هل مبسوط من حياتك ادخل عبر عن الللي جواك بدون حرج

هل مبسوط من حياتك ادخل عبر عن الللي جواك بدون حرج

انا انسانة وبقيت محبطة او بمعنة اصح انا حسة انى بقيت كايبة لاانى عندى مشكلة ةكل شوية بصلى وبتكلم مع بابايسوع بس حسة انى مش بيسمعنى لاانى عملت خطايا كتير مش عرفة اعمل اة ممكن ترد عليا يااستاذ ادمون ممكن انا بتحك مع اصحابى بس محدش يعرف اة الى جويا لاانى مينفعش اتكلم مع حد

انا مش ببقي مبسوطة دايما لكن حزني قليل مش كتير لاني بتغلب عليه
وعندي ليكم نصيحة لما تقابلوا موقف صعب فكروا في اسوء الحالات وقولوا هتعدي وبس
وهي فعلا هتعدي من عير ما توصل لاسوء الحالات ان شاء الله وده هل مبسوط من حياتك ادخل عبر عن الللي جواك بدون حرج - صفحة 3 288273

هل مبسوط من حياتك ادخل عبر عن الللي جواك بدون حرج - صفحة 3 288273

هيخفف عندكم بجد
انا مجربة ده كتير

dodo dodo كتب:: انا انسانة وبقيت محبطة او بمعنة اصح انا حسة انى بقيت كايبة لاانى عندى مشكلة ةكل شوية بصلى وبتكلم مع بابايسوع بس حسة انى مش بيسمعنى لاانى عملت خطايا كتير مش عرفة اعمل اة ممكن ترد عليا يااستاذ ادمون ممكن انا بتحك مع اصحابى بس محدش يعرف اة الى جويا لاانى مينفعش اتكلم مع حد

بصي يا دودو
مفيش انسان معندوش مشاكل
والمشاكل بتختلف من انسان لاخر
لكن هقولك حاجة تحطيها حلقة في ودنك
مهما عملتي خطايا فا ربنا رحيم جداااااااا
وبيسمعك
عارفة افتكري كلام ربنا لما قال
انا لم اتي لاصحاء وابرار بل مرضي وخطاه
تفتكري لما تكوني عيانة بتعملي ايه
بتصرخي وتقولي اه من الوجع والمرض وتروحي للطبيب
الطبيب هو ربنا ضابط الكل
لما تروحي وتصرخي من قلبك وتتكلمي معاه بدون تكليف وتشكيله وجعك
ربنا هيقول كلمة واحدة وتبرئي من كل علة والم فيكي
صدقيني الشك اللي بييجي في عقلك ان ربنا مش هيسمعك كل دي اوهام من صنع الشيطان
بيخليكي تيئسي من الكلام مع ربنا ومش تقربي من الله
ربنا بيحب اللجاجة
يعني انك مش تستستلمي وتتكلمي معاه مرة واتنين وتلاتة
لو فاكرة قصة الفلاح الفصيح اللي كان عنده شكوي
فا بدأ يبعت الشكوي كذا مرة وكانت بتوصل للملك لكنه مكنش بيرد عليه
فا في الاخر لما ذهب للملك وسئله
اتفاجئا ان رسايله كلها كانت الملك بيقراها
ولكن مكنش بيرد عليها علشان كان كل رسالة بيبعتها كانت بتحتوي علي معاني والفاظ جميلة بتعبر عن شكواه
فا ربنا بيحب تطلعي كل حاجة جواكي تصرخي ليه
وصدقني استجابته سريعة لو امنتي زي ما بتتكلمي مع اصحابك
لو امنتي ان ربنا قدامك وتتكلمي معاه زي ما بتتكلمي ما اصحابك ومش عايزة الوقت يخلص من الكلام معاه
صدقيني وقتها هتحسي بيد الله في حياتك قوية
وهتحسي بده فعلا وبوضوح
ربنا يتدخل في حياتك ويكون معاكي
صلوات العدراء والقديسين تكون جنبك

