هل مبسوط من حياتك ادخل عبر عن الللي جواك بدون حرج

هل مبسوط من حياتك ادخل عبر عن الللي جواك بدون حرج

وانا اول واحد هجاوب علي السؤال
طبعا مش مبسوط من حياتي
لان الله اثقل حياتي بمرارات كثيرة
ودايما ً شايف سواد في حياتي
ومش عارف ليه الله خلقني
هل كمالة عدد
ولا علشان يذل نفسي
صدقوني لو اقولكم
اني شفت مرارة الدنيا بحالها
ومفيش انسان شاف الللي انا شفته
لكن
دايما ًً بقول اكيد هييجي يوم هيحصل تغيير في حياتي
هل النهاردة
هل بكرة
هل بعد شهر
هل بعد سنة

لا اعلم ولكن عندي امل
لان لو هذا الأمل اتمسح فا اكيد مش هيبقي ليا حاجة اعيش علشانها
لان كل انسان لو سألته انت عايش ليه
هيقولك انا عايش علي امل يحصل كذا

ونفسي اسئل الله سؤال
ليه يارب بتشرب البني ادام المر في البداية
وبعد كدة بتشربه الحلو

نفسي اعرف ليه مش ندوق الحلو دايمااااااااا
ليه المر ورانا ورانا

التعب في الحياة لاسباب منه اولا تجارب تقوي مش تضعف زي يوسف الصديق ثانيا تجارب نتيجة خطايانا اللي احنا السبب فينا زي يونان في بطن الحوت و مفيش راحة الا جوا المسيح نفسة بالايمان و التسليم و العمل الايجابي لآن اليأس بيدمر و يضيع + ربنا يحافظ علينا من شيطان اليأس

اوقات بتيجي مصايب علي البني ادام
مش ليه يد او ذنب فيها
والتجربة علي اد ما بتعلم البني ادام
علي اد ما بتسيب اثر وجرح في نفسه وفي قلبه

لا اعرف انى مبسوطة ولا لا يوم اة ويوم لا يوم حلو ويوم مر هى دى الحياة لازم نمر بتجارب هل مبسوط من حياتك ادخل عبر عن الللي جواك بدون حرج 68082

فى العالم سيكون لكم ضيق ولكن ثقوا انا قد غلبت العالم هل مبسوط من حياتك ادخل عبر عن الللي جواك بدون حرج 68082

هل مبسوط من حياتك ادخل عبر عن الللي جواك بدون حرج 461823

بصراحه مش عرفه
بس ساعات احس انى مبسوطه خالص وانى مش عايزه اى حاجه تانى من الدنيا
وساعات بحس انى متضايقه جدددددددددددددا وبرضه مش عرفه السبب ايه
بس بيكون عندى امل انى فى حاجات حلوة هتحصلى
ودايما عندى ثقه ان ربنا شايفلى الصالح لى واللى انا فى نفس الوقت شابفاه وحش لى

احنا دايما نذوق المر أولا لان ربنا قال "ف العالم سيكون لكم ضيق لكن ثقول انا قد غلبت العالم "هو ده الامل اللى احنا دايما ممتمسكين بيه ف الدنيا

يا جماعه احب اقول لكم ان اصعب من انك تكون مبسوط اوغير مبسوط انك تحس بالظلم من اقرب الناس ليك سواء كانو الاهل او الزوج او الزوجه اوحتى الاخوات رغم انك خدوم جدا لكول هؤلاء الاشخاص والاحساس بالظلم دة شيى صعب جدا فبالتالى انا طبعا مدمر مش بس مش مبسوط وارجوكم صلو من اجلى لان دى اصعب مرحله مريت بها فى حياتى

