مطبخك يدل عليكى(صور)

طرق روعه لتنظيف المطبخ وادواته كمان

( 1) يا عيني علي البوتاجاز ودهون البوتاجاز :

حلها بقي

شوفي يا قمر لو عايزة تتخلصي من أي آثار للدهون اللي موجودة على البوتوجاز نتيجة القلي والتحمير يبقى هاتي إسفنجة فيها مسحوق غسيل وامسحي البوتوجاز بيها وبعد كده امسحيه بإسفنجة مبللة بالميه وبكده يبقى البوتوجاز نظيف من غير أي مجهود ولو عايزة زيادة في اللمعان يبقى امسحيه بورق جرائد مبلل بالميه...

دي كانت طريقة،

فيه طريقة تانية ودي ممكن تستخدميها لو كان البوتوجاز اللي عندك فيه دهون ناشفة ومش عايزة تطلع يبقى ضعي على الدهون دي خليط مكون من نص كوباية ميه + نص كوباية أي مسحوق تنظيف عندك وسيبيه عليه لمدة ساعة وبعد كده ابدئي في تنظيف البوتاجاز بنفس الطريقة السابقة.

(2) حله المطبخ

مطبخك يدل عليكى(صور) 84717979iq8

من المشاكل اللي ممكن تقابلك وتبقي مش عارفة تعملي معاها إيه مشكلة إن الحلة يكون فيها سواد من تحت وعلشان تتخلصي من المشكلة دي يبقى افركي السواد ده بشوية ملح خشن وليمون وبعد كده اشطفيها كويس واغسليها بالصابون وفرشاة خشنة وبعد كده اشطفيها كويس بالميه وهتشوفي الفرق بنفسك هتلاقي الحلة رجعت جديدة.

(3 ) الكوبايات مش بتلمع

مطبخك يدل عليكى(صور) 93488001gj9

من ضمن المشاكل اللي ممكن تقابلك مشكلة إن الكوبايات والأطباق مش بتلمع بالرغم من إنك غسلتيها أكتر من مرة بمسحوق غسيل فيه مادة ملمعة لكن مفيش فايدة!!!

وعلشان تتخصلي من المشكلة دي يبقى بعد ما تغسليها بالصابون حطيها في طبق فيه ميه فاترة مذاب فيها ملح وسيبيها لمدة ساعة وبعد كده اشطفيها كويس قوي وسيبيها على ترابيزة المطبخ علشان تنشف في الهواء من نفسها واوعي تنشفيها بفوطة المطبخ لأنها هتخليها تفقد لمعانها.

أما بالنسبة للأكواب الكريستال فاشطفيها بميه فاترة مضاف إليها قطرات من الكحول الأبيض وسيبيها لغاية ما تنشف من نفسها.

(4) ريحه اللحمه ماسكه في المفرمه بأديها وسنانها

حلها ياسيتي ايه بقي

ساعات كتير لما تيجي تفرمي لحمة في المفرمة ريحة اللحمة بتفضل موجودة فيها ومهما تحاولي تغسليها بمساحيق ليها ريحة حلوة إلا إن ريحة اللحمة بتفضل موجودة برضه.. نفس الموضوع ده بيتكرر لما تيجي تطحني بهارات ريحة البهارات برضه بتلزق هي كمان...

وعلشان تتخلصي من المشكلة دي نهائي يبقى هاتي عيش محمص واطحنية في المطحنة أو المفرمة وبعد كده اغسليها بنفسك وأوعدك إنك مش هتلاقي أي آثار لريحة الحاجة اللي اتطحنت لأن العيش هيمتص أي ريحة.

( 5 ) الدهون اللي لازقه علي الاخلاط يا ساتر عليها

مطبخك يدل عليكى(صور) 40153311tn3

ساعات كتير بتستخدمي الخلاط علشان تضربي فيه خليط فيه دهون بس للأسف الشديد ساعات الخليط ده بيلزق فيه وبتبقي مش عارفة تطلعيه ازاي...

وعلشان تحلي المشكلة دي يبقى حطي في الخلاط شوية ملح +قشر ليمون +كوباية ميه سخنة واقفلي الخلاط ورجي الخليط ده جواه أكتر من مرة كويس وبعد كده اغسليه زي ما أنت عايزة وهتشوفي الفرق بنفسك.

(6 ) المعالق والشوك والسكاكين عايزه تلميع

علشان تلمعي السكاكين والمعالق وأدوات المائده غير الفضية يبقى دوبي شوية مسحوق غسيل في لتر ماء + عصير ليمونة وحطيه على نار هادية مع المعالق اللي أنت عايزة تنظفيها وسيبيه لغاية ما يغلي لمدة ربع ساعة...وبعد كده سيبيه لغاية ما يبرد وبعد كده اشطفي المعالق أو السكاكين بالميه وسيبيهم لغاية ما ينشفوا في الهواء وبلاش تنشفيهم بفوطة وهتلاقيهم بقوا يلمعوا كأنك لسه جايباهم.

(7 ) ريحه البصل وما ادراكي ما البصل ماسكه في لوحه التقطيع

مطبخك يدل عليكى(صور) 75396638mg4

علشان تتخلصي من رائحة البصل والثوم والسمك وغيرها من الروائح اللي ممكن تكون موجودة على لوح التقطيع يبقى ادعكي لوح التقطيع بنصف ليمونة أو حطي عليه طبقة معجون عبارة عن "كوباية ميه + بيكربونات الصودا "وسيبيهم لمدة ساعة وبعد كده اغسليه كويس بالصابون والمية.

(8 ) سيراميك المطبخ مش عايزيلمع

مطبخك يدل عليكى(صور) 63611893zx0

علشان تلمعي سيراميك المطبخ سواء سيراميك الجدران أو الأرض يبقى دوبي فنجان خل أبيض + عصير ليمون + ملعقة كحول نقي "موجود في الصيدليات" في ميه فاترة ولمعي بيه السيراميك وهتشوفي الفرق بنفسك.

ولو عايزة ريحة المطبخ تبقى حلوة بعد ما تخلصي يبقى ضيفي إلى مية المسح عصير 5 ليمونات وهتشمي الريحة بنفسك.

منقول

ايه المواضيع الرائعة دي يا كوتي
هديكي في الموضوع ده 5 نجوم

مرسسي يا قمر المنتدي

مطبخك يدل عليكى(صور) 9df145d7e3tj3

عضوجديد

جميل جدا بجد ومعلومات جميله جداجدا ربنا يعوض تعب محبيتك

عضوجديد

موضوع جميل ونصايح مفيدة بجد
الف شكر لتعبك

عضو ذهــــبي

مش عايزة اقولك يا كوتى الموضوع بجد تحفة

ومهم ومفيد جدا وانا عن نفسى هجرب الحاجات دى
شكرا ليكى وربنا يعوضك تعبك
وياريت الموضوع يتثبت لانة مهم ومفيد لكل بيت
دائما متميزة يا كوتى
ربنا يباركك

الف الف الف شكررررررررررر

ل
استاذ ديفد
منى
ناهد
رفقه
مروركم اسعدنى و شرفنى وشجعنى ربنا يبارك خدمتكم
و مرسى استاذ ديفد على النجوم

موضوع جميل جدا جدا ميرسي ياقمر لتعبك وربنا يباركك

» نزلات البرد تبدأ من مطبخك
» مطبخك و بيتك و حشرات الصيف
» ترنيمه لما بنادى عليكى{ المرنم ميشيل طلعت } وعلى اكثر من سيرفر Cdq 192 Kbps