يوكابا كتب:: انا مش ببقي مبسوطة دايما لكن حزني قليل مش كتير لاني بتغلب عليه
وعندي ليكم نصيحة لما تقابلوا موقف صعب فكروا في اسوء الحالات وقولوا هتعدي وبس
وهي فعلا هتعدي من عير ما توصل لاسوء الحالات ان شاء الله وده هيخفف عندكم بجد
انا مجربة ده كتير

عندك حق يا يوكابا لان زي ما ربنا بيسمح بالتجربة زي ما بيسمح بالتعزية اللي بيبعت فيها يده القوية اللي بتنتشل الانسان من الضيعة ومن التجربة وتقويه

صدقونى ربنا حنبن وطيب جدا بس من كتر الخطايه اللى احنا بنعملها مش حسين بيه ومش حسين بحبه لينا انا سعات بحس نفسى مخنوقه ااااااااااوى واتمنى انى اموت دلوقتى ومعرفش اعمل ايه فاانا قلت للاب الكاهن الكلام ده قلى لما تحسى نفسك مخنوقه قومى وصلى لربنا وشوفى نفسك هتحسى بايه بعد ماصليت صدقونى حسيت نفسى فرحانه اوى اوى ربنا بيحب الانسان لما ينده عليه ويقوله ارحمنى يايسوع ربنا يجرى عليه ويقوله ماتخفش انا معاك اللى نفسه مايبقاش مخنوق يقرب من ربنا اكتر ويقعد ويتكلم معاه صدقونى مش هيحس بضيق خالص

ربــــــــــنا يـــــــنور حـــــــــــــيـــاتــــــكــــــم ويـــــــــكون مــــعــاكم

انا الحمد الله عندى كل حاجه اى بنت فى سنى ممكن تحلم بيها هى عندى بس برده بس انى فى حاجه من جوايا بتقولى انى احزن بس مش عارفه اتغلب عليها ازى بجيب نكت من على النت وحولت انى اعمل اللى يوكابا قالت عليابس برده حسه بكاب من جوايا مش عارفه ليه

لانك حابسة نفسك في قمقم يا اميرة
شاركي في خدمات في الكنيسة
اخرجي مع اخواتك واصحابك
وانتي تحسي بالدنيا وبجمالها
فا لانك مش بتعملي اي حاجة فا بتحسي بخنقة وبكأبة وان الدنيا سوداء في عينك
فا زي ما بقولك ودي نصيحتي ليكي
اخرجي وشوفي الدنيا واشتركي في نشاطات في الكنيسة

وقت شكوكي الاقيك بتجيني - اصرخ ليك وانت تنجيني
الق مشاعري دافية في حضنك مانت الحصن اللي بيحميني

دايما شهواتي بتخدعني متسبنيش يا بويا ارفعني
وقت الضعف الاقي ايدك من قلب الطين بتطلعني
كل جيوش ابليس حواليا لكن ربي مسك بي ايديا
انا مش خايف لكن شايف ربي حبيبي فتحلي عينيا
عارف اني عايش في عنادي وفي عينك زودت فسادي
لكن جايلك طالب وجهك بعد ما ضاقت بيا يا فااااااااادي

اصعب حاجة انك تعيش الحياة وانت جواك ميت

نفسى ابكى نفسى اصرخ نفسى اشكى نفسى اقول بصوت عالى غيرنى يا يسوع
انقذنى انفذنى من العالم انقذنى من نفسى انفذنى من شهواتى
نفسى اكون ابن حقيقى ليك والناس تشاور عليا ويقولوا هو ده ابن المسيح
نفسى اكون شبهك نفسى اكون خليقه جديده نفسى اخلع الانسان العتيق والبس الانسان الجديد
نفسى اكون واحد تانى الايام بتمر وانا لسا زى ما انا

dody كتب:: اصعب حاجة انك تعيش الحياة وانت جواك ميت

نفسى ابكى نفسى اصرخ نفسى اشكى نفسى اقول بصوت عالى غيرنى يا يسوع
انقذنى انفذنى من العالم انقذنى من نفسى انفذنى من شهواتى
نفسى اكون ابن حقيقى ليك والناس تشاور عليا ويقولوا هو ده ابن المسيح
نفسى اكون شبهك نفسى اكون خليقه جديده نفسى اخلع الانسان العتيق والبس الانسان الجديد
نفسى اكون واحد تانى الايام بتمر وانا لسا زى ما انا