انا مش عارف انا تقريبا فقدت ايمانى بعد تجربه مريره انهت على حياتى انا عارف انى بغلط كتير بس ربنا عاقبنى على حاجه انا كنت مظلوم فيها انا مش عارف ربنا بيسامح على الخطايا ولا بيخلص حساباته بشكل او باخر ازاى هو حنون وازاى سمح بكدة انا عارف انى خاطىء بس كنت اتعلمت كمان ان ربنا رحمته واسعه وملهاش حدود انا عايش بلا روح بلا امل بلا مبادىء بعد التجربه الصعبه جدا جداااااااا مش عارف اصلى مش عارف اتناول واخيرا امتنعنت عن الكنيسه

وليه ربنا يدوقنا المررررر
بلاش نقول ايات احنا مش فاهمنها
اية سيكون لكم ضيق
( دي ليها معني تاني ) انتم لسة مش هتعرفوه دلوقتي
لان هييجي اليوم الكنيسة هتضهد فيه
ودلوقتي الكنيسة امامنا ونقدر نروحها بكل حرية
لكن بكرة الكنيسة مش هنعرف نروحها للضيق اللي هيحدث لينا
ده معني الأية
ومش انا اللي مفسره بتفسيري الشخصي
كل شخص يروح يسأل اي اب كاهن
ويشوف هيقوله ايه
هيقوله نفس كلامي
لان ده تفسير اب كاهن للأية
تاني نقطة ليه اساسا ً ندوق المررررر
انا حكيلكم قصة
كنت في احد الاجتماعات
وابونا حكي قصة حقيقية حدثت
عن شخص حاول ينتحر اكتر من مرة
ورمي نفسه علي قضبان القطار مرتين
ولما ابونا راح للشخص في المستشفي
وسأله ليه عاوز ينتحر
رد عليه الشاب وقاله
انا قعدت احسبها واشوف هكون نفسي امتي
واجيب شقة امتي وهتجوز امتي
فاكتشف انه مش هيحدث كل ده الا لما يكون سنه 50 سنة
فا الدنيا ضلمت في وشه وبقي يدوق مرارة المو ت في كل لحظة
لحد ما قرر التخلص من حياته
وكان بطريقة عجيبة الله بينقذ هذا الشاب في كل مرة بيتخلص فيها من نفسه
صدقوووووووووني
وابونا بيحكي اتأثرت بشدة
ولاقيت الدموع في عيني وانا صعبان عليا هذا الشاب
ايه الجرم اللي عمله هذا الشاب ليدوق هذا المرررررر
ليه ربنا بيعمل كدة ؟

اوقات بحس ان كل شر بيحدث ليا
ربنا هو السبب فيه
ايه الفرق انه لا يجرب بالشرور
ويسمح بيها
ما في الحالتين ربنا شايف الشر بيقرب مني ومش عاوز يمنعه ؟
وييجي في الاخر يبعتلي الاداة اللي تخلصني من هذه التجربة
طيب ليه من الاول جربتني يا رب
علشان تعلمني حاجة
مهو كان ممكن اتعلم هذا الدرس بي اي وسيلة اخري
غير التجربة

شكرا ع تفسير الايه لانى فعلا مكنتش عارفه التفسير الصح بتاعها
وبالنسبه انا معرفش انا مبسوطه ولا لا احيانا ببقى مبسوطه جدا من حاجه رغم انها مش بتسبط لدرجه دى لكن علشان افرح نفسى وخلاص واحيانا ببقى متضايقه وشايفه ان الدنيا سودا من غير سبب مع انى لسه مش شفت من الدنيا اللى يخلينا اقول ع الدنيا مش حلوه ......
حقيقى سؤال محير انا مبسوطه من حياتى ولا لا

