه وخايفه
» رساله عتاب !!!!!!
» جايلك ياربى‏