انا هقولك حاجة وانا مؤمن بيها
لان اللي بتمري بيه
سبق اني مريت بيه وكنت بتمني الموت
وكنت حاسس اني ماليش لزمة في الدنيا واني كمالة عدد
وان ربنا مش مهتم باصلاحي او حتي اني اتوب
لكن وجدت ان الشيطان هو من يقوم بكل هذا
يضربني باليأس والخوف والكراهية والغضب
ليجعلني شخص منبوز لا اطيق الحياة او حتي النفس الذي اتنفسه

ولكني عندما فتحت يدي بثقة وبنقاء قلب الي الله
وكلمته وشكيتله همي واني تعبان
وقلتلته يارب انت قلت القي علي الرب همك وانا اريحك
وانا جيلك يا طبيب البشر علشان تشفيني من امراضي كلها
انا ضعيف يارب ومهما حاولت اصلح نفسي فا اقع
فا ياررب افتكر لما الطفل الصغير بيحاول يمشي بيفضل يقع
لحد ما ابوه يسنده ويمسك ايده ويفضل ماسك ايده لحد ما يقف علي رجله
ومش بيسيبه ابوه غير لما يتاكد انه قدر يقف علي رجله ومش هيقع تاني

وانا ابنك يارب ومحتاج ايدك تسندني وتقومني من سقطتي
فانا يارب بصرخ اليك بنقاء قلب وبدموعي يارب
اعني وارحمني انا الحقير اللي مسواش اكون ابن ليك
لان كل ولادك صالحين
اما انا فابن عاق
ساعدني يارب مد ايدك الحنونة وساعد عبدك الضعيف وقويه وفيض بروحك المقدسة في حياته وطهره من كل نجاسة وشر وخطية
صدقيني وقتها لما روحت اعترفت واتناولت لاقيت ربنا فاتح ليا ايده وحسيت ببببجد مش كلام بقرب ربنا
لان الخطية كانك لابسة نضارة وهي متربة مش هتشوفي قدامك
لكن لما تنضفي النضارة الاول
هتشوفي كويس الله
ربنا معاكي وجنبك والقديسين محاطينك
وصلي لربنا بقلبك وبدموععك
وربنا هيملي عليكي حياتك وهيشيل كل مر في حياتك
ربنا يفرج ضيقتك ويعطيكي ما تتمنيه

اميييييييييييييييييييين
اذكرنى في صلوتك
وصلي من اجل ضعفى

dody كتب:: اميييييييييييييييييييين
اذكرنى في صلوتك
وصلي من اجل ضعفى

صدقيني انتي جواكي قوة عظيمة ولا تسمحي للشيطان انه يقولك انك ضعيفة
جواكي قوة الايمان
ولو امنتي بكلام المسيح
صدقيني هينجيكي من كل شر وهيعطيكي سعادة وراحة بال وحب الناس ليكي
كلمي ربنا واقري من الكتاب المقدس
وانتي هتشوفي ربنا
وافتكري الاية
طوبي للانقياء القلب لانهم يعاينون الله
طول مانتي قلبك ابيض وبتكلمي ربنا بدموعك وقلبك
هتشعري في كل لحظة بي ايده في حياتك ومش هيسمح لشر يمسك صدقيني
صلوات العدراء والقديسين جميعا تكون معاكي وتنور حياتك
امين

اننى خاطى منذ اعوام لا تحصى لم يمنع الرب عنى خيراته اعطانى فرص التوبه وقدمتها وتناولت لكنى لا اشعر بيج الله وبركته فى عملى

بصراحه اريد جموع ولا اجدها . طلبت من الرب توبه وغفران واتناول واخرج بعد التناول بالرلحه وسـرعـان ما اشعر كما قلت لا بركه ولا نعمه ز

طلبت من الرب ان يتمجد معى فى عملى ولدى شــركه مع اثنين وهناك تعثر فى العمل وطلبت مالا من الرب لانه يفتح ولا احد يغلق وعلى الاقل ســترة مصـاريف العائله وبركه العمل لمجد اسم الرب بصلوات البابا كيرلس وحبيبه مارمينا والشهيد البطل مارى جرجس