كلامكم خلانى افكر فى حال واحد قريبى شاب متزوج طيب وحنون على اخوتة بعد وفاة والدة ووالدنة ورزقة الرب بأربعة اطفال وكان شغال اعمال حرة وحب يعمل مشروع واستلف واتداين من الجميع وتم افتتاح المشروع ولكن المفاجأء ان المشروع فشل فشل كبير واضطر الى ان يمد يدة لكى يطعم اطفالة الصغار وتكاثر علية الديون ودخل فى متاهات لا حصر لها ويوميا يذعب الى المحل الذى فتحة وينتظر حتى يرسل لة الرب قوت اولادة ولكن بدون جدوى ومع ذلك لم ينسى ربة ودائم الدعاء الى الرب لكى يساعدة فى رزقة ولكن ------ وهو الان محطم ولا يعرف ماذا يفعل وزى ماقلت بالسابق فهو طيب وحنون والعكس بالعكس اقاربة المقربين جداااااااااااا وهم من النوع الذى لا يعرف طريق للكنيسة ولا كلمة الرب وهم فى نفس مهنتة والرزق اللهم لاحسد فى تزايد مستمر انا عاوز اعرف لية اللى مع ربنا تملى تعبان واللى ماشى فى طريق الغلط ربنا بيديلة بزيادة هو دة موش حرام ان الكويس تملى تعبان وتملى فى ضيقة

[size=24]يا استاذ ديفيد ومين مبسوط ف الحياة دي دة الي عايش بيقول انا مش عايش والشبعان بيقول انا مش شبعان وهكذا ااااااااااااالخ محدش مرتاح في الدنيا دي[/size]

برغم كل الظروفف والمواقف التى نتعرض لها لايوجد غير اجابة واحدة

نشكر ربنا

هي دي الدنيا يوم حلو ويوم مر بس لازم يكون ايمانا ديما قوي في ربنا لان الله محبة ومين قي الدنيا دي كلها يحبنا زي ربنا

انا مش عارفة اذا كنت مبسوطة ولا لاءا بس ساعات بحس انى احسن من غيرى بكتير قوى

بس ساعات كمان بحس انى حزينة جدا بحس انى تايهة ومش عارفة عايزة اية

وساعات بحس انى وحيدة في الدنيا احساس الوحدة دة صعب قوى

رغم انى عارفة انى ربنا معاى واقف جمبى بس ساعات مش بقدر ارفع عينى في ربنا

بكون مزعلة منى قوى وكل مارجعلة قولة سامحنى يارب برجع تانى وابعد عنة

نفسى ارتمى في حضن ابويا بابا يسوع وقولة سامحنى واغفر خطاياى وماتسيبنيش ابعد عنك تانى

وخلينى علطول في حضنك هل مبسوط من حياتك ادخل عبر عن الللي جواك بدون حرج 488283

هل مبسوط من حياتك ادخل عبر عن الللي جواك بدون حرج 488283

بحبك ياحبيبى يايسوع سامحنى انا الخاطى

ana moch 3arif

لقد تكلمت مع فتاة مريضة (بمرض السرطان) وسألتها هل هي سعيدة؟ أجابتني وهي تبتسم والبريق يملأ عينيها: نعم أنا جداً سعيدة ..... !.
هل إذا وجهت هذا السؤال إلى أي شخص يعيش حياة طبيعية دون مرض ستكون إجابته "نعم"؟!
فإذا طرح هذا السؤال على أي شخص، فسوف يختبئ وراء كثير من الصعوبات " المجتمع، الحالة الاقتصادية، الأهل....".
هل هناك شخص يتجرأ بالبوح بأنه سعيد؟ بل سيكون بنظر الناس شخصاً أنانياً لا يسعى سوى لمصلحته....
فلنجد حلولاً لنقول "نعم" أنا سعيد...
- أستطيع أن أقترب من السعادة عندما أقتنع بذاتي... عندما أصبح شخصية واحدة وأنصرف عن الاختباء وراء شخصيات لا تعرف من هي ولا لماذا اختبأت وراءها، فلنتجرأ على قول "أنا كما أنا" بضعفي وقوتي ومعرفتي وعجزي وعيوبي.
- كيف أستطيع قول أنا كما أنا؟ عندما يقبلني الناس كما أنا دون تصنع، ويحبوني ويضعون ثقتهم بي دون خوف، ويجدون أني أستطيع مساعدتهم في تلبية حاجاتهم وتحقيق أحلامهم، عندها فقط سوف نكتشف أننا لسنا فاشلين ولسنا بلا قيمة....
- من المستحيل أن أصل الهدف دون المرور بصعوبات كثيرة... ولكن بقدرتي وإيماني ويد أهلي وأصدقائي تربت على كتفي فسوف أصل إلى مبتغاي ... وعندما أكون سعيداً أستطيع نشر السعادة ورسم البسمةعلى شفاه الملايين من الناس.
- ويجب أن لا أنكر أن نظرة الآخرين لي تجعلني أكتشف قيمة نفسي وتسمح لي بأن أعيش بثقة.... كما أنا، وثقتي بالله تجعلني أكتشف أشياء جديدة فهو يحبني كما أنا... هل سأكون أكبر من الله ولا أحب نفسي.
- أن أكون سعيداً يكون بذلك باكتشاف أن حياتي لها معنى وأني أستطيع إعطاء الحياة للآخرين، أي أن أكون منفتحاً على الآخرين وعلى الكون دون خوف.
فإذا كانت تلك الفتاة المريضة سعيدة اليوم فمن الممكن أن تصبح حزينة غداً لأن سعادتنا تبقى هشة لكن بقوتنا وإيماننا بالله ومعاونة الأهل والأصدقاء نصل لتقبل الصعوبات لأن الله معنا ونستطيع تحدي الصعوبات من ظلم وقهر ومرض وحتى تحدي الموت بذاته.

