الي من يقول ان زمن المعجزات انتهي ( معجزة عظيمة حدثت في مارس 2009 بالولايات المتحدة الامريكية)

تذكير بمساهمة فاتح الموضوع :

بسم الاب والابن والروح القدس أله واحد أمين

أنتقال مارك للسماء
11-24-1998 11-24-2008

و
معجزه شفاء ماريا
الولايات المتحده الامريكيه في مارس 2009

اسمي امال واسكن في مدينه تسمي أن اربر بالولايات المتحده الامريكيه وعندي ثلاث أطفال هم اندرو 13 سنه ومارك عشر سنوات وماريا7 سنوات وأولادي وزوجي شمامسه في الكنيسه ولينا علاقه قويه بالشهيد العظيم مارمينا العجايبي جميع اولادي بيحبوه وعمل معانا معجزات كتيره انا وزوجي واتعودنا اننا نذهب الي الريتريت في مدينه تسمي مايوو علي بعد ثلاث ساعات من مدينتنا وفيها كنيسه صغيره جميله وبها جسد القديس العظيم مارمينا نأخد بركته كل مره نذهب اليه يمكن 3-4 مرات في السنه مع عيد نياحه القديس العظيم مارمينا وفي عيد مارمينا 24نوفمبر سنه 2007 بيوافق عيد ميلاد ابني مارك وهو شماس حلو خالص وبيحب المذبح جداا وعمل القربان والشوريه ومحدش ابدا يقدر يمسك الشوريه ما دام مارك موجود في المذبح لانه بيحب يخدم في القداس جداااا وخصوصا في الهيكل ولما ما يخدمش في الهيكل كان يزعل ويعيط ويحس انه ماخدمش وكنا هناك حوالي تلاث أيام وراح مارك طلب من ابونا مينا انه يحتفل بعيد ميلاده وفعلا راح ابونا بعت تاسوني وجابت له تورته كبيره اوووي واحتفلنا بعيد ميلاده التاسع هناك مع مارمينا وجت سنه 2008 وقبل عيد ميلاد مارك باسبوعين قالي يا ماما انا عايز اعمل عيد ميلادي في مارمينا ومش هعمله في أي حته تانيه وقلتله حاضر يامارك وقعدت احضر له التورت علشان نحتفل بعيد ميلاده وبالرغم اني سألته كذا مره يا مارك وعايز تعمل ايه في المدرسه فكان ما يردش عليا كان كل اهتمامه بمارمينا واذاي نروح وكان عيد مارمينا هذه السنه يوم اثنين وكان لازم يغيبوا من المدرسه وقالولي ايوه يا ماما عايزين نروح لمارمينا وبالفعل حضرت كل حاجه ورحنا الدير وعملنا عشيه عيد القديس بكل فرح وبعدين عملنا لمارك عيد ميلاده وكان فرحان جداااا وبعدين عمل التسبحه مع اخوه اندرو ووالده وبقيه الشمامسه . وصحينا الصبح للآحتفال بعيد الشهيد العظيم ولقيت مارك صاحي وبيقولي يلا يا ماما بسرعه هتيلي اللبس بتاعي علشان اعمل القربان بسرعه وكان لسه اخوه اندرو وابوه لسه نايمين قلتله استني يامارك نام شويه حبيبي راح قالي لا انا عايز اعمل القربان يلا وفعلا لبس بسرعه وخد الاجبيه وراح يعمل القربان وكان فرحان جدااااا وبعد ما خلص القربان جري بسرعه علي الكنيسه قبل ما اي حد يروح ولقيته بيملي كل الآكواب الصغيره بتاعه المناوله وقلتله يامارك خلي ده لماريا والبنات راح قالي لالا ياماما انا عايز أعملهم انا وسيبته وكنت مستغربه اوي وبعدين صلي باكر وبدئنا القداس وطلب مارك انه يخدم جوه الهيكل وكان فعلا خادم المذبح في هذا اليوم . وعرفت بعد ذلك ان مارك شرب كل الميه الي ابونا كان بيرش منها وكنت كل ما انظر لمارك الآقيه مشغول اووي بلآواني وانه ينظف الشوريه ويشيل كل الآباريق في مكانها وخد من ابونا قربان كتير اوووي من البركه وأخذنا كلنا بركه التناول وبركه جسد القديس العظيم مارمينا وانتهي القداس حوالي الساعه الواحده ظهرا وقدس ابونا معودنا دايما نفطر مع بعض قبل