اريد ملكوت الله . ارشــدونـى

صلوا لا جلى

faiz كتب:: اننى خاطى منذ اعوام لا تحصى لم يمنع الرب عنى خيراته اعطانى فرص التوبه وقدمتها وتناولت لكنى لا اشعر بيج الله وبركته فى عملى

بصراحه اريد جموع ولا اجدها . طلبت من الرب توبه وغفران واتناول واخرج بعد التناول بالرلحه وسـرعـان ما اشعر كما قلت لا بركه ولا نعمه ز

طلبت من الرب ان يتمجد معى فى عملى ولدى شــركه مع اثنين وهناك تعثر فى العمل وطلبت مالا من الرب لانه يفتح ولا احد يغلق وعلى الاقل ســترة مصـاريف العائله وبركه العمل لمجد اسم الرب بصلوات البابا كيرلس وحبيبه مارمينا والشهيد البطل مارى جرجس

اريد ملكوت الله . ارشــدونـى

اخي الحبيب
كلنا خطاه
ولكن لابد انك تعلم شيئ
ان كنا جميعنا خطاه
ولكن لينا رجاء
وهحكيلك قصة
القصة دي حقيقية سمعتها من كاهن في اجتماع
كان هناك راهب احب ان ياخذ مكن بعيدا ويجلس وحيدا ليمجد الله ويكرز حياته ونفسه لله دون ان يري بشر
المهم
الشيطان حسد هذا الراهب
حسد قوة ايمانه
فا احب ان يسقطه
فا تحول الي امراءة وذهب اليه وبعد محاولات سقط هذا الراهب في الخطية
وكان الراهب
بعد ان يفوق من غفلته
كان يبكي بكاء مرررررر
لدرجة ان الارض اللي اسفله
كانت تتحول لطيييين من كتر الدموع التي كانت مثل الشلالات
واستمر الشيطان يحاربه 18 عام
وكان الراهب كل ما يسقط في الخطية يجري جري علي ربنا ويبكيييي ويسكب نفسه امام الله ويزيد صلاته وسجوده لله
المهم
بعد مرور 18 عام
الشيطان جاله بشكله الحقيقي
قاله
مزهقتش 18 عام اوقعك في الخطية
وانت تروح لربنا
ايه مش عندك وش
مش خجلان انك تقف قدامه وانت ملوث
فقال له الراهب
انا اكيد خاطئ ولا انكر هذا
لكني ليييييي رجااااااااااااااء في الله
الذي مهما سقطت اقوم ويكون لي رجاء في الله الذي يمدني بالقوة والعون
وعندما سمع هذا الشيطان كلام الراهب تركه

لو تأملت القصة دي
هتعرف ان اعظم شيئ هو انك يكون ليك رجاءء في الله
يعني ايه رجاء ؟
الرجاء انك تكون علي ايمان قوي ان ربنا مستحيل تطرق بابه ويقفله في وشك
رجاء امل في الله
وعايز اقولك الشيطان لما بيوقع الانسان في الخطية
يروح يفهمه ان ربنا مش هينظر ليه
او حتي هيسمعه لانه وسخ بالخطية
ولما الافكار دي تيجي في حياتك
قول بكل قوة وبصوت عالي
ياااااااااااارب
انت قلت
انا لم اتي لاصحاء بل مرضي
والمريض مهما بيمرض
بيروح فيييييين
بيروح عند الطبيب الشافي
يا الله الحنون

للان مهما الشخص حاول يداوي نفسه
لن يكون مثل دوائك يا طبيب البشر
كلم ربنا كدة ومتنكسفش
كللمه بدموع
عارف يعني ايه تكلمه بدموع
يعني لما الانسان بيفيض بيه
بيعمل ايه
بيصررررخ من وجعه وبدموعه
اصرخ ليه بدموعك
وصدقني هتشوف ايد الله وقتها
صدقني مش كلام بقوله ليك
لاني ياما مريت بحالتك دي
وصدقني الحياة من غير ربنا مش حلوة
زي الحياة معاه
وانت معاه هتحس بسعاد
ة عمرك
ما حسيت بيها في حياتك دلوقتي
ربنا يرحمنا جميعا
ويعطيك ما تتمناه
ويبارك حياتك
وصلوات العدراء والقديسين معاكي