بخصوص موضوع السيدة اللي عندها مرض الكانسر
فا احب اقولك يا anycool
انها هي راضيييية بهذا
وتستحمل زي ما هي عاوزة لانها عاوزة تاخد اكليل المرض وتدخل الفردوس
طبعا ً كل انسان حر في معتقداته
اللي عاوز يمرض ويتعب ويدوق الذل علشان يدخل الجنة
فا براحته يطلب المرض ويدوقه
لكن طريق الفردوس واسع
ويشمل طرق كثيرة
يعني المرض مش هو الطريق الوحيد لبلوغ الفردوس
وانا بصراحة ودي وجهة نظري وانا حر فيها
بري ان الله عندما يجرب الانسان بالمرض
فهذا ظلم منه
لانه لايعرف مقدار الالم الذي يذوقه الشخص المريض
وان كان الله قوي فيجرب المرض في نفسه مثل ما يجرب به البشر
ويري مدي الامهم ومعاناتهم
وبخصوص كلامك يا مسعد
هي دي الحقيقة
تمشي مع ربنا تتبهدل وتشوف الذل
تسيبيه تنبقي ناجح في حياتك
المفروض العكس ان اللي يمشي مع الله يكو ن ناجح
والللي بعيد يكون فاشل
ولكن ما اغرب ان تكون الصين اولي الدول الصناعية الكبري
والاغرب بانها لا تعبد الله
فكيف وصلت لهذا النجاح بدون الله
اتسأل وليس عندي اجابة لهذا السؤال
لانه يفوق عقلي

يا سيدي العزيز

اولا معني انها سعيده بالمرض لانه المرض دا من عند ربنا ودا في اعتقادها هي انها تجربه من عند ربنا عشان كدا هي سعيده لان ربنا بيجربها وكمان هي كانت تقدر تقول (اشمعني انا يارب اللي تخلي فيا المرض دا ) مثل معظم الناس واكيد احنا كنا منهم لما ربنا يعطينا تجربه في الحياه نقول ليه اشمعني انا عكس المراه المريضه لانها عندها ايمان بالسيد المسيح له كل المجد

علي فكره انا اسمي ميشيل أياد

anycool كتب:

يا سيدي العزيز
اولا معني انها سعيده بالمرض لانه المرض دا من عند ربنا ودا في اعتقادها هي انها تجربه من عند ربنا عشان كدا هي سعيده لان ربنا بيجربها وكمان هي كانت تقدر تقول (اشمعني انا يارب اللي تخلي فيا المرض دا ) مثل معظم الناس واكيد احنا كنا منهم لما ربنا يعطينا تجربه في الحياه نقول ليه اشمعني انا عكس المراه المريضه لانها عندها ايمان بالسيد المسيح له كل المجد
علي فكره انا اسمي ميشيل أياد