ما كل واحد يمشي وعملت فطار لكل واحد من ولادي لكن مارك الوحيد الي رفض ان يفطر وقلت في نفسي خلاص احنا هنمشي واخدلهم شويه سندوتشات علشان الطريق وسلمنا علي مارمينا وغادرنا الدير حوالي الساعه الثانيه والنصف ظهرا وكان الجو فيه ثلج ودي حاجه عاديه بالنسبه لشتاء امريكا وكنا ماشين علي اقل من السرعه وكان امامنا حوالي اربعه سيارات وحاول عربيه نقل كبيره انها تتخطي كل هذه العربات لكنه حاول وفشل لمره ودخل ورائنا وكان ماشي بسرعه تقلق في هذا الجو وكنت مش مطمنه لظهور هذه العربيه النقل فجأه بالرغم اننا كنا ماشين بقالنا حوالي عشرين دقيقه علي الطريق . وابتدئت العربات التي امامنا في التهدئه وحاول زوجي ان يهدي لكن الفرامل تجمدت تحت رجليه بالرغم من اننا كنا لسه في اشاره والفرامل اشتغلت كويس وفجأه دخلنا علي الحاره المعاكسه للطريق لكن حمدنا ربنا ان مافيش اي عربات قادمه لكن في لحظه جت عربيه النقل التي ورانا وصدمتنا وانقلبت السياره ووقعنا في منحدر للاسفل علي جانب الطريق . انا ما غبتش عن الوعي لحظه واحده وكنت سليمه وأدري وأعي كل شئ وهذه هي المعجزه الآولي التي عملها رب المجد معي انا الخاظئه الغير مستحقه ورأيت زوجي انقلب علي كتفي في دمائه وعندما نظرت لآري أطفالي الصغار رأيت مارك في دمائه هو وماريا ولم اري اندرو كنت بأصرخ بشده يا مارمينا يا مارك يا ماريا وحاولت اني أحضن مارك ولكني احسست في هذه الحظه انه طار خلاص للسماء وكنت أصرخ بشده وأفتكرت ان اندروا اتقطع تحت عجل العربه وصرخت يا اندرو يا اندرو وفتحت باب العربيه من ناحيتي لان كل ابواب العربه كانت مغلقه وخرجت من العربيه وانا بأصرخ ولقيت اندرو في أعلي المنحدر بيقولي يا ماما انا هنا وكان سليم وعرفت منه بعد كده انه ماحسش غير بحد قفل عينه وخده من العربيه ولما سمع صراخي لقي حد طبطب علي ركبه وفتح عينيه و أكيد ده ملاك من السماء أو الشهيد العظيم مارمينا لآن كل الآطباء اكدوا لي ان أي شخص بيقع من العربيه وهي في حاله انقلاب بيحصل له حاله كسر في العنق أو حاله شلل أما أندرو كان سليم جسمانيا اشكر الرب علي هذه النعمه والمعجزه الثانيه التي عملها الرب لآسرتي وحاولت اطلب النجده وبعدين رجعت للعربيه وساعدت زوجي علي الخروج من ناحيه بابي وكنت بصرخ بجنون علي مارك وماريا وجت الاسعاف وقالولي ان ماريا ما زالت علي قيد الحياه اما مارك مرضيوش يقولولي حاجه عنه وجت عربات الاسعاف وخذوا ماريا وحطيت معاها صورتين لمارمينا وعربه اخذت اندرو وعربه اخذت زوجي لانه كان متالم جداا وكان بييصرخ من الالام ولقيت البوليس بيجبرني اني اركب عربيه الاسعاف مع زوجي بالرغم اني الوحيده الي كنت سليمه ما حصليش أي حاجه بس قدرت اتصل بابونا في التليفون وعرفته الي حصل وانا في حاله مقدرش اوصفها لكم لكن ابونا اتكلم مع الاسعاف وعرف منهم كل حاجه ووصلنا اقرب مستشفي بعد حوالي ساعه وانا في حاله صراخ شديده وأول ما وصلت ماريا بعدها بخمس دقايق جه الدكتور وعرفني ان مارك مقدرش يجي لانه خلاص راح علي السماء بسرعه اول ما الحادثه حصلت ساعتها جالي هيجان شديد ومعرفتش اني اقول حاجه غير اسم مارك مع اسم مارمينا.
وكانوا لازم يأخدوا ماريا لمستشفي تانيه لانها كانت حالتها خطيره جداااااا عرفت بعد كده انه نزيف وارتجاج في المخ وان المستشفي دي ما تقدرش تعملها حاجه خالص لان البنت بتموت وتوسلت ليهم اني اروح معاها لكنهم رفضوا بشده وماكنتش عارفه اعمل ايه زوجي وابني في حاله خطر وبيعملوا ليهم كل الاسعافات اللازمه وبنتي راحوا بيها مش عارفه فين وابني راح السماء .
ماكنتش حاسه بنفسي غير لما ابونا جالي ووقف جنبي وبعدها بساعتين اندور كان كويس بس قالوا لازم يروح مع زوجي مستشفي تانيه فيها امكانيات اكتر لان كما علمت بعد ذلك ان حاله زوجي كانت خطيره كان عنده حاله نزيف حاد في الطحال وكان ممكن كل الدم يتصفي في بطنه قبل ما نوصل المستشفي وعنده كسر في عده ضلوع بالآضافه لكسرفي الكتف الآيسر وكانوا لازم ينقلوه

