حروب الشيطان معايا ┼ ديفيد ┼ ونجاتي منها بقوة ربي والهي ومخلصي يسوع المسيح

حروب الشيطان معايا ┼ ديفيد ┼ ونجاتي منها بقوة ربي والهي ومخلصي يسوع المسيح

سلام ربنا يسوع المسيح يكون مع جميعنا امين
هحكيلكم اليوم عن حروب الشيطان معايا
انا من صغري وانا الشيطان عدوي اللدود
كنت بحاربه جايز ناس كتير تسئل
هو ينفع انسان يحارب الشيطان وينتصر عليه ويهزمه ويخليه يصرخ منه
اه ينفع ( حتي لو انت خاطئ )
انا خاطئ صدقوني
ومفيش انسان كامل
لان الكمال لله وحده

لو انت مؤمن بربنا وبكل كلمة بتخرج من قلبك قبل لسانك
وعندك حاجة الشيطان بيترعب منها
عارفين ايه هي
هي سر الرجاء
الرجاء في الله دائما
لما الشيطان يطرحك في خطية وشر
مش تفضل مطروح في الخطية وقاعد ساكت وسايب نفسك للشيطان
لكن لازم يكون عندك رجاااااااااااااء في ربنا يسوع المسيح
والرجاء هو لما الشيطان يحاربك بفكر انك خاطئ وربنا هيطرحك من امام وجهه ومش هيبصلك
ترد بي ايمان جواك وتقول
ربنا هو ابويا اللي مهما فعلت استحالة اترك محبته ومفيش اب هيسيب ابنه مهما حصل لانه اااااااااااااااااابنه اللي من صلللللبه
وهو عارف اني ضعيف وسقطت في الخطية
لكن زي ما قال قوتي في ضعفكم تكمل
وانا جاي لالهي علشان يكمل ضعفي بقوته
ويعطيني النصرة لخطيتي ويطهرني من كل شر جوايا
هو ده الرجاء
اللي الشيطان بيتررررعب منه
لانه الغاية من توجيه الشيطان ضربة ليك
هي طرحك في الخطية الدائمة وانك تبعد عن ربنا
لكن لما الخطية تقربك من ربنا اكتر من الاول
فا الشيطان بيتخنق وبتلاقيه بعد عنك لانه شاف تمسكك بربنا القوي
وشاف انك بتعلن ضعفك امام الله الاب الذي يكون معك ويضع قوته فيك لتنتصر علي كل خطية وشر

المهم
الشيطان مرة ظهرلي بشكل مخيف لا انساه ابداااااااااا
شخص اسود وطويل جداااااا وجسمه مليان
وعينيه كلها ناااار بمجرد ما تنظر ليها تلاقي جسمك بيهتز من الخوف
فا لما شافني لاقيته جري عليا في اقل من ثانية في لمح البصر لاقيته واقف امامي وحط ايده علي قلبي
وبدا جسمي يهتز بشدة زي الكهرباء
ولاقيت شفايفي مضمومة دخلت جوة بوقي ومش قادر اصرخ او اتكلم
فا غمضت عيني وقعدت افكر في شكل الصليب واستدعيت قوة يسوع المسيح
فا قعدت اتخيل شكل الصليب جامد جدا
لحد ما لاقيت الشيطان سابني وهرب
واختفي
ومن ساعتها مهوبش ناحيتي
لانه عارف ان بقوة صليب يسوع المسيح التي هي بداخلي
هدوس عليه تحت رجلي

وايضا الشيطان جربني بتجربة طول عمري
طبعا فيه ناس هتقول هو الشيطان ممكن يجرب ( هو ربنا مش هو اللي بيجرب )
ربنا مش بيجرب حد
واقروا الاية دي
لا يقل احد اذا جرب اني اجرب من قبل الله لان الله غير مجرب بالشرور و هو لا يجرب احدا (يع 1 : 13)

التجارب كلها بفعل الشيطان لانها بتكون غايتها انك تبعد عنه ويكرهك في علاقتك بيه
وانت لازم تفكر في كل ده
تعرف ان التجربة من الشيطان

المهم
التجربة اللي اتجربت بيها من صغري
هي كانت مضيقاني نفسيا
فا كنت بصرخ لله كل يوم حتي يمد ايده ويشفيني منها
فا اخويا لاقيته في يوم حكي ليا بيقولي
انا شفت حلم زي رؤيا ليك
قلتله ايه هو
قالي
صورة المسيح اللي عندك في الاوضة
وانا حاطط صورة نادرة للمسيح من الكفن المقدس فيها الوجه الحقيقي للسيد المسيح داخل اوضتي
هي نفس الصورة دي
بس زيادة عليها
في اسفلها موجود صورة وجه المسيح من الكفن

قالي
شفت ان فيه تعبان كبير رابطك داخل السرير ولافف عليك جلده بشكل مخيف
وانت مش عارف تتفك منه
فا لاقيت المسيح له كل مجد خرج ايده من الصورة اللي عندك ورشم الصليب علي الحية
والحية خرجت واتفكت واختفت
طبعا الموضوع مكنش صدفة
لان قبلها بيوم
بكيت طول اليل لربنا امام صورته وكنت بصرخ ليه بدموع
واقوله يارب تعبت خلصني يا مخلصي يسوع المسيح
فا الحلم كان في نفس الليلة
وعرفت ان ربنا حررني من قيود الشيطان الملعون
واشكر ربي والهي ومخلصي يسوع المسيح علي محبته من اجلي انا الخاطئ
الذي لا استحق ان ارفع وجهي امام نور وجهه المقدس
اشكركككك اشكركككككك اشكرككككككك يا ابويا الحبيب يسوع المسيح

المجد ليك يااااااااربي والهي ومخلصي يسوع المسيح
ليك وحدك المجد والبركة والعزة والسجود
الي ابد الابدين
امين
__________
ديفيد

شكرا على مشاركتنا لتجاربك المفيدة ،بس انا مش عارفة ليه الشيطان حطك فى دماغة ، أكيد بتعمل حاجات بتزعله منك ، يعنى بتصلى وبتقرأ فى الإنجيل وبتساعد وتخدم الناس وبتتناول كثير وأهم حاجة إن قلبك أبيض ، علشان ده بتزعل الشيطان خالص ، زى التواضع كده ما بيحرقه
ربنا معاك ويحفظك منه ويحفظ العالم ومصر وكل الناس آمين
ا

عضو ذهــــبي

ربنا يباركك ديفيد حروب الشيطان معايا ┼ ديفيد ┼ ونجاتي منها بقوة ربي والهي ومخلصي يسوع المسيح 355935

» بحبك ياربي والهي ومخلصي يسوع
» معجزة شخصية حصلت معايا ┼ ديفيد ┼بشفاعة القديسين العظماء ( القديس سمعان الخراز والقديس اندراوس الصموئيلي )
» جايبلكم وعظة رهيبة ونادرة للبابا شنودة بعنوان † حروب الشيطان † بجد وعظة تحفةةة اووووعي تفوت سماعهااااا وبانقي صووت
» الراهب والشجرة - كيف نستعين بقوة الله على الشيطان ( قصة جميلة جدااا لازم تقروها )
» معجزة شخصية حصلت معايا ( ديفيد ) بعنوان يد الله القوية انشرها لاول مرة في النت