بص يا اخ مشيل
طالما الانسان مش اعترض علي تجربة المرض اللي ربنا بعتها ليه
فا بتستمر فيه
لكن
لو راح طلب الشفاء هيلاقيه
واكيد قريت معجزات كتير شفاء من مرض السرطان وامراض خطيرة
وسبق اني قلت كل انسان حر في معتقداته
الللي عاوز يدخل الفردوس بطريق المرض يطلبه

انا بقى كان ليى يد فى كسر قلبى سريعا ودمار حياتى فبداية خطوبتى ذهبت الى الدير وطلبت من اب كاهن ان يبارك هذا الارتباط ولكنه رفض فقلت فى داخلى هو الواحد وحش اوى كدا لدرجة ان الراهب مش عاوز يصلى لينا لقيته رد على علطول وكانه قراء افكارى قالى لأ يابنتى انتى اى واحد يجى يتقدم لك توافقى علطول مش تسألى عليه كويس انتى مش شايفاه كويس لكنى لم انصت وقلت ربنا بيغفر لكل الناس لية انا مغفرش ليه ماضيه وفعلا تزوجت منه ولكن بعد الزواج لقيته مش انسان وحش فى معاملته ولأنى كنت فى بلد اجنبية لااعرف فيها احد تحاملت على نفسى كثيرا لكن مع كثرة الاهانات والشتيمة والضرب اللى عمرى ماتعرضت لمثلها من قبل وبعد تهديده لى بالقتل اكثر من مرة حتى بعد رجوعى. وساعات كثيرة كنت ابكى للعذراء مريم انها تنجدنى وتنزلنى مصر وفعلا فى يوم كان ضربنى بشدة وانا كنت بخاف منه دايما فكنت بعمل اللى هو عاوزة حتى لو كان على كرامتى وادميتى ولو العذراء مريم انا مكنتش عرفت انزل مصر خالص لأنه لم يترك معى فلوس. ورغم انفصالى عنه إلا اننى بواجه مجتمع متخلف فى تفكيرة صحيح فى ناس كثيرة وقفت معايا منهم اب اعترافى وبعض السيدات المقربين جدا من ربنا وشجعونى على ابدا حياتى من جديد وبعد ماكنت بنظر للدنيا على انها انتهت بالنسبة لى بحاول احوله لنجاح ورغم انى معى بكالوريوس لكن بدرس شهادة بأشراف معهد المحاسبين بأمريكا وانا بمصر حتى اوسع فرص نجاحى والحصول على عمل محترم حتى اكون قادرة على الاعتماد على نفسى اكثر. فيه ناس كثيرة بينا طبيعتها الشخصية والعقلية بها قصور وخلل انا ساعات كتيرة كرهت طيبتى كنت ماشية على ان ربنا بيحب التواضع والانسان اللى بيغفر صحيح متغيرتش لكن على قول البابا تواضع مع حزم بساطة مع قوة الشخصية فعلى الرغم مع كل مامررت به لكن طلعت بتعاليم ودروس لايمكن كنت هعرفها او احسها غير لما مررت بها كنت ممكن فى الاول لما اسمع حاجة ذى كدا اقول طب هى اكيد عملت حاجه له جعلته يعمل كدا لكن بعد تجربتى الان اقول فعلا فيه ناس فى وسطتنا مش ادميين. ودا جعلنى اكون فاهمة وواعية لاى مشكلة بسمعها وان لا اخذها من الخارج واعمل نفسى قاضية . لكن فعلا من المهم جدا ان الانسان يخلق نجاحه بيدة فى كتاب اسمة ذا سيكرت ( السر) انصح الجميع بقراءته هو مترجم عربى اسم الكاتبة روندا بيوريكوا ان طريقة تفكيرنا ازاى بتغير حياتنا . رغم انى من وجه نظر الجميع ان فشلت و و و لكن تعلمت انى لا اتأثر بما يقال المهم انى اكون نفسى وبداخلى احساس ان ربنا معايا رغم عدم انصاتى له عندما تكلم على لسان الراهب . لكن انا الان بتعامل مع الجميع واللى مش حابب يتعامل معى يبقى هو ضعيف من داخله لكن انا فى طريقى . دا الملخص لان التفاصيل مزعكة جدا بالنسبة لى .شكرا . عشان كدا بقول لاى شخص شايف الدنيا سوده امامه حولها انت للدنيا اللى تكون حاببها كل ماهتفكر بطريقة ايجابية كل ماهتنجح حتى لو الظروف اللى حواليك صعبة حتى لو مافيش حد يقف بجانبك ويشجعك قف امام ربنا قله قله مافيش حد بيشجعنى شوف هيعمل ايه معاك . انا كنت فى احلك ايامى خاصة انى كنت بتعرض بتهديدات بالقتل لكن وقوفى امام ربنا وتماف ايرينى وكلامى معهم بصراحة بدون خوف كان كل شىء يمشى فى صالحى وليس ضدى . انا طولت عليكم لكن دى اول مرة من ساعة مانزلت مصر اتكلم فى الموضوع مع حد غير اهلى واب اعترافى.