faiz كتب:: صلوا لا جلى

صلوات العدراء والقدديسين تكون معاك

وعايز اقولك ربننا بيحب اللجاجة
يعني تروحله مرة واتنين وتلاتة
وبص
اقرا القصة دي في الانجيل
وهتفهم قصدي
ايمان المراة الكنعانية ( مر 7 : 24 - 30 )
21- ثم خرج يسوع من هناك و انصرف الى نواحي صور و صيدا.
22- و اذا امراة كنعانية خارجة من تلك التخوم صرخت اليه قائلة ارحمني يا سيد يا ابن داود ابنتي مجنونة جدا.
23- فلم يجبها بكلمة فتقدم تلاميذه و طلبوا اليه قائلين اصرفها لانها تصيح وراءنا.
24- فاجاب و قال لم ارسل الا الى خراف بيت اسرائيل الضالة.
25- فاتت و سجدت له قائلة يا سيد اعني.
26- فاجاب و قال ليس حسنا ان يؤخذ خبز البنين و يطرح للكلاب.
27- فقالت نعم يا سيد و الكلاب ايضا تاكل من الفتات الذي يسقط من مائدة اربابها.
28- حينئذ اجاب يسوع و قال لها يا امراة عظيم ايمانك ليكن لك كما تريدين فشفيت ابنتها من تلك الساعة.

إخوتى الأحباء : كلنا نتمنى السعادة والفرح ، عاوزين نتدرب كلنا على الفرح الدائم ، أولاد ربنا فى فرح باستمرار مهما حصل مهما مروا بتجارب أو ضيقات ، من ضمن أسرار السعادة عبارة "لتكن مشيئتك" لو صليناها فعلاً من كل قلوبنا هنحس بالسعادة والفرح والرضا ، يعنى لو فيه حد ليه طلبة ملحة وإحتياج شديد لشىء معين وبيصلى كثير من أجل الطلبة دى وبعدين صلى من قلبه : لتكن مشيئتك ، يعنى إللى إنت عاوزه يا رب هو إللى يكون مش إللى أنا عاوزه ، لتكن لا إرادتى بل إرادتك ، يعنى أنا هاتنازل عن مشيئتى وهاتنازل عن رغبتى الملحة وهاطلب مشيئة ربنا ، ساعتها هاتضايق ليه ، ما أنا لما صليت من قلبى لتكن مشيئتك قدرت أتنازل عن طلبتى الملحة وطلبت مشيئة ربنا ، خلاص ، طلبتى ما إتحققتش يبقى ربنا مش عاوز يحقق لى طلبتى على الأقل فى الوقت الحالى خلاص لتكن مشيئته هو ، أنا هاستسلم لإرادته هو علشان كده هاعيش مبسوط ، فعلاً ده سر خطير من أسرار السعادة ، صلى من كل قلبك : لتكن مشيئتك يا رب .