عضوجديد

بجد انا اول مرة اشوف معجزة بالشكل دا
وقوة احتمال هذه الام وربنا يكمل الشفاء

عضوجديد

سلام محبة وتعزية
الرب يصبرك يااختي الغالية ويتم شفاء بنتك وتفرحي بيهم . حقيقي معجزة جميلة جدا وايد الرب باينة فيها
وهذا كلو بسبب ايمانك وصلاوتك الغير منقطعة الرب يقويك ويكون معاك دائما ويشفع لنا ابنك مارك امام عرش النعمة واولا واخرا صلاة العذراء مريم تكون مع الكل امين.
الرب يقويك ياديفيد وصلاة القديسين تدفعك دائما لعمل الصلاح امين

بجد معجزه جميله جدا و انا كنت بقرا كنت بعيط بجد نفسى اكون فى استعداد مارك ويا بخته بجد وربنا يعزيهم بشفاعة البابا كيرلس

عضوجديد

اللللللللة علي المعجزة الاكثر من رائعة دي يا استاذ ديفيد يارب اجعلنا زي مارك نكون مستعدين للقائك

بجد مش عارفة اقول ايه ربنا يعوض تعب محبتك استاذ ديفيد وفعلا ربنا موجود ومعانا دايما واعماله دايما بتشهد بكده وبجد مدام امال انتى ام عظيمة وصلتى عريس للسماء

عضوجديد

اطلب من رب المجد ان يتمم وعوده لتا ويتحنن على هذة الاسرة ويضمد جراحهم جميعا - امين

عضوجديد

ان أنسى من الام الحنون +++احضان ربى لى تصون
فعلا معجزات تمس القلب ربنا يتمجد ويكمل عمله مع الاخت امال ويعزيها
+++المسيح هو هو الامس واايوم والى الابد+++
امييييييييييييييييييييييييييييييييييييييييييييييييين

عضوجديد البطاقة الشخصية لقبك:

صداقه القديسين حاجه حلوه قوي
هما قريبين وفعلا المعجزه دي وعجزات غيرها كتيييييير
نتعلم منه
1- ربنا لا ينسي اولاده ويحميهم ربنا بيقول داسيما خرافي في يدي ولا احد يستطيع ان ياخذها من يدي
2- لازم نستعد ما احنا مهما العمر طال بينا هنروح فين؟
3- ان نسلك بالروح وبمحبه ونمسك جاااامد في ايد ربنا طول حياتنا
ربنا يعوضك

عضوجديد

شكرا على المعجز بجد قصة موءثرة جدا وانا اتاثرت جدا بيها الي من يقول ان زمن المعجزات انتهي ( معجزة عظيمة حدثت في مارس 2009 بالولايات المتحدة الامريكية) - صفحة 2 681305

الي من يقول ان زمن المعجزات انتهي ( معجزة عظيمة حدثت في مارس 2009 بالولايات المتحدة الامريكية) - صفحة 2 681305

عضوجديد

الي من يقول ان زمن المعجزات انتهي ( معجزة عظيمة حدثت في مارس 2009 بالولايات المتحدة الامريكية) - صفحة 2 544154

ربنا يباركك
فعلا معجزة عظيمة
فعلا ان صلاة الايمان تشفى المريض

عضوجديد البطاقة الشخصية لقبك:

ربنا يبارك حياتك استاذ ديفيد لانك شاركتنا فى معرفه المعجزه
واد ااايه ربنا حنين علينا وفعلا بتمجد فى قديسيه وبيستلم امانتو لما تبقى مستعده وفى انقى حالاتها واطهرها
وانا بقولو يارب استلم امانتك فى اى سن وفى اى زمان اواى مكان لما تلاقيها نقيها وطاهره
وفعلا يارب:
"لست اعلم ماانت فاعل وصانع ولكنى سأفهم فيما بعد"
وربنا يعزى الاسره بالعزاء السمااااوى
ربنا يبارك حياتك استاذ ديفيد وتمتعنا باحضار معجزات مماثله كهذه

» معجزة العذراء مريم مع ماريا فرج المعجزة حدثت شهر نوفمبر 2010 ( معجزة عظيمة قوي بالتقارير الطبية )
» بالصورة معجزة عظيمة حدثت بسبب عدم ايمان فتاة بصليب السيد المسيح ..!!
» معجزة عظيمة فيديو ظهور العدرا ام النور في دير ابوسيفين بمصر القديمه 15-6-2009
» معجزة عظيمة صنعها ربنا معايا ربنا ينقذني من الموت والسرقة (davidtiger ) المعجزة حدثت منذ ايام شهر 11 -2012
» معجزة عظيمة للبابا كيرلس بعنوان" هاييجي هاييجي " حدثت مع اخونا بالمنتدي عام 2008 المعجزة مكتوبة في تصميم