انا بقى تعبانة نفسى حديقول لى ماذا افعل اهلى خلونى ارتبط بشخص مش حباة تمام زمش ادرة اخد موقف ادام اهلى وانا عن نفسى مترددة جدا ومش عارفة الصح من الغلط حاسة ان الدنيا بتكتب ليا ان اعيش مستقبل حزين مع شخص حاسة ان هتحمل ذنبة لانة حبنى جدى وانا مش ادرة ابادلة نفس الحب صداونى انا فى نار ربنا لوحدة يعلم بيها بس انا الغلطانة فى الاول وفى الاخر انا عارفة لان مهما تكون الاسباب لازم اخد موقف من اهلى بس مش ادرة مشش عارفة لية نفسى حد يقول لى لماذا انا بفعل كل هذا فى نفسى

novanova كتب:: انا بقى كان ليى يد فى كسر قلبى سريعا ودمار حياتى فبداية خطوبتى ذهبت الى الدير وطلبت من اب كاهن ان يبارك هذا الارتباط ولكنه رفض فقلت فى داخلى هو الواحد وحش اوى كدا لدرجة ان الراهب مش عاوز يصلى لينا لقيته رد على علطول وكانه قراء افكارى قالى لأ يابنتى انتى اى واحد يجى يتقدم لك توافقى علطول مش تسألى عليه كويس انتى مش شايفاه كويس لكنى لم انصت وقلت ربنا بيغفر لكل الناس لية انا مغفرش ليه ماضيه وفعلا تزوجت منه ولكن بعد الزواج لقيته مش انسان وحش فى معاملته ولأنى كنت فى بلد اجنبية لااعرف فيها احد تحاملت على نفسى كثيرا لكن مع كثرة الاهانات والشتيمة والضرب اللى عمرى ماتعرضت لمثلها من قبل وبعد تهديده لى بالقتل اكثر من مرة حتى بعد رجوعى. وساعات كثيرة كنت ابكى للعذراء مريم انها تنجدنى وتنزلنى مصر وفعلا فى يوم كان ضربنى بشدة وانا كنت بخاف منه دايما فكنت بعمل اللى هو عاوزة حتى لو كان على كرامتى وادميتى ولو العذراء مريم انا مكنتش عرفت انزل مصر خالص لأنه لم يترك معى فلوس. ورغم انفصالى عنه إلا اننى بواجه مجتمع متخلف فى تفكيرة صحيح فى ناس كثيرة وقفت معايا منهم اب اعترافى وبعض السيدات المقربين جدا من ربنا وشجعونى على ابدا حياتى من جديد وبعد ماكنت بنظر للدنيا على انها انتهت بالنسبة لى بحاول احوله لنجاح ورغم انى معى بكالوريوس لكن بدرس شهادة بأشراف معهد المحاسبين بأمريكا وانا بمصر حتى اوسع فرص نجاحى والحصول على عمل محترم حتى اكون قادرة على الاعتماد على نفسى اكثر. فيه ناس كثيرة بينا طبيعتها الشخصية والعقلية بها قصور وخلل انا ساعات كتيرة كرهت طيبتى كنت ماشية على ان ربنا بيحب التواضع والانسان اللى بيغفر صحيح متغيرتش لكن على قول البابا تواضع مع حزم بساطة مع قوة الشخصية فعلى الرغم مع كل مامررت به لكن طلعت بتعاليم ودروس لايمكن كنت