طبعا مبسوطة مبسوطة لان ربنا موجود معاية ومش بيسبني ابدا

يا جماعة مفيش احسن من حياة الشكر لان الله رحوم ورؤف وعطاياه عظيمة فى كل صباح

اشكرك ياربى يسوع المسيح على كل عطاياك

ربنا هو صانع الخيرات ، وكل أعماله صالحة ، الله يريد أن جميع الناس يخلصون وإلى معرفة الحق يقبلون ، أهم حاجة عند ربنا هى خلاص نفوسنا ، عاوزنا نفرح على طول فى الأبدية السعيدة فى السما مش نفرح أفراح وقتية زائلة فى الدنيا وبعدين نندم ونتعذب للأبد ، الذى يحبه الرب يؤدبه ، فلابد أن نقبل التأديب برضى وفرح لأن هو ده إللى هيردنا لربنا ، كل واحد سيأخذ أجرته بحسب تعبه ، فلابد أن نتعب ونجتهد لكى ننال الأكاليل لأنه مفيش صليب من غير إكليل ، الصليب والألم هو إللى هيدخلنا السما ، زى القصة الرمزية إللى دايماً بنسمعها فى عبد الصليب : إنه كل الناس إللى ماشية فى طريق ربنا الكرب وكل واحد شايل صليبه وبيئن وبيعانى من حمل الصليب الثقيل ، ففى واحد إتذمر على حمل الصليب ومن ثقله فقال أنا صليبى ثقيل قوى مش قادر أشيله وراح مطلع المنشار وقطع منه حتة وبعد ما مشى شوية قال أنا صليبى لسة ثقيل وراح مطلع المنشار وقطع منه حتة كمان ، وفضل كل شوية يتذمر على حمل الصليب وثقله ويقطع منه لحد ما عدوا على هوة سحيقة فكل واحد حط الصليب بتاعه وعدى عليه للناحية التانية وأما إللى إتذمر على الصليب وقطع منه لقى صليبه صغير ومش ممكن يعديه للناحية الثانية فندم أشد الندم ، إللى يعبر الهوة السحيقة دى بيعبر من الموت إلى الحياة أو من الأرض إلى السماء ، الصليب إللى بنعانى منه على الأرض هو نفسه إللى هيدخلنا السما ، على أد ما تتعب وتجاهد على الأرض على أد ما تفرح وتتعزى وتاخد أكاليل كثير فى السما ، لأن ربنا ليس بظالم حتى ينسى تعب المحبة ، ده حتى كوب ماء بارد لا يضيع أجره ، إحسبوه كل فرح يا إخوتى حينما تقعون فى تجارب متنوعة

إخوتى الأحباء : أنا بأكلمكم عن مستوى آخر فى العلاقة مع الله ، مش بأصلى بلجاجة ولا بإلحاح فى الطلب لأنى سلمت حياتى لربنا لما صليت من قلبى : لتكن مشيئتك ، فتنازلت عن طلبتى وتنازلت عن إلحاحى وقلت له : لتكن مشيئتك عن ثقة فى ربنا إنه ضابط الكل ومفيش حاجة هتحصل إلا بإذنه ، وهو إللى بيدبر الكون كله وبيديره على أحسن ما يكون مش هيعرف يدبر لى حياتى أنا الصغير ، وإحنا بنصلى فى القداس ونقول له : دبر حياتنا كما يليق ، فعلاً مفيش حد بيحبنا زى ربنا ، هو هيعمل الصح ، هو هيعمل إللى فيه الخير ، حتى لو سمح لنا بالتعب والألم هيكون للخير ، من اجل نمونا روحياً وزيادة خبرتنا ، من أجل خلاص نفوسنا ، ثق فى محبة الله اللا نهائية ، ثق فى حكمة الله اللا نهائية ، ثق فى قدرة الله اللا نهائية ، يبقى إحنا نطمن خالص فى ظل محبة ربنا وقدرته وحكمته ، صدقونى هيدبر خلاصنا ، مفيش داعى نستعجله فى أى أمر ، حكمته فائقة لكل تصور ، الوقت المناسب هو بس إللى عارفه لأنه شايف المستقبل إللى أنا مش شايفه ، الماضى والمستقبل عنده سواء ، يبقى أنا هاقلق ليه ، وأزعج نفسى ليه ، وأفقد سلامى ليه ، ما هو إللى هيدبر كل حاجة ، هى دى السعادة إللى فى الإيمان بربنا ، الإيمان مش إنى أصلى فتحصل معجزة وبإيمان مثل حبة خردل ينقل الجبل ، لأ ، الإيمان هو الثقة فى ربنا ، كنت بأتكلم مع واحد فقال لى : بس أنا إيمانى ضعيف ، فقلت له : مين قال كده ، هل تؤمن إنه قادر على كل شىء ؟ قال : آه ، هل إنت متأكد من محبة ربنا ليك ؟ آه ، هل إنت متأكد من حكمة ربنا ؟ آه ، إذن إنت عندك إيمان بربنا ، وإيمانك قوى مش ضعيف لأنك متاكد تماماً من قدرة ربنا ومحبته وحكمته ، الشيطان بيحاول يشككنا فى ربنا ، وبالأخص يشككنا فى محبته لينا علشان يفقدنا فرحتنا وسعادتنا وسلامنا ، مع إن الله بين محبته لنا لأنه وإذ نحن بعد خطاة مات المسيح لأجلنا ، هكذا أحب الله العالم حتى بذل إبنه الوحيد لكى لا يهلك كل من يؤمن به بل تكون له الحياة الأبدية ، وآيات كتير قوى بتتكلم عن محبة ربنا الغير محدودة فصفات ربنا كلها غير محدودة ، يكفى إنك تحس إنك محبوب من ربنا هتحس بالسعادة ، ده الواحد لما يلاقى إنه محبوب من أى شخص بيبقى فرحان ، ما بالك بإحساسك بالفرح والسعادة لما تعرف إن ربنا ملك الملوك ورب الأرباب بيحبك ومش أى محبة ، محبة أبدية يعنى محبة لا نهائية ، جايز تقول لى ده كلام نظرى لكن عند المحك أو فى وقت الزنقة وفى وقت الضيق الواحد بيفقد الفرح وبيتضايق فيبقى الفرح غير دائم أو تقول مادام ربنا سمح لى بالألم والحزن يبقى مش بيحبنى ، مادام ربنا لم يستجيب لطلباتى يبقى مش بيحبنى ، غير صحيح بدليل إن الأب إللى بيدلع إبنه وبيجيب له كل إللى هو عاوزه بيفسده ويبوظ شخصيته نفس الحكاية مع ربنا الحاجة إللى مش هتفيدنا مش بيستجيب لنا فيها ، فبلاش نعمل زى الأطفال الصغيرة ونشبط فى حاجات ونلح فى طلبها والطفل الصغير مش قادر يفهم إن طلباته إللى بيلح على تنفيذها من أبوه ممكن تؤذيه فعلاً ، لكن لو الطفل صدق إن أبوه أحسن أب فى الدنيا وإن أبوه بيحبه جداً مش هيلح فى طلب أى حاجة خالص ، ده ممكن ما يطلبش حاجة خالص لو عرف إن أبوه من غير ما يطلب يبص يلاقيه بيجيب له كل إللى هو عاوزه يعنى على سبيل المثال وليس الحصر من قبل ما الطفل يجوع يلاقى أبوه جايب له الأكل ، ربنا كده بس أبونا الأرضى ممكن يغلط أو ينسى أو يتأخر لكن أبونا السماوى ما بيغلطش وما بينساش ومش بيتأخر وفى أنسب وقت بيستجيب ، الله يعرف أنكم تحتاجون إلى هذه كلها ، "ويكون قبلما يدعون أنا أجيب وفيما هم يتكلمون بعد أنا أسمع" (أش24:65) ده ممكن ربنا يحقق لك أكتر من إللى كنت بتتمناه لنفسك وأفضل لأن الله " القادر أن يفعل فوق كل شىء أكثر جداً مما نطلب أو نفتكر "

مش عارفه ساعات احس انى طايره من الفرح وانى اسعد انسانه فى الدنيا
وسعات العكس انى مضايقه وانى ربنا نسى يشملنى برحمته
بس اعتقد ان هى دى الحياة فيها كدا وكدا لأن لو بقيت كلها حلو يمكن ننسى ربنا مش عارفه دا راى مش بيقول ادعونى وقت الضيق استجب لك
صلوا من اجلى اختكم سالى

كل عام ومنتدى البابا كرلس بألف خير وبركة ليستمر العطاء بلرسالة التي تقومون بها لنشر كلمة الرب في كل المعمورة:

انا آسفة لأنني من مدة لم اكتب شيء , السبب بأنني لم اقدر ان أقرء او أكتب ...بسبب الأعياد ودوشة الأاحفاد , اعزروني . انني أحبكم واحب كل ما تكتبون , انني عندما اكتب أو اقراء أكون مسرورة لأنني أحب كل كلمة تكتب عن يسوع وأمه مريم ...انا لا اجاملكم بل احبكم , ولقد زعلت جداً على ذهاب البابا شنودة رحمه الله . هذا الاب الكبير والحنون . انا لا اعرفه ولاكن أحببته , كنت ارى في وجهه كل الحب والحنان ...انه اليوم في الفردوس الأبدي مع الملائكة والقديسين...انني أطلب بكل توضع شفاعته . واليمنح الرب بابا جديد يكون بقلب البابا شنودة العظيم...سلام مع كل الحب الى كل من يعمل في منتدى البابا كرلس , ومن مدينة البشارة الناصرة اقول لكم كل عام ومصر بألف خير بشفاعة الام القديسة مريم البتول الطاهرة هل مبسوط من حياتك ادخل عبر عن الللي جواك بدون حرج - صفحة 3 681305