هعرفها او احسها غير لما مررت بها كنت ممكن فى الاول لما اسمع حاجة ذى كدا اقول طب هى اكيد عملت حاجه له جعلته يعمل كدا لكن بعد تجربتى الان اقول فعلا فيه ناس فى وسطتنا مش ادميين. ودا جعلنى اكون فاهمة وواعية لاى مشكلة بسمعها وان لا اخذها من الخارج واعمل نفسى قاضية . لكن فعلا من المهم جدا ان الانسان يخلق نجاحه بيدة فى كتاب اسمة ذا سيكرت ( السر) انصح الجميع بقراءته هو مترجم عربى اسم الكاتبة روندا بيوريكوا ان طريقة تفكيرنا ازاى بتغير حياتنا . رغم انى من وجه نظر الجميع ان فشلت و و و لكن تعلمت انى لا اتأثر بما يقال المهم انى اكون نفسى وبداخلى احساس ان ربنا معايا رغم عدم انصاتى له عندما تكلم على لسان الراهب . لكن انا الان بتعامل مع الجميع واللى مش حابب يتعامل معى يبقى هو ضعيف من داخله لكن انا فى طريقى . دا الملخص لان التفاصيل مزعكة جدا بالنسبة لى .شكرا . عشان كدا بقول لاى شخص شايف الدنيا سوده امامه حولها انت للدنيا اللى تكون حاببها كل ماهتفكر بطريقة ايجابية كل ماهتنجح حتى لو الظروف اللى حواليك صعبة حتى لو مافيش حد يقف بجانبك ويشجعك قف امام ربنا قله قله مافيش حد بيشجعنى شوف هيعمل ايه معاك . انا كنت فى احلك ايامى خاصة انى كنت بتعرض بتهديدات بالقتل لكن وقوفى امام ربنا وتماف ايرينى وكلامى معهم بصراحة بدون خوف كان كل شىء يمشى فى صالحى وليس ضدى . انا طولت عليكم لكن دى اول مرة من ساعة مانزلت مصر اتكلم فى الموضوع مع حد غير اهلى واب اعترافى.

كلامك جميل يا نوفا
واتعلمت منه كتير
لكن لما تصرخي لله وكل القديسين
ومحدش ينجدك فيهم
لما ر بنا يقول من يقبل اليا فلا اخرجه خارجا ً
وتروحي لله ويقفل الباب في وشك
لما الدنيا تقفل بابها في وشك
وتلاقي شيطان الفشل واليأس وراكي

تعملي ايه ؟

» برنامج خرائط مصر من اجمل البرامج الللي ممكن تشوفها ادخل خد فكرة عن البرنامج
» لو كارة حياتك ادخل هنا!
» بلد مؤسس الرهبنة بدون مسيحيين وعزبة "سعد الدين" بدون كنيسة
» حصريا علي منتدي البابا كيرلس♪♥ ترنيمة نهديك مجدا ♪♥ اجمل ترنيمة ممكن تسمعها في حياتك ادخل واسمعها ومش هتبطل تسمعها وعلي سرفرات مباشرة
» مبسوط يا سيدى يلا عشان تلحق عشيه عيدى

هل مبسوط من حياتك ادخل عبر عن الللي جواك بدون حرج

هل مبسوط من حياتك ادخل عبر عن الللي جواك بدون حرج :: تعاليق

هل مبسوط من حياتك ادخل عبر عن الللي جواك بدون حرج

مواضيع مماثلة

مواضيع مماثلة