هل مبسوط من حياتك ادخل عبر عن الللي جواك بدون حرج - صفحة 3 681305

كل الي اقدر اقوله لكل من في ضيقة
صبر قلبك وقول ياااااااااااارب
ولو حسيت ربنا مش سمعك
مش تسكت
خليك عنيدددددددددد
يعني مش تستلم
انت لما تكلم واحد ومش يسمع بتنده عليه اكتر واكتر بصوت اعلي لحد ما صوتك يوصله
عايز كل انسان وانا صدقوني اولكم انا بقول النصيحة وبعمل بيها لان مفيش انسان مبسوط من حياته
لكن لا نستسلم ابداااااااا
صدقوني ربنا كدة بيحب الانسان يكون عنده عزيمة ويروح ليه مرة واتينن وتلاتة
احنا كلنا قلوبنا فيها امل
وربنا رحيم
عمره ما كان قاسي القلب
لو كنت بتبكي دلوقتي ثق وده كلام اب اعترافي ليا ان ربنا بيحصي دموعك كلها وهيعوضك والضيق اللي انت فيه هيتحول لفرح لان عمر ما انسان بيعيش طول عمره في ضيق
ربنا يرحمنا
وياريت تتخيلوا كل كلمة بقولها
انك تصرخ من قلبك وتزلزل السماء بصوت صلاتك ودموعك
صدقوني عمر ما ربنا ما كان قاسي القلب
بس ربنا بيختبر محبتنا ليه وعايز يعرف غلاوتنا عنده

هل مبسوط من حياتك ادخل عبر عن الللي جواك بدون حرج - صفحة 3 20054_316522474718_314832629718_3244121_6961637_n

زي بالضبط الانبا بيشوي حبيب المسيح
افتكرو الما المسيح كان كل شوية بيتقل علي جسم الانبا بيشوي
لكن الانبا بيشوي اتحمله بفرح
وفي الاخر اعطاه وعوضه عن حمله اللي اتحمله
مهما كنت حزين سواء انا ولا كل انسان
مفيش حد يقدر يعيش من غير ربنا
ربنا بيسمع صدقوني واللي بيقول مش بيسمع
اقوله انت غلطان
روح دور علي كتاب اسمه طغمات الملائكة واقراه بالتفصيل
وانت تعرف ان ربنا من لحظة عمادك وبيعين ملاك حارس يحرسك ويحميك ويسجل افعالك ويصعد صلواتك في كل يوم
وده مش كلام مرسل دي حقيقةةةةة امن بيها
كل اللي هقوله ربنا موجود
ومسيرها تنتهي
وكله للخير
وربنا يفرح قلبنا جميعااااااا

» برنامج خرائط مصر من اجمل البرامج الللي ممكن تشوفها ادخل خد فكرة عن البرنامج
» لو كارة حياتك ادخل هنا!
» بلد مؤسس الرهبنة بدون مسيحيين وعزبة "سعد الدين" بدون كنيسة
» حصريا علي منتدي البابا كيرلس♪♥ ترنيمة نهديك مجدا ♪♥ اجمل ترنيمة ممكن تسمعها في حياتك ادخل واسمعها ومش هتبطل تسمعها وعلي سرفرات مباشرة
» مبسوط يا سيدى يلا عشان تلحق عشيه عيدى

هل مبسوط من حياتك ادخل عبر عن الللي جواك بدون حرج

هل مبسوط من حياتك ادخل عبر عن الللي جواك بدون حرج :: تعاليق

هل مبسوط من حياتك ادخل عبر عن الللي جواك بدون حرج

مواضيع مماثلة

مواضيع مماثلة